يا مساعد الشمالي تفضل

[طير السعد]

سلام الله على اللي ما عليهم بالمــــدايح زود****هل الوقفات والعـــــادات بأولها وتاليها

ذبحت أم الشحم والجود يامساعد من الموجود****تفضل وإقلط الله يقطع الصدة وطاريها

[مخلاب]

مرحبا ياطير السعد الظاهر صاحبك مهو موجود لاكن جاك من يسد---
استلم----
هلابك بالنيابه عنه واظنه ماهو موجود=وانا حاظر وارحب بالظيوف الله يحييها
ترا مساعد لياغاب يحظر وقت اللزوم سعود=وحنا مانصد عن الوجيه اللي نلاقيها

[طير السعد]

قدحت الزند يامخلاب بين الملح والبارود****عسى الله يرحم اللي وسطها واللي حواليها

بعد ما جيت والميدان ياطارد ويا مطرود****أبنشـــــــد كيف حال الناس قاصيها ودانيها

[مخلاب]

قدحت الزند مير ابعدعن الظيان يالمقرود=لايحرقك اللهب وطيح ياطير السعدفيها
مظرينا على قطع الفيافي والغزو صاهود=نجي عدواننا لاكبرت القاله باراظيها

[طير السعد]

كفو كانك من اللي بالمغازي يشربون النود***ولكن لا تجي تكحـــــل نواظرها وتعميها

تعرضت الطريق اللي تحسبنه سهود مهود***توقع والعرب معروف حاضرها وماضيها

[مخلاب]

انابنشدك ياطير السعد يالشاعر البالود=قبل لاعطيك أجابه وظح الصوره وخافيها
نبا حدك وكل طيرن وله حد وكر واحدود=وماظينا شرف للهامه اللي فوق كتفيها

[بدر أبو عجرى]

يا سلام يا سلااام يا شعاار

ابدعتم

[طير السعد]

بغيت أزرع بغيت أحصد لقيت الأرض مامن فود***يموت الغرس دام الغرس يغرس في صباخيها

ولكن ياعميل الخير خذها والرجال شهود*** نشدتك عن هل الميـــــــــــــــدان شرقيها وغربيها

[مخلاب]

صح ابدنك بدر ابو عجرى

[طير السعد]

صح بدنك أخوي بدر أبو عجرى

والله يقوي مخلاب ويقويني

[مخلاب]

انااقول انتبه للغرس حط العود جنب العود=تحرث الارض وتراب الثرا العيينين معميها
اناحسبك من رجالن دون البل تبذل المجهود=واثرك من الرجال اللي تحصد الزرع في يديها

[طير السعد]

وراك الناس يامخلاب لا ناشد ولا منشود****وأنا طير السعد يوم العرب تعرف بأساميها

تبى المحراف لكن منت حوله ياسليل الجود****عليك الله وأمـــــــان الله تخليها وأخليها

[مساعد الشمالي]

السلام عليكم ورحمة الله وبركاته

أولا - مخلاب بيض الله وجهك وتمون يا الامير ولوني مكانك ماراح اكون في نفس الجزالة وكلمة جزل يا مخلاب ما تكفيك وقد قلتها في ما مضى

ثانيا - طير السعد صح لسانك وشاعر مبدع لا تصفك الكلمات


متابع

[طير السعد]

صح لسانك يا مساعد ومخلاب كفو قام بالواجب

[طير السعد]

أخوي مخلاب صح لسانك

وتصبح والجميع على خير(بكرة دوام).

[مساعد الشمالي]

صحالسنكم جميع وبيض الله وجهك يا مخلاب وبيض الله وجهك يا طير السعد


وتصبحوووون على خير

[مخلاب]

الاياطير ميز بيظها ياصاحبي والسود=وانا مخلابي ليا اهوى على الصيدات يدميها
ترا رجلن بدون اعظود مايدحم بون عظود=اقوله وانتبه للهرجه اللي جيت ظاويها

[مخلاب]

الاخ مساعد ارجو ان اكون سديت غيابك وانا امون عليك
وشكرن علا كلامك الطيب لك احترامي

[مخلاب]

طير السعد
انت شاعر مافيك حيله سعدت باللعب معك وارجوالسموحه عن اي زله
والشكر لكل من تفضل بالمرور تصبحون على خير جميعا

[مساعد الشمالي]

أرس يا جبل لا يهزك ريح

كفو كفو يا مخلاب

طار النوم

[مخلاب]

ارق سنود يامساعدالشمالي

[الصامل]

شعرا من الوزن الثقيل ياسلام

[راعي المغاتير]

ابدعتو وصحت السنتكم