اما يجي الاشعل ولا يجي مخلاب

[جبل صبحا]

في ليالي الخير يطريلي علي ماقيل طاري................ فالامور الى لها بين العرب حشمه وقيمه





المقاصد واضحه ودروبها ما هي جباري................... والعرب من دونها تختار واليمنه كريمه

[راعي المغاتير]

جبل صبحا
صح السانك وبنتظار الشعراء المطلوبين كلهم وافين وفيهم البركه

متابع لكم ......

[الأحنف]

صح اللسانك سيدي العزيز
وننتظر ماهو جديدك

تقبل مروري

[سعود بن لامي]

صح لسانك ..

وبنتظار المطلوبين

[الأشعل المطيري]

أبشر بالسعد وانا اخوك



الليالي يا عميلي ما بـهـا شي اختياري=كود سيف ٍ سلته يجرح لك القلب وصميمه
طالت دروبك وانا من شوفتك طال إنتظاري=ياعسى خير ٍ تشوف ونيّـتك دايم سليمه

[مخلاب]

مرحبا بك ياجبل صبحا جاك من يسد---
صح السنتكم متابع0000

[جبل صبحا]

والله اني خابرك وعرفك ياراع المساري..............ما معك عقلن فطين ولا معك قوة عزيمه


الوكاد ان الخبر ما بين كتابن وقاري ............... صوروهم من حدود الشرق بفعال الجريمه

[جبل صبحا]

صح ابدانك يا راعي المغاتير وشاكرلك مرورك ومتابعتك



صح ابدانك يا الاحنف وشاكرلك مرورك ومتابعتك



صح ابدانك يا سعود ابن لامي وشاكرلك مرورك ومتابعتك




حياك الله يامخلاب في كل وقت والاشعل كفو وانت كفو بدون قصور بالشعار

[الأشعل المطيري]

والله اني يوم اجي ثم شفتك اتهل العباري=قلت اداوي علـّتك واثرك بهيمه يالبهيمه
والجرايم يالفطين اللي من الجزلات عاري=ماتبي مثلك يهابد للسوالف بالنميمه

[جبل صبحا]

انا اقول السب اسلاح الضعيف


لاكن يالاشعل اخذ مني نصيح مدام هذى اسلوب لا تلعب محاوره وانا ابي اترفع عن هالكلام على شان المنتدى واهل المنتدى ووضح لك البيتين ونشوف منو الى يهربد وانا

راضي باهل الشعر وحكمهم انا قصدي بالبيت الاول انك ما راح تعرف الى بقوله فالبيت الثاني وعندي يقين لانك منت شاعر محاوره والبيت الثاني

قصدي فيه مادار في وسائل العلام عن قضية الاحتجاجات الى حصلت في ايران والعمال القمعيه ضد هذي الاحتجاجات من قبل ا لحكومه الايرانيه للعلم و انت الظاهر تحسب القلطه


ما فيه الا السب



هذى البيت الاول


والله اني خابرك وعرفك يا راع المساري.................. ما معك عقلن فطين ولامعك قوة عزيمه واظن انه واضح



وهذى البيت الثاني


الوكاد ان الخبر ما بين كتابن وقاري................... صوروهم من حدود الشرق بفعال الجريمه واظن انه واضح بعد

[الأشعل المطيري]

أولا ً: ماله داعي الزعل يالغالي وعلى قول بن رشيد
مايستشك ياحسين كود الرديين......والا ترى الطيّب وسيع ٍ بطانه

وابياتك كلها مو واضحه ماعدا البيت الأول...
قلت" في ليالي الخير يطريلي على ماقيل طاري...فالامور اللي لها بين العرب حشمه وقيمه"...شنو اللي يطريلك؟
فجأه قلت المقاصد واضحه؟؟؟ لا ماهي واضحه يابعد راسي انت

وحطيت لك حجه فالبيت الرابع وفسرته على كيفك...أما بخصوص آخر رد رديته عليك.
فأنا اقصد اني جيت عند شاعر لايعرف كيف يسترسل في ابياته ويأتي بموضوع يستفيد منه الكل ويقول اشياء لايفقهها إلا هو وحده
ومن ناحية السب.. فالسب وارد في كل المحاورات
وانا ماني شاعر محاوره...لكن الله يعينك بكره لا لعبت مع منيف المنقره والا رشيد الزلامي

