{ زاويـه أدبيه! }

[البويتل]

http://www.ojqji.net/vb/images/smilies/s22.gif

[ زاوية أدبية أكتب وأنقل لكم ما يعجبني وعسى أن ينال رضاكم ]






خذ العذر ياموجع الليل بالناي
...............ليلك عجل والسالفه سرمديه

أطول من الضيقات وأبعد من بكاي
...............وأشد من صد الخوي عن خويه

ياما ذكرت الوقت والوقت نساي
...............وياما قتلت الروح والروح حيه

وأنا بطبعي ليا تثاقلت شكواي
...............على صدر غيري بقت داخليه

تكبر وتكبر مثلها ضحكت شفاي
...............ويردد اللي مادرى ياهنيه

وأنت أن شقيت بغلطتك هاتها جاي
...............أغلط بكيفك وأترك العذر ليه

أنا اللي آسف وأعتذر عن سواياي
...............آسف على غلطتك وآسف عليه

الذنب ذنبي والخطايا خطاياي
...............ولا أنت ماجا منك ذنب وخطيه

تدري وش أبغى تقول قبل فرقاي
...............تدري وش أبغى تقول عن طيب نيه

ودي تقول..أو عاد تدري وش الراي
...............تسكت مدام السالفة سرمديه

[شعر / رشيد الدهام ]

[البويتل]

الـــى هــنــا يـارفـيــقــي وأعـتــقــد كــافــي
....................كـب الـصـداقــه وكــب الـلــي مـضــى كـلــه

تـكـفــى مــدام الـمـحـلــه نـبـعـهــا صــافــي
....................مـافــيــه داعـــي نــزيــد ظـنــونــنــا بــلـــه

مـاهـو حـرام الـسـنـافـي يـخـســر سـنـافــي
....................غــنــاة نــفــس الـبــنــادم ربــــي مــحــلــه

لاصـــرت يـاطــيــب الـجــديــن مـتــعــافــي
....................فـالـحــمــد لــلــي يــعــز الــعــبــد ويــذلـــه

مـن كـان عـلــة نـحــر مـرواحــه الـشـافــي
....................ولا يــوجــس الـعــلــه الا راعـــي الــعــلــه

ومـن خـان نـفـسـه مـع غـيـره مـهـو وافـي
....................ومـن تـاه بـالــراي شــوف الـعـيــن مـادلــه

والله مــا لـلــذي شـرهــه عـلــى الـســافــي
....................والـرجــل لا غــاب زولــه مــا نـفــع ظــلــه

واصـعـب مـن الـخـلـه الـلـي مـالـهــا رافــي
....................هـو نـفـسـه الـرافـي الـلــي يـنـقـلــب خـلــه

والـفـزعـه الـلـي تـبـي تـاتـي مــن خـلافــي
....................تـنـعــاف لــو كــان مـالــي غـيــرهــا لــلــه

وبـاكـر مـصـيـر الـلـيـالـي تـظـهـر الـخـافـي
....................والـشـمـس مـا تـنـحـجـب لاصـارت مـطـلـه


[شعر / فيصل بن طواله ]

[البويتل]

بعض البشر طبعه مقدر ومحشوم
وبعض البشر عيبً عليك إحترامه



اللي ستر عيبه عن الناس بهدوم
وش يستره لا صار عيبه كلامه







ما يضحك الجاهل إلا من كثر جهله
لا زاد همك ترى ما للحكي داعي
غنى صبي القصيد.. وجاوبه كهله
والوقت يعصى شهر.. وسنين ينطاعي
لقيت قصر المديح.. ولا لقيت أهله
من جاك ينشد ترى ماهو بفزاعي
لو قال يمدي؟.. ترى ما للقدر مهله
لا الحظ يشرى.. ولا الأعمار تنباعي
ما هو بأنا اللي يعود حين ينده له
أصعب من قفياتي لا أقفيت مرجاعي
يحق له.. يفرق اللحظه عن الوهله
دايم.. ولكن خطا لو يمدح أوضاعي
ويحق له ..لو يعاتبني على مهله
دايم ولكن خطا لو يلوي ذراعي
يا صاحبي والله ان المسأله سهله:
كل واحد شيخ .. صعب تحصل الراعي
ما يبكي العاقل إلا من قصر جهله
لا زاد همك ترى ما للحكي داعي






يامن بلاد الحـزن صـارت بـلاده
ترى فرح غيـرك يضـرك ويبكيـك
لو ينفـع العاشـق كثيـر اجتهـاده
ماعاش مع هذي وهو ميـت بذيـك






نهايات الغلا ماهي بعيدة
تزيد الجرح و إلا ما تزيده
من اول بيت والله ما خذلتك
إلى آخر بيت في عمر القصيده
أنا ما عاد يغريني حضوري
على شان المجلة و الجريده
من اول كنت احسب اني الحالي
وحيد و نظرتي دايم وحيده
و اثرني طول عمري كنت حاضر
بقلبي و اطرد قلوبٍ بليده
أقول احيان يمكن ما فهمني
و أقول احيان هو نفسه عنيده
أحسب ان المحبة فيه تكفي
و اثر كل المحبة ما تفيده
عطيته كل شيٍ كنت أحبه
و عطاني كل شيٍ مايريده






