الطارف سداد

[سيف بريه]

:k:


سلام والمشكله جيت 00 وان جيت ذكيت الاقزام=في جرتي يشبع الطير000سلام والمشكله جيت

ياربعنا شيلوا البيت000والشر والموت قدام=يقولها شاعر مطير00ياربعنا شيلو البيت

[طير السعد]

حييت ياسيف حييت..وإن جيت صـــادمت الأهرام

لكـــــن عسى الســالفة خير..حييت ياسيف حييت

ياصاحب الصوت والصيت..بكرة يــــــدورن الأيام

والعالم الله وش يصير..ياصاحب الصوت والصيت

[سيف بريه]

الله الله

صح السانك واستلم


من يوم رديت هديت 000 ماحب تقطيع الارحام =انته وانا من هل البير000 من يوم رديت هديت

الا انت وشفيك خليت00من يسرق النفط والخام=اليا متي تعتق ابلير000الا انت وشفيك خليت

[مساعد الشمالي]

سيف برية - طير السعد

صح الســـنكم يا الربع

متآآآبع

[سيف بريه]

حياك الله يالشمالي

ومتابعتك محل اهتمامي

وصح بدنك

[طير السعد]

خابرك منا هل البيت..تمشي على دين الإسلام

لك كل حشمة وتقدير..خابـــــرك منا هل البيت

لأقبلت ياسيف مأقفيت..حطمت بالسوق الأرقام

مير البلا السارق صغير..لأقبلت ياسيف مأقفيت

[سيف بريه]

الله الله

من هل البيت وش هالحفره هههههه


صورتها كيت وابليت 000 الله ولا غش الافلام=الذيب ماينقلب عير 000صورتها كيت وابليت

مادام شفته وصديت000اصبر علي زرع الالغام=بكره تجيك المداوير000مادام شفته وصديت

[سيف بريه]

الارسال ثقيل عندك اشوفه ثقل من اليوم ارسل الرد ويقفل

[سيف بريه]

الختام عندك ياطير السعد

الارسال ثقيل ولا يساعد

خيرها بغيرها

[طير السعد]

قريت ياسيف وأخطيت..إياك تغـــويك الأوهام

مافي السجلات تزوير..قريت ياسيف وأخطيت

فتحت عيني ولديت..في شرق الأوطان والشام

ماشفت جساس والزير..فتحت عيني ولــــديت

صح لسانك ياسيف بريه
وأنا والله إن الإتصال عندي مثل ماقلت بالذات قبل المغرب مايفتح الموضوع معي مرة.

[مساعد الشمالي]

سيف برية

طير السعد


صح لساااانكم كلكم يا الشعار ومحاورة جميلة جدا وكنت اتمنى ان تكون اطول من ذلك

ولكن اسعدني لعبكم وبالتوفيق للجميع

تقبلوا مروري

[طير السعد]

صح بدنك اخوي مساعد الشمالي

وكلنا وأنا أخوك تمنينا المحاورة تكون أطول لكن (للأتصال أحكام).