فهداللويمي
24-07-2009, 03:58 AM
اقدم لكم أحدى ابداعات الشاعر/ مخاوي الليل التي لاقت اصداء واسعه لدى المتلقي
فأصبحت شهرة هذه القصيده (( نار على علم ))
فتمت كتابة ردود ومجارات لهذه القصيده من قبل عدة شعراء
وهي قصيدة (( فـي غـربـتـي )) التي من خلالها تم ولادة لقب (( مخاوي الليل ))
واليكم قصيدة (( فـي غـربـتـي ))
فـي غربتي تغرب النور عن عيني
وش حاجتي في نور عين غاب غاليها
أمر السفر يانظر عيني قضى فيني
نفس على ماتعاف أمر الله حاديها
يمك حبيبي عظيم الشوق يدعيني
يسري بعروقي كما يسري الدما فيها
علي خطرها حياتي يامعنيني
بعدك عطبها وشوفك حيل يشفيها
اخاوي الليل وهاجس ليل يخاويني
يمك سرابي داعي الذكرى بحاليها
اقضي بدنيا لعيني شوفها مشيني
إلى متى عيني على شوفك تمنيها
=========
رد على قصيدة (( في غربتي ))
هزت شعوري معاني ذكرها زيني
ورديت من شافت عيوني معانيها
راح الفكر يامخاوي الليل لسنيني
اللي مضت من حياتي زاهد ٍ فيها
ذكرتني اللي على بالي وناسيني
اللي معه نبضة احساسي معنيها
بيني وبينه مسافه وينه وويني
عزاي ذكرى الموده مع لياليها
مرسالها الطيف لامنه لفى عيني
يطمّن الروح في لحظة ويشقيها
ليت السعاده رهينة راحة يديني
واعطيك واعطي البشر باقي امانيها
============
رد على قصيدة (( في غربتي ))
اشعلتها يامخاوي الليل يكفيني
نارٍ بقلبي ثمان اسنين اطفيها
سمعت انا البيت الاقشر واشتعل فيني
جرحك وفجّر جروح ٍ كنت اداويها
لو كنت تدري بحالي كنت تبكيني
وان كان حالك تهون وماتطريها
دامك غريبٍ تصبر لو هي اسنيني
لابد لك يوم راجع . ثم لاقيها
مير البلا من توفت وينه وويني
بيني وبينه ( ذراع ) ومااحاكيها
لو لا العقوبه حفرت القبر بيديني
ارمي كفنها واضم الصدر ابكيها
يوم العزى هل دمع الموت من عيني
لو هلّ في روض نجد ٍ كان يرويها
يامخاوي الليل قل للنفس فكيني
بعد الأمل رجعتك تقوى تهديها
عزاه للي يبي لي من يهديني
وش عاد نفسي وأملها ميت فيها
صابر وابصبر الين الصبر يشكيني
وابكي بعيني إلين الدمع يعميها
=============
رد على قصيدة (( في غربتي ))
يامخاوي الليل زاد الجرح جرحيني
ودموع عينك من الفرقى تبكيها
كثير ناس ٍ بدرب الحب ماشيني
كم واحد ٍ في دموع العين يرويها
غيرك جروحه سقتها دمعة العيني
يبكي ولكن ظلام الليل يخفيها
قبلي وقبلك تفارق كل غاليني
سود الليالي سقتهم من بلاويها
كم غربة ٍ ضيعت بالهجر قلبيني
وضاع الوفا والمحبه مع لياليها
واهل الوفـا لــو يطول الوقت باقيني
ماغيرت من حياة الحب ماضيها
اصبرتصبر على فراق المحبيني
دنيا المحبه لقا وافراق ينهيها
=============
رد على قصيدة (( في غربتي ))
ابكيتني يامخاوي الليل في حيني
يوم ٍ سمعت اللي على بالك تطرّيها
ذكرتني يامخاوي الليل بسنيني
اللي في عمري مضت قمت اناجيها
محبوبتي في بادي الوقت تدعيني
واليوم انا عاجز من اللقيا الاقيها
تبكي الا غبت ساعه ماتناجيني
والحين لقيت بدالي من يسليها
ياليت عمري معك اشكي وتشكيني
ترتاح نفسي دقايق لو تعنيها
لو جاك عمري هديه يانظر عيني
وش عهوتي له اقدم يامخاويها
ياشوق عمري انا لك لاتخليني
واحكي بغربه سنين ٍ يوم تطويها
عزاي بصبر تصبّر يامخاويني
الصبر حكمه وكل الناس ترويها
============
رد على قصيدة (( في غربتي ))
غريب وابغى بدربي من يخاويني
واسري معه عادة الغربه واخاويها
مالي وطن غير محبوب ٍ يراعيني
نفسي على الهم والغربه تسليها
واذا لقيته قريب . يضم نظر عيني
انسى هموم ٍ ودنيا عايش ٍ فيها
وان غـاب عـنـي يعود الهم ويجيني
واسامر بليالي القمرا واناجيها
مهما تطولين مسافه بينك وبيني
محبتك في صميم القلب داريها
ماانسى حبيب ٍ حلفت ماهو بناسيني