ياعاشق الصمت بيبان الحكي فضه
أدخل بها يمكن الاحـزان تنسانـي
مض الزمن بالحكي والسالفه مضه
ما باقي الا انت..والا..مت وحداني
ما شفت غيرك عشان اقول يا حظه
هنيت نفسي معك من كل وجدانـي






لا تاخذينـي بالحكـي هـدي شـوي
ما هـو بكيفـي فيـه شـي بقولـه
يا منتهى اللحضـات وبدايـة الفـي
رضاك وحـده منهـو اللـي ينولـه
كن الضنون خيول وارسانهـا يـدي
في غيبتك عـن كـل شـي جفولـه
وش ينقصك لو صرتي الشمس والفي
ما ينقصـك لكـن طبعـك عجولـه
تجملـي فـي خافقـي دامنـي حـي
لا مـات مالـك بالمحبـه بطـولـه
تدرين حتى القلب ما عاد هـو فـي
عهدي بقلبي يـوم ضحـك الطفولـه
تمتعـي بالجـرح والنـار والـكـي
تمتعـي بالحـال عرضـه وطـولـه
وتعذري قولي خطأ قولـي اي شـي
قولي زعلتـي قولـي انـك خجولـه
لي كل شي الا الردى مـا هـو بلـي
يغنينـي الله عـن رضـاه وقبولـه
وتطمني لو قالو النـاس مـن هـي
من يعرف اسمك ما يتجـرى يقولـه




هذا مكاني بيـن هاجـي ومـداح
موجود لي وأن غبت محد يسده


[ سحر / هلال المطيري ]

[البويتل]

بعض البشر طبعه مقدر ومحشوم
وبعض البشر عيبً عليك إحترامه



اللي ستر عيبه عن الناس بهدوم
وش يستره لا صار عيبه كلامه







ما يضحك الجاهل إلا من كثر جهله
لا زاد همك ترى ما للحكي داعي
غنى صبي القصيد.. وجاوبه كهله
والوقت يعصى شهر.. وسنين ينطاعي
لقيت قصر المديح.. ولا لقيت أهله
من جاك ينشد ترى ماهو بفزاعي
لو قال يمدي؟.. ترى ما للقدر مهله
لا الحظ يشرى.. ولا الأعمار تنباعي
ما هو بأنا اللي يعود حين ينده له
أصعب من قفياتي لا أقفيت مرجاعي
يحق له.. يفرق اللحظه عن الوهله
دايم.. ولكن خطا لو يمدح أوضاعي
ويحق له ..لو يعاتبني على مهله
دايم ولكن خطا لو يلوي ذراعي
يا صاحبي والله ان المسأله سهله:
كل واحد شيخ .. صعب تحصل الراعي
ما يبكي العاقل إلا من قصر جهله
لا زاد همك ترى ما للحكي داعي






يامن بلاد الحـزن صـارت بـلاده
ترى فرح غيـرك يضـرك ويبكيـك
لو ينفـع العاشـق كثيـر اجتهـاده
ماعاش مع هذي وهو ميـت بذيـك






نهايات الغلا ماهي بعيدة
تزيد الجرح و إلا ما تزيده
من اول بيت والله ما خذلتك
إلى آخر بيت في عمر القصيده
أنا ما عاد يغريني حضوري
على شان المجلة و الجريده
من اول كنت احسب اني الحالي
وحيد و نظرتي دايم وحيده
و اثرني طول عمري كنت حاضر
بقلبي و اطرد قلوبٍ بليده
أقول احيان يمكن ما فهمني
و أقول احيان هو نفسه عنيده
أحسب ان المحبة فيه تكفي
و اثر كل المحبة ما تفيده
عطيته كل شيٍ كنت أحبه
و عطاني كل شيٍ مايريده






ياعاشق الصمت بيبان الحكي فضه
أدخل بها يمكن الاحـزان تنسانـي
مض الزمن بالحكي والسالفه مضه
ما باقي الا انت..والا..مت وحداني
ما شفت غيرك عشان اقول يا حظه
هنيت نفسي معك من كل وجدانـي






لا تاخذينـي بالحكـي هـدي شـوي
ما هـو بكيفـي فيـه شـي بقولـه
يا منتهى اللحضـات وبدايـة الفـي
رضاك وحـده منهـو اللـي ينولـه
كن الضنون خيول وارسانهـا يـدي
في غيبتك عـن كـل شـي جفولـه
وش ينقصك لو صرتي الشمس والفي
ما ينقصـك لكـن طبعـك عجولـه
تجملـي فـي خافقـي دامنـي حـي
لا مـات مالـك بالمحبـه بطـولـه
تدرين حتى القلب ما عاد هـو فـي
عهدي بقلبي يـوم ضحـك الطفولـه
تمتعـي بالجـرح والنـار والـكـي
تمتعـي بالحـال عرضـه وطـولـه
وتعذري قولي خطأ قولـي اي شـي
قولي زعلتـي قولـي انـك خجولـه
لي كل شي الا الردى مـا هـو بلـي
يغنينـي الله عـن رضـاه وقبولـه
وتطمني لو قالو النـاس مـن هـي
من يعرف اسمك ما يتجـرى يقولـه




هذا مكاني بيـن هاجـي ومـداح
موجود لي وأن غبت محد يسده


[ سحر / هلال المطيري ]

[البويتل]

[ زاوية مع المبدع المغمور / خالد الردادي ]



البـارحـه وانــا مــع اصحـابـي الـجــن
قابـلـت بالـصـدفـه قـريـنـي مـعــدي !

