المساعد الشخصي الرقمي

مشاهدة النسخة كاملة : سؤال لمن لديه الاجابه


مكسور
28-05-2007, 06:41 PM
السلام عليكم ورحمة الله وبركاته


مساكم الله بالخير جميعا


ما سبب اطلاق لقب شرابه الهواء على الجبلان ؟


لمن لديه المعلومه ارجوا ان يفيدنا فيها

واعتقد لهذه التسميه قصه ارجوا من الجميع التأكد من القصه قبل الاجابه

يعني ما نبي يقولون و يقولون



وشكرا

دمي جبلي
29-05-2007, 01:16 AM
السلام عليكم ورحمة الله وبركاته

يعطيكم العافيه يالربع

ابشر يامكسور ماني بقايل يقولون

حدثني احد الشيبان :e:

بان الجبلان كانوا بغزوا طويل وقد جفة قرب الماء

وكان رشيدي مرافق الجبلان بغزوهم يوم سمع بان قرب الماء جفة

وان ماحولهم احد من العرب قال ياليتني ماجيت معكم

قال بن لامي حنا الجبلان شرابة الهوا ؤهو يقعد يسوي نفسه يشرب الهوا

والجبلان يسوون مثله يضحكون على الرشيدي

فمان الله

مكسور
29-05-2007, 03:10 AM
يا مال العافيه يا دمي جبلي

ماقصرت على المعلومه


بس هل هو صحيح ان هذه القصه هي سبب التسميه ؟

انا سامع هالقصه من قبل بس مو مقتنع

لان من يذكرون الجبلان تذكر معها شرابه الهواء

يعني التسميه مفروض جايه على فعل طيب

مو عشانهم يضحكون على الرشيدي



وكل الشكر لك دمي جبلي على المشاركه

سعود بن لامي
29-05-2007, 05:07 AM
لاهنت اخوي مكسور علي السؤال . .


والاجابه حسب علمي . . أن سبب هذي التسميه مغازي الجبلان الطويله


وماا اعتقد انهم يضحكون علي الرشيدي . . والرشيدي الي معهم مهو الضلع القصير علي قولة بعض العرب شاعر وفارس بنفس الوقت

دمعة ناقة
29-05-2007, 10:39 AM
مادري شمعناتهااا


بس ياريت تجيبون لنا السالفه الاكيده

اسـألو شيبانكم اكيد بيعرفون وبلغوناااااااااااااا

الهولان
29-05-2007, 11:31 AM
يـع ـطـيك الـع ـافيـه آخـوي مكسور

عـلـى سـؤالـك الـرائـع

سـبب التـسميـه بـشرآبـه الـهـوا

كـانـوا ذاهـبين لـغـزو ومـعـهـم رجل من قبيلـه الرشـايـدهـ

وقـال الـرشيـدي ليـس مـعـنـا مـاء يكفي لـهـذه الغزوه

فـرد احـد من رجـال الجبـلان مازح بقـولـه نحـن نشرب الهوا

فـصـدقـه الرشيـدي وحـيـنـمـا هـم بالطريـق

بمنطـقـه الدبدبـه (منطـقـه متساويـه الارتفـاع) يـرتـفـع مـنـهـا السـرآب

فقـال الرشيدي ماهـذا الذي امـاماُ

فقـال رجل من الجبلان هذه الدبدبـه

فقـال الرشيدي الدبدبـه قلبي اللي ذاهب مـع الجبلان شرابـه الهـوا

ورد ذلولـه(راحلـتـه) ذاهـبـن لآهـلـه

فآطلـق على الجبـلان هـذا المسمـى

آتمنـى وصـل لـك الجـوآب الكافي لسؤالك
واذا أحـد يريد ايضـاح نقـطـه مـا فأنأ بالخدمـه

مكسور
30-05-2007, 01:00 AM
سعود بن لامي يعطيك العافيه على المرور والتعليق


.................................................. ...............

دمعه

مشكوره على المرور



.................................................. ...............


الهولان يعطيك العافيه وما قصرت

الظاهر انه ما فيه غير هالسالفه لهذه التسميه

لاني سالت كذا واحد وكان الرد تقريبا نفس القصه

عبدالله السالم
07-06-2007, 02:34 PM
الهولان

الله يعطيك العافية وهذه سبب تسمية شرابة الهواء

وإنشالله تكون واضحة للإخوان

وللمعلومية سمعتها من أكثر من شايب

وموجودة في ديوان الشاعر الأزيمع

تقبلو تحياتي

مكسور
09-06-2007, 03:27 AM
النداوي اشكرك على المرور والاضافه

خالد الرشيد
04-07-2007, 01:10 AM
لم نسمع إلا هذه السالفة وهي الراجحة عند أكثر الجبلان

..

ولا تنسون مغازي الجبلان بعيدة المسافات مما يدل على قوة تحملهم وصبرهم

..

دون قصور في باقي القبايل

سطام العوض
04-07-2007, 10:09 AM
انا عندي معلومة عن سبب التسمية ولكن راح اسأل أول وبعدين افيدكم فيها

مكسور
13-07-2007, 01:25 AM
بانتظار افادتك

لا هنت على الاهتمام

المرد
15-07-2007, 06:33 AM
التسميه اطلقت لان الجبلان يكملون مسيرهم في الغزوات ونادرا مايتوقفون للراحه وشرب الماء لذلك اطلق عليهم شرابة الهوا

azizmt
18-07-2007, 02:27 AM
انا سمعت و الله اعلم أن مرافقهم شمري و ليس رشيدي

مكسور
10-08-2007, 01:40 AM
المرد - ابن قريان

لا هنتوا على المرور والاضافات

ردن بن لامي
06-10-2007, 07:32 AM
ياخوي المكسور انا سمعت غير السالفه الي قالوها اخواني واعتقد ان السالفه الي اقولهااا هي اقرب والله اعلم يقولون يوم غزا صاهود ثلاثة شهور وهو في طريقه خلص الماء واذا خلص الماء لازم يتوجهون للقلبان وقبل كل جليب عليه قبيله يعني من الصعب انه يغزي على كل قبيله الي على الجليب كان في واحد من الجبلان يعرف الارض عدل يعني تقول دليه واذا جاهم المطر في اماكن يجتمع فيهاااا الماء وكانو يشربون منهاااا لين غزو وردو من غزوتهم وبعض القبائل تعجبت من الشي هذا واسؤلوهم شلون تشربون في امغزا ثلاثة شهور قال واحد من الجبلان حنا نشرب الهواء يقصد بكلمته الضحك وراحت عليهم شرابت الهواء

أبوهــيــف
09-02-2008, 12:58 AM
السلام عليكم جميع

اعتقد أن سالفه الأخ الهولان هي الصحيحه ولكن من كان يرافقهم عازمي وليس رشيدي لأنه قال مثلا يتداول عند أكثر الجبلان وهو (دبدبه يا عازمي )


تحياتي

بن مسلّم
09-03-2008, 04:44 AM
أتفق مع اخوي الهولان وهذه القصه هي سبب هالتسميه

ولكن اللي معهم عازمي00

تقديري للجميع

سعود بن لامي
09-03-2008, 05:45 AM
دبدبه .. ياعازمي