نساني الغربه وهموم ٍ كنت اداويها
===========
دمتم بخير
فأصبحت شهرة هذه القصيده (( نار على علم ))
فتمت كتابة ردود ومجارات لهذه القصيده من قبل عدة شعراء
وهي قصيدة (( فـي غـربـتـي )) التي من خلالها تم ولادة لقب (( مخاوي الليل ))
واليكم قصيدة (( فـي غـربـتـي ))
فـي غربتي تغرب النور عن عيني
وش حاجتي في نور عين غاب غاليها
أمر السفر يانظر عيني قضى فيني
نفس على ماتعاف أمر الله حاديها
يمك حبيبي عظيم الشوق يدعيني
يسري بعروقي كما يسري الدما فيها
علي خطرها حياتي يامعنيني
بعدك عطبها وشوفك حيل يشفيها
اخاوي الليل وهاجس ليل يخاويني
يمك سرابي داعي الذكرى بحاليها
اقضي بدنيا لعيني شوفها مشيني
إلى متى عيني على شوفك تمنيها
=========
رد على قصيدة (( في غربتي ))
هزت شعوري معاني ذكرها زيني
ورديت من شافت عيوني معانيها
راح الفكر يامخاوي الليل لسنيني
اللي مضت من حياتي زاهد ٍ فيها
ذكرتني اللي على بالي وناسيني
اللي معه نبضة احساسي معنيها
بيني وبينه مسافه وينه وويني
عزاي ذكرى الموده مع لياليها
مرسالها الطيف لامنه لفى عيني
يطمّن الروح في لحظة ويشقيها
ليت السعاده رهينة راحة يديني
واعطيك واعطي البشر باقي امانيها
============
رد على قصيدة (( في غربتي ))
اشعلتها يامخاوي الليل يكفيني
نارٍ بقلبي ثمان اسنين اطفيها
سمعت انا البيت الاقشر واشتعل فيني
جرحك وفجّر جروح ٍ كنت اداويها
لو كنت تدري بحالي كنت تبكيني
وان كان حالك تهون وماتطريها
دامك غريبٍ تصبر لو هي اسنيني
لابد لك يوم راجع . ثم لاقيها
مير البلا من توفت وينه وويني
بيني وبينه ( ذراع ) ومااحاكيها
لو لا العقوبه حفرت القبر بيديني
ارمي كفنها واضم الصدر ابكيها
يوم العزى هل دمع الموت من عيني
لو هلّ في روض نجد ٍ كان يرويها
يامخاوي الليل قل للنفس فكيني
بعد الأمل رجعتك تقوى تهديها
عزاه للي يبي لي من يهديني
وش عاد نفسي وأملها ميت فيها
صابر وابصبر الين الصبر يشكيني
وابكي بعيني إلين الدمع يعميها
=============
رد على قصيدة (( في غربتي ))
يامخاوي الليل زاد الجرح جرحيني
ودموع عينك من الفرقى تبكيها
كثير ناس ٍ بدرب الحب ماشيني
كم واحد ٍ في دموع العين يرويها
غيرك جروحه سقتها دمعة العيني
يبكي ولكن ظلام الليل يخفيها
قبلي وقبلك تفارق كل غاليني
سود الليالي سقتهم من بلاويها
كم غربة ٍ ضيعت بالهجر قلبيني
وضاع الوفا والمحبه مع لياليها
واهل الوفـا لــو يطول الوقت باقيني
ماغيرت من حياة الحب ماضيها
اصبرتصبر على فراق المحبيني
دنيا المحبه لقا وافراق ينهيها
=============
رد على قصيدة (( في غربتي ))
ابكيتني يامخاوي الليل في حيني
يوم ٍ سمعت اللي على بالك تطرّيها
ذكرتني يامخاوي الليل بسنيني
اللي في عمري مضت قمت اناجيها
محبوبتي في بادي الوقت تدعيني
واليوم انا عاجز من اللقيا الاقيها
تبكي الا غبت ساعه ماتناجيني
والحين لقيت بدالي من يسليها
ياليت عمري معك اشكي وتشكيني
ترتاح نفسي دقايق لو تعنيها
لو جاك عمري هديه يانظر عيني
وش عهوتي له اقدم يامخاويها
ياشوق عمري انا لك لاتخليني
واحكي بغربه سنين ٍ يوم تطويها
عزاي بصبر تصبّر يامخاويني
الصبر حكمه وكل الناس ترويها
============
رد على قصيدة (( في غربتي ))
غريب وابغى بدربي من يخاويني
واسري معه عادة الغربه واخاويها
مالي وطن غير محبوب ٍ يراعيني
نفسي على الهم والغربه تسليها
واذا لقيته قريب . يضم نظر عيني
انسى هموم ٍ ودنيا عايش ٍ فيها
وان غـاب عـنـي يعود الهم ويجيني
واسامر بليالي القمرا واناجيها
مهما تطولين مسافه بينك وبيني
محبتك في صميم القلب داريها
ماانسى حبيب ٍ حلفت ماهو بناسيني
نساني الغربه وهموم ٍ كنت اداويها
===========
دمتم بخير