مرسـول سلمـى بنـت خالـة 00( زلوجـن ) !
جـنـيّـة ٍ لا شفـتـهـا بـــاح ســــدي !

لمحـة سنـا مارج0لهـب ضــو ! منـجـن !
تــزلّ ,, وتـعــدي ... و ازلّ و تـهــدي !

نفـس الصفـات 00 ونـفـس تقريـبـا الـسـن
لكنهـا مـا هـي علـى مــزح 00 جــدي !

تلعـب عـلـى مرجيـحـة غـوايـة الـظـن !
وصـلـت معي00حـتـى تعـديـت حــدي !

قالت : مـن انـت ؟ وقلـت بلسانهـا : مـن ؟؟؟
انـا ؟ انـا ! انــا ! انــا ! مـيـن ؟ ردي !!

انـا الزعـيـم بمعـشـر الانــس والـجـن !*
انــا ولا غـيـري عـلـى الأرض قـــدي !

انــا الكبـيـر بعـالـم الشـعـر والـفــن !
انــا الوحـيـد الـلـي بـالأنـداد نـــدي !

انـا الرضيـع اللـي نبـت لـه مـيـة ســن !
وانــا المـخـرّف00 والـحـلاوه بـيــدي !

انـا الحزيـن اللـي يقولـون لـه 00 غــن ّ !
وانـا السعيـد اللـي مــلا الـدمـع خــدي !

وانـا الـذي لا يمـكـن 00وصــار ممـكـن !
0 ودي 00 ولا ودي ! اعـــرفـــه وودي !

خالـد ! ولـو تدريـن 00 خالـد ولـد مـن ؟؟!!
0 مطلق ! وسالـم ! راعـي الجـود ! جـدي !!

سعـر التـراب مـن الذهـب عنـدي أثـمـن !
لا شفـت ثــوب الـلـي يلـمّـه مـصـدي !

ولـو ان سلمـى عندهـا احـسـاس وتـحـن ّ !
مـا تكسـر بخاطـر جـهـل ! طـيـب ردي

[البويتل]

{ يتبع.. خالد الردادي }


الــبـــحـــر : مـــجـــنـــون ...!
واللهجــــــــه : فــظــيــعـــه..
..... والموسيقـى عاليـه .. والقـاف " لــول "

الـحـروف حـتــوف والـنـبـره سـريـعـه
........و( الغريبه) خلف .. " تسجيـل الدخـول "

يالغريـبـه ... غـربـة الـشـاعـر شنـيـعـه
......... لاغـدى يقـدر يـطـول ولا يـنـول.!

النـفـوس اثـقـل مـــن الارض الوسـيـعـه
......... والعقـول افـرغ مـن جلـود الطبـول

( الحـداثـه) : شـوهـت وجـــه الطبـيـعـه
....... و( الأ صوليـه ) علـى غيـر الأصــول
و
( الثـقـافـه ) : مـارســت دور الخـديـعـه
......... والشعـوب تـدووور بانصـاف الحلـول
و
( الصحـافـه) : تـشـري الجـهـل وتبـيـعـه
.............. و( الكراسي) حايره بين الفحـول :

الــردى مـاهــو جـــزا "رد" الصنـيـعـه
........... لكـن .. ! شلـون ابفهّـم هالخبـول؟

حملـونـي فـــوق مـــالا استطـيـعـه !!!
....... لين صـرت لأضعـف كتوفـي حمـول !

ويـش اقـول .. ؟ و باقـي الاشـيـا خليـعـه. !
...... بين ذولاك .. و هـذولاااااك ... وهـذول !

صدقينـي .. كـل شاعـر لــه هزيـعـه .. !!
.......... بس انـا . رغـم انتصاراتـي خجـول

كــل ماطـاحـت مــن عيـونـي مـذيـعـه.
...... قلت : وين القا مثـل هـاك .. البتـول ؟؟!
قـــــالـــــت امـــــــــــي :
لاعــصـــاك الــوقـــت طـيــعــه .
..... قـــلـــت : وان مـــاطـــاع .!؟
قـــالــــت : وش تــــقــــووول .؟؟
بـالـك . ! الـسـرّ الـلـي بـصـدرك تذيـعـه
.........لـو تناهـشـك النـواظـر بالفـضـول

كـل واحــد مــن عيـالـي لــه طبيـعـه. !
....... وانت من صغرك .. على .. كبرك . عجول

والله الـلــي نّـــزل احـكــام الشـريـعـه
.......... لو تقـول اللـي تقـول ... او ماتقـول

لا تـنـكّـر.. كـــل مـتـبــوع لتـبـيـعـه
........ مايفـوز اللـي تبـع غيـر ( الـرسـول)

صــلـــى الله عـلــيــه وســـلـــم.

