المساعد الشخصي الرقمي

مشاهدة النسخة كاملة : لعبــة الفــرينســـي

فلاح الحصيني
23-02-2009, 06:43 AM
لعبـــة الفريـــنـــســي هي لعبة قديمة منذ الزمن البعيد وقد اشتهرت فيها قبيلة مطير خاصة والقبائل بالجزيرة العربية وكثير ما نراها في مناسباتنا وخاصة بأفراح الزواج لذا اتمنى من جميع الاعضاء والمشرفين تزويدنا هنا بالقصائد للعبة الفرينسي لتكون صفحه خاصة للعبة الفرينسي وتعتبر هذة الصفحة
كاول صفحة في عالم النت تعتني بهذي القصائد للعبة الفرينسي .


راعي القرن الاشقر شـد قلبـي وتلـه
بيُـح السـد منـي عقـب مانـي بكـامـي
عنـز ريـمٍ تقـود الصيـد دقــه وجـلـه
عذبـت ناقـل البنـدق سريـع الولامـي
ياوجودي عليهـا وجـد مـن فاطـرٍ لـه
غرها النوم عنها في فروع المظامـي
فوقهـا قربتـه وحـذاه مـع مزهـب ٍ لـه
واختفت جرة الفاطر غطاها العسامي
خـابـر الـمـا بعـيـدٍ والـدحـل مـايـدلـه
وما حواليه من يعطيه حمض العلامي
صاحبي وان هرج لـه هرجـةٍ مانملـه
كود امل اللبن من در هـدف السنامـي
لــه زمانـيـن حـبـه ماتـعـدى مـحـلـه
كـود بـرق الصبيحيـه تعـدى سنامـي
ليتنـي شـذرة ازمـامٍ علـى مبسـمٍ لــه
فوق بيض تلاعج مثل برق الظلامـي
ليتـنـي ربـطـة ازرارٍ عـلـى لـبـةٍ لــه
فوق فرع النهود وحدر طرق اللثامي
كن في عينـه اليمنـى عساكـر وسلـه
عسكر الروم حمران الوجيه الطغامي
ان قتلني عشيري بالهـوى فـدوةٍ لـه
ذبح خلي حلال وذبـح غيـره حرامـي
خالد بن دليبح
23-02-2009, 02:28 PM
يعطيك العافيه

وتقبل مروري..................:e:
عذب المشاعر
23-02-2009, 02:40 PM
يعطيك العااافيه

ولاهنت على الموضوووع الراااائع ..


خالص شكري لسسسموك ..
سوار الذهب
23-02-2009, 02:53 PM
الله يبيض وجهك يابو عبدالله
وعندي تنويه ان الاسم الصحيح للعبه هو الفريسني وليس الفرينسي كما اشتهر لدينا

واسمحلي اقولك باللي حافظ منهن

يفز القلب لاسمع اللواليش
على صوت العذارى يستجني
وانا لولا العذارى كان ماعيش
وهن لولا الطبر مالولشني
×××××××××××
عزو الصفين ياروس الذيابه
مانبا من يدخل الصف مغصوبي
كلبونا يارفاقه ياقرابه
مالحقنا شك والادنى ينوبي
عند ابو فلان نرحب بالنيابه
×××××××××××××××
وان شالله اوعدك يالباقيات والله اني ناسيهن بس تبشر فيهن كاملات
سعود بن لامي
24-02-2009, 03:25 AM
لاهنت يافلاح .. شكرا لك
ابوفهد..
24-02-2009, 10:00 AM
احياء التراث في الفرينسي والمجيلسي بادره تشكر عليها مبدع يا فلاح في جميع حالاتك اخوك ابوفهد الهيت
شجاع الهيت
24-02-2009, 10:26 AM
فلاح الحصيني

مجهود تشكر عليه لكن موقع هالموضوع

بالشعر العام ويثبت

لانه يحفظ الموروث ويسعى في انتشاره

لا

هنت
بدر أبو عجرى
24-02-2009, 01:22 PM
مشكور يا ابو عبدالله

فعلاً يستحق التثبيت

اكرر شكري

.....
طيرة شلوى
21-03-2009, 01:54 AM
فلاح مو جديد عليك الابداع

وتستاهل التثبيت

تقبل مروري
ام عيون
فلاح الحصيني
11-08-2009, 02:00 AM
شكراً للجميع
فارس الجبلان
11-08-2009, 02:03 AM
يعطيك العافيه ..
وتقبل مروري...
" فهد الجبلي "
30-08-2009, 07:30 AM
.


.

غنيت يوم الذيب فالقمه عوا ,,

.. .. .. .. .. .. قصيدة ٍ تزها المعاني كلها


يا مرحبا ترحيبة ٍ مثل الدوا ,,

.. .. .. .. .. .. تشفي الجروح اللي تزايد غلها



ربوعنا وأصحابنا جونا سوا ,,

.. .. .. .. .. .. يا مرحبا ترحيبتن في حلها



يستاهل الوقفات شراب الهوا ,,

.. .. .. .. .. .. واللي عقد روس الحبال يحلها