[جبل صبحا]

البيتين الاوله


واضحه وضوح الشمس ولاكن ابي اوضح لك زياده ليطمئن قلبي

البيت الاول


في ليالي الخير يطريلي علي ماقيل طاري..................... فالامور الى لها بين العرب حشمه وقيمه

بختصار شديد انا عندي موضوع له حشمه وقيمه


البيت الثاني

المقاصد واضحه ودروبها ماهي جباري........................ والعرب من دونها تختار واليمنا كريمه


كنت ابي اخيركم فيه اذا تبوني اقوله ولاماتبوني اقوله لاني ماني عارف من يبي يجي فيكم

اما بخصوص البيتين الاوله والثانيه اظن اني وضحتها واما بخصوص اني ليه زعلان والزعل ماله داعي لا والله الا له داعي لاني ماسبيتك


سب واضح على شان تسب ولا غلطت عليك على شان تغلط ولو اني سابك او ساب غيرك كان تقبلتها منك ومن غيرك واذا منت شاعر


محاوره لاتحكم على شي انت ماتعرف فيه بلا ساس وتبرر حق نفسك بشي ماهو صحيح وعلي قولك اذا جى بكره وقابلت منيف المنقره او


رشيد الزلامي راح اتقبل ما يجي منهم لانهم شعار محاوره ويدركون ما يقولون ويفهمون مايسمعون ماهم شعار نظم والشي الثاني اذا فزعتك لا تفزع واما البيت الى ذكرته لابن


رشيد هذي مردود عليه لاني اعرف ما تقصد وما يدورفي خاطرك وانا يالاشعل ماستشكيت انا زعلت على شان السب الجارح لي لا كن الى


ابي اقوله ورد عليك في هو البيت الى له معنى ومقصد وياليتك تفهمه لانك ماشالله خذيت مني العبره في بيت ابن رشيد وشوفك ذكرته


فهذي يدل على انك تثق فالى اقدمه وا اذكره لناس لاكن الى ابي اقول قبل البيت بان المحاوره تنبني على اساس الرمزيه و

لايكون فيها توضيح لانه اذا صارت واضحه سمجت للعلم والحكم لشعار المحاوره بين



ياوجودي وجد من حط معروفه وضاع ................ بين جاهل فالمعرفه وجحاد الجميل

[راعي المغاتير]

الاشعل المطيري جبل صبحا

صبحكم الله بلخير اول شي

الله يرفع قدركم ماله داعي المشاده في الكلام والسب والزعل ماله داعي المسئله كلها محاوره والمحاوره وارد فيها السب لاكن يكون سب في المحاوره فقط لاغير مهو في الكلام لن كلام السان بس ولايوصل القلب وكم مره نشوف الشعراء يتسبون ولا انتهت محاورتهم قامو يسوولفون ويضحكون ونسو المحاوره كلها
بشعر انتو كلكم اشعراء وعرافين الشي هذا انا والله تمنيت ماتنشرح المحاوره تخلون كلن يعرف وش تقصدون
واتمنى بعد موضوعكم مايوصل محاورتكم الووله ولاتشرحون فيها ولاتفسرون شي طبيعي اننا انشوف اشعراء يتحاورن ويتسابون لاكن الي ماودنا فيه انه يكون السب في الكلام وخارج المحاوره .


ونا سايقن جاه الله عليكم ان الي شايل غيض في صدره انه ينساه وكللنا اخوان
والبدو يقولون العرف مايعرض علا عارف
ونتو راعين عرف وفيكم البركه لاكن حبيت ابسط الوضع

ومثل ماقال المثل الدارج هليومين كلن يصلح سيارته

وخلاصت الموضوع كله انسو الموضوع
اتمنى تقبلون راي اخوكم الصغير راعي المغاتير الي يستفيد منكم كلكم
وتقبلو مرووري يا اساتذه.....