[البويتل]

{ زاويه المبدع: سعد علوش }

الله خلـق عـبـده عـشـان العـبـاده
ما هو عشان مفاخـر العـرق بالعـرق
صـح أن فالدنـيـا عبـيـد و ســاده
لاكـن عنـد الله مـا بينـهـم فــرق
خللـك بسيـط الكبـر مـا هـو بعـاده
لا تسرقك دنيـاك عـن خلقتـك سـرق
خلـك صبـور وخــل عـنـدك اراده
ولا صرت راعي ضو اصبر على الحرق
لـولا الصبـر و المعرفـة و الركـاده
مـا تجـرح العشـاق ترنيمـة الـورق
و اذا بتسـيـد فالمـراجـل سـيــاده
خل المراجـل بـاب و سيادتـك طـرق
خلـك ذكـي و أخـذ الامـور بهـواده
و لا صدت و ثق لا تجيب صيدتك زرق
و اليا عشقت أعشق مـن الحـور غـاده
حوريـة فـي بحرهـا يحيـي الغـرق
ان زعلـت زانـت بعيـنـك زيــاده
و ان ضحكت كنها تنافـس مـع البـرق
و أذا تــدور فالـحـيـاة الـسـعـادة
أسجد لربـك سيـد الغـرب و الشـرق

[البويتل]

خطاك سو الظروف .. وماتشوفين شر
تخفيف ذنب .. ومعافى حال ..وأجر.. وطهور
الحّ وادعي وحزني في الضلوع انتشر
و أوجد ورى كل ضلع وضلع نقطة عبور
حتى لو انك نسيتي مبدأ .. اني بشر
ناهيك عمّا يمثلّه الغلا .. في الصدور
مهما اختلفنا بربع العشر .. ولاّ العشر
هذا مايعطيك حق .. تهمشيّن الشعور !

[نبض الغلا]

البويتل

ذوق بقـوه .. وارى من الجمال والابداع ما سردته في هذه الزاويـة ..

احترت في روعة تلك السطور .. فـ كل شطر من كل بيت وكل بيت من كل قصيده فيه من الجمال مايكفي

<<متابعــة بشـدة

تحيـاتي لـكـ

[شجاع الهيت]

ياسلام عليك نعم هذه ليست زاويه بل زوايا

البويتل احييك على ذائقتك الشعريه

لا
هنت

[البويتل]

وضح القصايد.! لامتى وانتن رقاد..؟
شاب السكوت .. وخّوة الصمت صلفه

لعـلّ مايقـدح علـى كفّـي زنــاد
لاسقيتكـن بعـد الضمـا ذلّ وطفـه

لاوالله الا توّ مابانت ( سعـاد ) . !!
وتو الهوى مـاوّرد (زهيـر) حتفـه

قالت من انت..؟ وقلت يابنت الاجواد
انا القويّ اللـي قتـل فيـك ضعفـه

وانا السهير اللـي تعـداك .. نشّـاد
يطرد نهـار ويلهـث الصبـح خلفـه

نجمه يغيـب وضيعتـه فيـك تـزداد
ولااشعل سراجه يصرخ الليل.! طفّـه

سجين هـم ولابـس.. ثيـاب جـلاد
نصفه ذبيح .. وذابح المـوت نصفـه

تلميذ مهمل يشرح الدرس ل استاد ..
بليد . ! واذكى مـن تلاميـذ صفـه

وانا الموقع جرحي ادناه .. من غـاد
الشاعر اللي طّـوع الشعـر حرفـه

اصعب حروفي لاركب راسـه عنـاد
يلّـذ لـي لاعسعـس الليـل عسفـه

اعـزف لموتـه اغنية..عيـد ميـلاد
واسمع صدى صوت النغم قبل عزفـه

بالصدر طفل يسحـب خطـاه بركـاد
وبالعجز ريح يرعب الكـون عصفـه

لي صدفة احلى مـن الفيـن ميعـاد
ولي موعد احلى مـن الفيـن صدفـه

وبالناس لي انصاف واقران واضـداد
وكـل يفسرنـي علـى قـد عرفـه

وبي جرح ماله غير نزفه له ضمـاد
وشلون اطيب..؟؟ ولابعد كّف نزفـه

واللي بعث هود ل(ارم ذات الاعماد)
انا بزمن يشبـه زمـن عـاد وصفـه

أصدق من الدمعه على خّـد.. بغـداد
واكذب من اللي شافها وغض طرفـه

غربه. وهم. حيره. ألم. هم. واجهـاد
طالت وضاقـت نسـأل الله لطفـه..

ويابنت انا.. طارق مثل طارق زيـاد
لولا الذي قضبّنـي الجمـر كفّـه.!!

