يثني على الفغمة أيام النعرات القبلية لأخذ الثأر في المعركة المعروفة بينهم وبين السويط شيوخ الظفير. ياراكب من عندنا فوق ظبيان= واللي عليه عبيد حيثه سدادي سواج مواج الخلا مثل سرحان= كلايفهمن كل نوع جدادي ملفاك بيت بينكبر جمران= بيت مخومس اللطراقي ينادي عندأيسره تلقى ذبايح من الضان= تحوفه اللي مثل ظبي الحمادي وعند أيمنه مجلس نشامي وضفران= ضياغم ياعبيد هرج وكادي عونية ياعبيد بالكون فرسان= ليالبسوا جرد السبايا العوادي هايف زبون الليجذت يوم الأكوان= نطاح باللقوة وجيه المعادي ولا نيب ناسي باللقاء فعل جفران= فكاك بالضيقات حر الأيادي واليا نهض ينهض بريش وجنحان =في مخلبه مايفرس الا الثنادي ياما قدا من جمعة وقت الأذان= لاقوضت بالكثر مثل الجرادي جمع السويط اللي فعل وأفنان= خلى جنبهم مثل حذف الهوادي سهج جنبهم والجنب فيه شجعان= خذا القضاءسبعة عوادي ورع ظهر كنه سهيل الى بان= فعايله بالطيب ماله عدادي ذكره وصل لديار مكه ونجران= تصبيحة العفنان فعل وكادي سعود جاهم وأول الصبح ما بان= تالي نهاره وأول الليل عادي عيال السويط اللي على الخيل فرسان= تعوضعت حريمهم بالحدادي والفعل الاخر يوم جاهم فنيسان= بالبدو واللي ظاهر من بلادي سعود ناطح له جموع وفرسان= خلا القلايع ماعرف له عدادي نبا نماريبه من الشام لعمان= والحضر واللي ينزلون المنادي

أدوات القصيدة

النسبة 2.99/5 (124اجمالي)

• 1
• 2
• 3
• 4
• 5