|
يامـل قلـب عذبـه كثـر الأنـواع=يبي الطمع مير الطمع يخلف الطوع
والله يالولا زرفلة شقـح الأقطـاع=وآقول اباخذ لي مع البـدو قرطـوع
لاصيـر فـي قصـر لاروع ولارتاع=لاهالـك ظامـي ولاميـت جــوع
مار البلا وان طاح بالصلـب رمـاع=وشدوا له الجبلان مع بينة الشـوع
تلقى لهم من عند ابا القـد مرمـاع=ماعبروا في عرفج الشـق مقطـوع
حـزم غـدا لقليقلانـه تمـريـاع=والرمث ينبت في مذاريـه طالـوع
في مربع وان جاه راع الغنم ضـاع=تلقى الجوازي خنس فيـه ورتـوع
وأحب هد الطيـر والطـرش منـداع=شرق من المجذم شمال من الكـوع
الى حصل صفق الحباري مع القـاع=والله ماغبط اللي يصوع الذهب صوع
الشوع: طلوع الشمس.
طالوع : نوع من الأعشاب يطلع حدر شجر الرمث.
المجذم: محل بالصمان.
الكوع: محل بالصمان.
|