والله يلولا. خاطـر عيـون الاوغـاد
ل اقطف لك اللـي ماتمنيـت قطفـه

المبدع المغمور ( خالد الردادي )

[البويتل]

نشوة رضا . ! رشفة وهم . ! نكهة احزان !
(احسـاس مـدري ويـش اسميـه جانـي)

من كثر احس انـي مـع احساسـي انسـان
احـس ان احساسـي انسـان ثانـي .. !!

اسمـع بصمتـي عـزف موسيـقـة اوزان
وارسـم صداهـا فـي ضلـوع المعـانـي

وشلـون الّونهـا..؟ وانـا مالـي الــوان
غيـر البـيـاض وحلـمـي الارجـوانـي

احيـان..! اعيـش بداخلـي لحظـة ايمـان
واحيـان احـس انـي مجّـرد انـانـي !!

احيـان اقـول ان الزمـن كلـه احيـان !!
واحيـان اقـول احيـان كـذبـة زمـانـي

هـذا انـا..؟ والا أنـا حـالـة جـنـان ؟؟
والا أنــا عقـلـي ؟ وهــذا جنـانـي ؟

يامعشـر الانـس (العفـاريـت) والـجـان
البـارح ..اللـي جانـي العـام .. جانـي.

والله .. لــو بقلوبـكـم ذرة احـســان
ماتتـركـون الـلـي يعـانـي .. يعـانـي

[البويتل]

الــحي مايـشـره عـلى النــاس الأمـــوات
يـكـفي حضـــورك بـيـنــهم وأنــت غـــايب


شعر؛ سعد المويهي

[البويتل]

رشحتني الاقدار للموت ولكن
.............اخرتني لكي يطول عذابي


ومحت لي الالام كل ذنوبي
............. ثم أصبحت مديينة لحسابي






[ شعر العلامة / مصطفى جواد ]

[البويتل]

[ زاوية في رحاب البدر ]

http://up.eqla3.com/up/get-5-2008-sai8gjeg.jpg


تحبني..وأقـول من زود لـطفك
شكراً صدقت .. وألف شكراً على الكذب




أحبابنا ليت الذي راح طول
وليت الذي باقي لما فات تجديد



أغلي حياتي .. من ثواني بها ألقاك
لولاك ما تسوى حياتي كدرها
ودنيا خلت من صافي الود وياك
يا عل تكسف شمسها مع قمرها





في غيبتك كل الملا عندي اغراب
ما أحدٍ أبي قربه .. ولا أحدٍ يبيني
لا يا غلا كل القرابه والأصحاب
ضاع العدل في الناس لو تظلميني




احاكي الجدران عن وصف غرفه
ماتشبه الجدران ويطول وصفي
وتملني الجدران واظهر لشرفه
تحت السما واسكر الباب خلفي
ريحٍ تهب وتسكن العظم رجفه
وتموت ريح وتسكن اوراق نزفي
ياطاري الغدران والعمر رشفه
مع قلها ياليتها يوم تصفي
الحب واجد مير الاقدار صلفه
والأرض واجد لكن الحلم منفى
واللي اعرفه راح ماعاد اعرفه
ولاظن يذكرني الى أقبلت مقفي
ماهو حبيبي مورد القلب حتفه
ولا هو حبيبي يفرح بوقت ضعفي
مر ثمر هالليل وأمر قطفه
يالحنظل اللي قمت اذوقه بكفي
متى الشوارع تجمع اثنين صدفه
لا صار شباك المواعيد مجفي
يابنت تو الليل ماراح نصفه
وياليل بعض اللي مضى منك يكفي







روحي خلا .. سكانها خوف وسكات
وليلٍ ملا قلبي .. ظلامه يروعي
ما هوب صدري .. ذي مداهيل الآهات
وماهوب جفني .. ذي مقابر دموعي
حبيبتي وان قلتها بعض الأوقات
من عزتي .. ماهي ترى من خضوعي
أهواك لي فوق الشواهيق رايات
وعلى حصون الياس تزحف جموعي
واهواك مراتٍ .. واعاتبك مرات
بالله .. لا تبكين بردي وجوعي
إن طحت فـ اطوي الياس من حب الأموات
هذا رحيلي عنك.. واتلى رجوعي






تذكر النسيان ... لاعاد تنساه
ياقلب ... وانسي القلب لعل يشفا
يدرى الحبيب ... انه حبيبٍ وابجفاه
ماهو خراب الكون ... لاقفيت واقفا
كان الخطا منى ... فقلبي خطاياه
هو علمه ... وشلون ... يهجر ويجفا
تعب المسافر ... وابعد الموج مرساه
صار المدى له يم ... والشمس مرفا
ومل الهوى نوحه ... وبوحه ... ونجواه
ماعاد لى صبر على الجراح ... تكفا
الى متى ...صدري بيحترق حناياه
كنك على صالي ...عظامي بتدفا
والى متى ... جفنى بيسقيك من ماه
كن الليالي لاصفا الدمع تصفا
تذكر النسيان .... ياقلب وانساه
وانسي ... الجروح اللي مع الوقت تشفا







