|
يا راكب من فوق نــاب الفقــارا= سواج مواج الديــار النجـــودي
متيـهن يرعــى بعشب القــرارا= لمـــا زمى نيه بفج البــدودي
ملفاك شيخ من ورى النــاس كاره= عبــدالعزيز ومقدم للسعودي
وش أنت خابر يوم كان الزبــاره= يوم الدويش لجمع ربعه يقودي
يوم الجهاد اللي قبس ضوح ناره= يوم ان ابن متعب نـــزل بالنفــودي
دوشان يتلون الدويش الخيارا= أسد وتتليــه الرجــال الأســــودي
دوشــان ضرب سيوفهم بالفقارا= يشبع بها السرحان هو الفهــودي
دوشان ما باقــوا عمــيل وجارا= عميــلهم بالصلــح يرقى سنودي
|
