قصيدة لثامر شبيب

[راعي المغاتير]

السلام عليكم ورحمة الله وبركاته



قصيده اعجبتني وحبيت انكم تقروونها
ونشالله تعجبكم...




كل البشر في صوب وهالبنت في صوب الكـامـل الله كـامـلـه ماتـعـابـي

ترفه وهـي تمشـي مسافـات ودروب في عـز رحـلات الشقـى والعذابـي

لامن مشت فـي يدهـا ترفـع الثـوب كـلٍ يناديهـا وهـي تـقـول مـابـي

مـن الدلـع سميتهـا شيخـة العـوب حتـى دلعهـا منحنـي لـه عجـابـي

مركوبهـا ماهـوب أيـات مـركـوب مـن مـر قـدامـي تلـنـه ركـابـي

لحقتهـا والهـرج زاهـب ومكـتـوب لأي موقـف كنـت عامـل حسـابـي

قلـت السـلام وردت بأيـش مطلـوب قلـت الخفـوق بخفـت الـدم ذابــي

قالت وش اللي حـدك لنـاري تـذوب قلـت المشاعـر ماعليـهـا عتـابـي

قالـت تمثـل دور عاشـق ومحبـوب قلـت الحقيـقـه افتـديـك بشبـابـي

قالت اخيـر الحـب ناهـب ومنهـوب قلـت انهبينـي قبـل لانقـل صوابـي

قالت متى تكبـر عـن الحـب وتـوب قلت الخبل مـن شـاف زينـك وتابـي

قالـت صراحـه ماتوقعتـك سـلـوب قلت افهم انـك معجبـه فـي جوابـي

فجأه عرض لي واحدٍ عرضت خـروب سلـم علـي وخاطـر البنـت طابـي

جاني مطفي ضارب فيـاض وشطـوب ومـن قـو عينـه قـال يامرحبـابـي

واخذ يسولف لي وانـا فيـه مغصـوب يسئـل عـن احوالـي وسبـة غيابـي

مايدري انـه بعرضتـه كسـر قلـوب لا واعـذابـي مـنـه لا واعـذابــي

رقد على كبدي وانا بوقـت محسـوب البنت راحـت والرجـى منـه خابـي

وقفت عاجـز كنـي انسـان مغلـوب من قـرد حظـي كـل هـذا جرابـي

اتـلا عهدهـا تلتفـت لفـت رعبـوب مالله كتبهـا قسـمـةٍ فــي كتـابـي

اقفـت تمشـى فـي مسافـات ودروب قلبـي يناديهـا وهـي تقـول مـابـي


ثامر شبيب

[أهـذريـبـك]

راعي المغاتير

صح السانك وصح السان ثامر


ولاهنت علي نقل

[الج ـبلآن]

صح السانك ولسان ثامـر وتسلم يمناك على النقل

تقبل مروري

اخوك((عبدالعزيز الجفن الجبلي))

[عساها تساهيل]

صــح الــسسـان شــاعــرها ونــاقــلــها

قــصــيـدهـ رائــعه .. ووو يـع ـطيـك الـع ـافــيه ع الــطررح

[(*قمرهم كلهم*)]

الله الله الله
اختيار موفق اخي الكريم ..
هالشاعر يصيغ ابياته
بتطويع جميل للمفردات والجمل ..
ولذالك لانستغرب وصولها لقلب المتلقي ..
بصراحه انا من متابعينه بإستمرار ..

دمت بحب الله وحفظه ..
(*قمرهم*)

[ما مثلي احد]

صح السان شاعرهااا

ويعطيك العافيه ع النقل الرئع

[الهتان]

رائــــــــــــــــــعـــــــــــــــــــــة

صح لســــانك ولسان ثـــامر

ولا هنت يا أخوـي على النقل

[اخت القمر]

الله عليك ...

ثامر شبيب شاعر ماعليه كلام ... راائع بحرفه..

صح اختيارك ولاهنت على هالنقل الطيب ..

تحياتي ..

آخت القمر

[راعي المغاتير]

اشكر جميع من مر علا هذه الصفحه


ونورتو بردووكم الطيبه

[فهد عيد الجبلي]

راعي المغاتير
صح أختيارك وصح لسان ثامر شبيب
ولاهنت