لادمعة في العين تكفي ولا آه
لا من نوى لك صاحبك بالقطيعه
الله على بعض المحبـين ما اشقاه
يرجي زهــر روضٍ تولى ربيعه
ولا مـن خذا له ساعة قال ابنساه
بانسى هوى اللي بـاعني قبل ابيعه
وده يعسر القلب عن غي مشهاه
هيهات ياقلب الخطا لو تطـيعه
الله يجازي الحب مااكبر خـطاياه
شره على اصحاب النفوس الرفيعه
اهـل الوفا واهل الشيم من سواياه
ضاقت بهم دنيا فججها وسيعه
والا الخبيث بمنسم الرجل ناطاه
يوم الغـدر والخبث عنده طبيعه
يالله عسى لي خيرة عقب فرقاه
لوكان فرقا الخل مثل الفجـيعه




حنا ورود .. وليت ماانتم مصادير
بالهون .. يكفيني عن الرِي نجَوى
ما با الصدود اسلوم ربعٍٍ مخَاشير
وردٌ السَلام لعَابر الدرب تقوى
تبسٌمي .. ينبت بقـــلبي نواويـــر
عشب الفَياض ويابس العرق يروى
بَيني وبَيــــنك ما تجوز المعــاذير
عمرٍ يضيع .. ولجلك القاع تطوى
جرحٍٍ بكبدي والجدى فيه تصبير
كاني صبرت أيَام .. فأيٌام مقوى
وكان الهوى اللي كَسٌر القلب تكسير
علة خفى .. ما صَابكم منه عَدوى




ولمصافحك ربي خلق لي يميني
أمدها لك وصل وأمدها بعاد
البسمتك ترخص غوالي سنيني
جرحي يهون ووجاير الشوق يزداد
أنسى عذاب العمر و ما أنسى حنيني
تبلى ليالي العمر وجروحك جداد






ما بقالي قـلب يشفع لك خطيّه
ذوبـته اجروح صدّك والخطايا
صاحبي بالله ... لا تعـتب عليّه
العَـتـب ما عاد تاسَعه الحنايا
كلّ جرحٍٍ فات لي منك هديّه
وش بلاك اتخاف من ردّ الهدايا
الله أكبر ... كيف مالك مقـدريّه
وكل ما تحمله من هـمّي بقايا
لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا
وان غَدى للحب في قلبك شظيه
وش يقـول اللي غدى قلبه شظايا




مما بروحي لا أزعج الصوت وادعيه
غديه يسمع صيحتي من عذابه
اللي هجرني ما درى ويش أنا فيه
أقفا وقفي ما يرد الإِجابه
لولا الحيا .. ثوبي من الغبن لا أفريه
وأجدع هدومٍ .. ما وقتني حرابه
وأبكي وأبكي من شكى ظلم غاليه
واللي فقد شوف الأهل .. والقرابه
وأصفق بكفٍ وأتبع الصبر باقيه
وأقول تكفى .. وآصله حد بابه
وأجعل ظلام الياس نور الرجا فيه
وأتبع ولو في القاع مغوي سرابه
عل الرجا يلحق على الطول راجيه
والا جريح الحب يشفى صوابه




في الجمر دلةٍ صفرا تفوح
وأنا قلبي على الشكوى شحيح
اقشر العشق عشقٍ ما يبوح
لين يفنا عتب أو يستريح




في دربـكم يا راحلينٍ ٍ منـاكيف
تـالي ليـالي القيظ وأول خـريفه
ردّوا سـلام أهل القلوب المـواليف
على الوليف اللي نشــد عـن وليفه
ردّوه لعـذوق النخيــل المهـانيف
وعلى القصـور اللي بـوادي حنيفه
دارٍٍ لهـا بالقلب عشــق وتـكاليف
يـاعـل عيـنٍٍ مـاهـوتها كـفيفه
طـبنا وشـبنا وأتـعبتنا المشـاريف
والمـرقب العـالي هبـوبه عـنيفه
يا وارديـن العـد .. كفـّوا المغاريف
اللـي بقـى دمـعٍ هـماجٍٍ ذريـفه
والله لــو دمّي يـغيث المـلاهيف
قطعت عـرقي ليـن يصفى نـزيفه
ويا حظ من لا عرف منهو ولا شيف
إن طـاب ..يحمد وإن تـردّى .. بكيفه
وحنا ورثنا العـز عظم وغضاريف
لا مـا ورثـنا العـز تـاج وقطيفة




أقـوم بجبالٍ ولا أقيم في سفح
لو أطعموا لحمي لعوج المخالب
يابنت مابه ذنب يصعب على الصفح
كود الهوان وعيش سحم الثعالب
لاوالذي كرّم جديلك عن النفح
العز ماهو بين شـاري وجالب
الله خلقنا .. تلفح وجيهينا لفح
حر السمايم في عزيز المطالب
سوى رضينا أوطفح كيلنا طفح
عض النواجذ طبع والطبع غالب



كل ما أقفيت . . ناداني تعال
وكل ما أقبلت عزّم بالرحيل
وكل ما أجنبت واعدني شمال
يا أهل الحب ضيعت الدليل
الحقيقة غدت مثل الخيال
هو عـدوّي . . وهو أغلى خليل
شفت أنا الظلم من بعض الدلال
يجرح القلب لو كانه جميل
أشهد إن الهوى ما به عـدال
هو خلي . . وأنا قلبي عليل
وكل ما قلت له يا ابن الحلال
المحبة عطا . . وانت بخيل
التفت لي وهو عجل وقال
لذة الحب في الشي القليل



قالـــت قـصــــيدك ليـل .. ســودٍ مـعـــانـــيـه
رويـانـــــةٍ بالــــدمـــع ... وامـــدادهـــا دم
الى متـــى يـا شـاعـــر الـهـــــم تــخـفـــــيه
والى متـــى .. تحنى ضلوعـــك على هم
قلـــت الــبـــكـــا .. صـعـــبٍ عــليه وأنـــا بيه
لا واهــــني الـــلي بـكــــى ومـــا تـنـــدم
لي عبـرةٍ يلعــــب بهـا الــحــــزن والــــتــــيه
ولي صرخــــةٍ .. واتعبـــت ابـلقــى لها فم
لا مــا كــتـــبــت الــشعـــر .. لـحـدٍ بسليــه
ولانــــيــب مــــداحٍ .. ولا بــاتــــرنــــــم
احـــســــاس لابيــعــه ولانـــيــب شـــاريــه
مـــرٍ يجـــي شـــهـــدٍ ومــــرات عـلــــقم
الى لمحــــتي دم جـــوفــي .. افـــ خــــليه
علــىالورق .. لا صـــار روحــــك تـــالـــــم
قلـــت الـشـــعــر يوم إن لي .. راحـــةٍ فيه
وحـــزين أنــا .. إلـى متـــى .. الله يعـــلم




أبا اتنفس دام لي بالنفس حق
ياللي قصيدي فيك من حر الأنفاس
والله يالولا عبرة الحبر الأزرق
دمـعٍ نثرته من عذابي بقرطاس
لاأقول أحبك .. لين بدموعي اشرق
وقبل الصديق يحس بي نايد الناس





يا صاحبي كيف أنا كثرت عذاريبي
أو هو الزمان الذي كثرت عذاريبه
وكان الليالي مثل عرفي وتجريبي
جرحٍ لفت به وجرحٍ بد تاتي به
انا أحمد الله على سدة مواجيبي
لي راس مالٍ رصدته في مواجيبه
مادام راسي عزيزٍ ذي مطاليبي
ما تعذرون الذي عزه مطاليبه
ما اخترت أنا الطيب انا مختارني طيبي
من علم الحر يشهر في مراقيبه
ولا تحسب ان الثني والمدح يطغى بي
حيث أن كثر الثنا والمدح أنا أحرى به
عن نية الجود صعب اليوم تجنيبي
من قيل ذا النجم جدك غصب يسري به




ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين
لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن
والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن
لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن
خــلـنــي بــخـــتـــار لــحظـــة مقتلـــي




انتي مثل قمراً على صفحة الما
له صورة عندي وهي في السّما فوق
اتصافحك عيني وأنا كفي أعمى
مَالي جدى إلا مصافح الموق للموق
ياما شربتك شوف من خوف لا أظما
وياما الوله للوصل يّبس بي عروق
وياليتني بدلت نورك بظلما
واخترت لي غيرك من الناس مخلوق
اقول أحبك يا عذابي أو أكما
لا حاصلٍ قربٍ ولا نافعٍ شوق




اللـي طعنّي بين الاضـلاع وأدمى
هذاك نــدٍ لي ونعمـين فارس
ومن ينطح الوقت الردي قلبه أعمى
كم عامـرٍ خـلاه بالقاع دارس
يـابنت مـالي قلب بـالحب يرمى
كفي سهـام الفاتـرات النواعس
المـا عيـوني أظهـريني مـن المـا
وأنـا غريـق الدمع والريق يابس
ظميـان من مثلي من النـاس يظما!!
وأنـا علـى أحلى الينابيع حارس
والله يالـولا فيّـة عيـون سـلمى
ماشوف كل الناس ضاحك وعابس
مـن طـاب لي بالنـور ماني بظلما
ومن جـادلي بالغيث مـاني بحابس





عبر العصور .. السالفه ..
كانوا العرب .. يشرون
المهر .. بمية ناقة
كانوا الرجال .. مثل الرماح ..
قاماتهم مشدودةٍ .. ودقاقة
وكانوا الحريم .. صبرٍ قديم
وفا .. وسماح ..
والى .. اقطعوا عن الفطيم .. الحليب
قصوا عسيب .. من انخله
واعطوه له وقالوا فرس
اعطوا الصغير .. سيفٍ خشب
ومجدٍ يحبه .. يوالفه
السالفه .. رغم الفقر
والجهل .. واوقات المرض
ماكان للبسمة غرض
ولا كان للدمعه .. غرض
ماكان في الدنيا .. سوى
ثوب ورغيف .. وعرض نظيف
وكرامةٍ ماهي تمس ..
السالفه .. اني أحس
انا عكسنا السالفه
صحيح قهرنا الفقر
والجهل .. وايام المرض
لكن غدى لكل شي .. غرض
السالفه .. ان القديم
كله غدينا .. انخالفه
ابدون وعى .. والابوعى
ماانتم معي .. انها قديمه السالفه

[البويتل]

لا تلتفت يمي.. ولا تحتريني !
انا / هنا [ وقفت ركابي ] وريّحت,

للماضي اللي كان [ بينك وبيني ] ,
رفعت [ يمناي الكريمه ] ..ولوّحت,


شعر /مشعان البراق

[البويتل]

أَنْــتَ تَمْضِــي فَــوْقَ حَقْــلٍ بِالْمَمَالِيــكِ مُلَغَّــمْ !!

*شعــر: هــلال الفــارع


لَسْتُ أَبْكَمْ
إِنَّمَا الْحَرْفُ ثَقِيلٌ،
وَفَمُ النُّطْقِ مُكَمَّمْ
وَانْهِيَارَاتي تَمَادَتْ،
في مَدَى الفُصْحَى، وَرَاحَتْ
في لَظَاهَا تَتَذَمَّمْ
كُلَّمَا حَاوَلْتُ أَنْ أَنْظِمَ شِعْرًا،
جَفَّ في حَلْقِ الْقَوَافِي،
نَبْضُ حَرْفِي،
وَعَلَى الصَّمْتِ تَفَرَّمْ
وَإِذَا قُمْتُ إِلَى مِحْرَابِ صَوْتِي،
رَدَّنِي عَنْهُ صَدَى الْخَوْفِ الْخُرَافِيِّ الْمُرَخَّمْ

لَسْتُ أَبْكَمْ
إِنَّمَا حُزْنِي تَمَادَى،
وَتَصَادَى في احْتِقَانَاتِ الْمُقَطَّمْ
وَبَرَانِي، وَرَمَانِي،
بَيْنَ نارَيْنِ، وَسَيْفَيْن وَفِرْعَوْنٍ مُعَظَّمْ
أَيُّهَا الْغَزِّيُّ أَدْرِي،
أَنَّ هذا اللَّيْلَ أَظْلَمْ
وَأَنا أَعْرِفُ،
أَنَّ الْجُرْحَ في الْقَلْبِ تَجَهَّمْ
وَأَنَا أَدْرِي بِمَا يَشْهَقُ مِنْ عُرْيٍ،
عَلَى صَدْرِ الْمُخَيَّمْ

لَسْتُ أَبْكَمْ
إِنَّمَا الطَّعْنَةُ أَعْظَمْ
مَرَّةً تَهْوِي على الصَّدْرِ،
وَمَرَّاتٍ على الظَّهْرِ، وأَعْلَمْ
أَنَّ فِرْعَوْنَ رَمَى السِّحْرَ بَعِيدًا،
وَمَضَى يَرْفُلُ في الْطَّعْنِ الْمُنَظَّمْ
أَنْتَ في كُلِّ حُلُولِ الْمَوْتِِ تَمْضِي،
فَوْقَ حَقْلٍ بِالْمَمَالِيكِ مُلَغَّمْ
فَتَعَلَّمْ
كَيفَ تَحْتَالُ على الْمَوْتِ،
وفي السَّاحِ " بَرَاكٌ " ، وابنُ مُلْجَمْ
لَمْ تَكُنْ تَدْرِي بِمَا يَجْرِي،
فَمَا الإِشْكَالُ في الْجَيْشِ الْعَرَمْرَمْ
إِنَّمَا الإِشْكَالُ فيمَنْ،
أَمَّ في النّاسِ طَويلاً،
بَعْدَما أَجْرَى دِمَاهُمْ، وتَيَمَّمْ
ثُمَّ صَلَّى، ثُمَّ َسَلَّمْ
لَمْ تَكُنْ تَدْرِي بِأَنَّ الْمَوْتَ أَرْحَمْ
هَكَذَا الْحَالُ،
فلا تَحْزَنْ عَلَى حُلْمٍ تَقَزَّمْ
وَالْحَيَاةُ الْمُرَّةُ الْعَجْفَاءُ لَيْسَتْ،
فِي زَمَانِ الْخَوْنِ مَغْنَمْ
أَنْتَ في غَزَّةَ مَاضٍ فَوْقَ نَارٍ،
بَعْضُها نَارُ يَهُودِيٍّ لَئِيمٍ،
فَاخْتَرِ الآنَ،
وَجَمْرُ الأَهْلِ أَلأَمْ
فَتَقَدَّمْ
صَرْخَةُ الْمَوْتِ مِنَ الرَّشَّاشِ تاجٌ،
وَوِسَامٌ، يَتَلاَلاَ فَوْقَ مَبْسَمْ
لَيْسَ في السَّاحِ سِوَانا،
وَأَنا ما زِلْتُ يا غَزِّيُّ أَبْكَمْ
فَتَكَلَّمْ
وتَقَدَّمْ
لا سَقَى اللهُ جُيُوشًا،
في حِمَانَا تَتَصَنَّمْ
لا رَعَى اللهُ عُرُوشًا،
... في دِمَانَا تَتَحَمَّمْ!!