البارحه كني عن النوم مرد=ودلين اذن التالي وعيني سهيره

[سعود بن لامي]

هذي القصيده القاها الشاعر نايف ابو طفره في حفل زفاف . . نواف بن صاهود بن علوش بن لامي





البارحه كني عن النوم مردود=ودلين اذن التالي وعيني سهيره
يدويبي الهاجوس واغيب واعود=واصبحت كن القلب وسطه سعيره
ماجود ولاكني مع الناس ماجود=كني بديره والاوادم بديره
اغوص فالغبات وادور الزود=وتلطمني امواج البحور الغزيزه
ماهي قصيدة ريم وعيونها السود=ام النهود الزاميات الصغيره
اللي لها قلب المحبين مشدود=العاشق الولهان حاست مريره
اليوم مدح اشيوخ وانمور وافهود=اللي لهم في صفحه المجد سيره
مجبور انا ادرا القاف عن كل منقود=وازينه في صيقته واتعبيره
مدام سيف الشعر للشعر مجرود=والزند يقدح والمواقف سفيره
لون نيران المداغيش ياحمود=مقبوستن نيره ونيره ونيره
برماح وسيوف ومواقيف واعضود=يوم السنين الكايدات العسيره
يوم السبر يرقب على طارف الذود=مع خالد وفدغم وجاسر وغيره
اخوان وضحا والفعايل لها اشهود=مسيرتن ياطيبها من مسيره
مسيره الابطال والعلم مسرود=قبلي بهم غنت رجالن كثيره
احدن على خله توجد بصاهود=واحدن ببوسفاح يلقى عشيره
مجوز العزبان لاهبت النود=على النقا ماباق بيت القصيره
شوخن مع الجبلان شعله وبارود=اليا اختلط عج الرمك والذخيره
لاجا نهارن فيه طارد ومطرود=بانوا هل القلطه نهار المغيره
لاصاح صياحن من الضد مظهود=يبشر بوقفات السيوف الشطيره
مادام معه اخوان صبحا على الكود=مضاع من حقه سوات الشعيره
لامالت الايام والحبل معقود=يلقى الفرج راع اليدين الكسيره
وقتن مضى واليوم يامنقع الجود=يبقى ذراكم يالحرار الشهيره
نفخر بكم لو صارت اسهود ومهود=تبقون شوخ وعزوتن للعشيره
المجد دربه يا هل العرف مقدود=وكلن على حقه بشره وخيره
الطيب جمه والقبايل له اورود=وكلن على الجمه يورد بعيره
تمت ولاغير الولي رب معبود=هو خالق الانسان مرسل نذيره

[< الصدقي >]

نفخر بكم لو صارت اسهود ومهود=تبقون شوخ وعزوتـن للعشيـره

صح لسان الشاعر نا يف ابو طفره ..
والله ونعم باللامي ..
ولا هنت اخوي سعود على النقل

[مشارى المعرقبى]

صح السان شاعرها ولاهنت على النقل

[دمعة ناقة]

الطيب جمـه والقبايـل لـه اورود
وكلن على الجمـه يـورد بعيـره



صح الله السان الشاعر نايف بوطفــــــره ويستاهلون اللامي


ويعطيك العافيه ياسعود وسلمت يمناك في نقل هالقصيده الرائعه

[سعود بن لامي]

الصدقي . . .

لاهنت علي مرورك اخوي الكريم . .

[سعود بن لامي]

مشاري المعرقبي . .


لاهنت علي مرورك اخوي الكريم

[سعود بن لامي]

دمعه ناقه . .


هلا وغلا لاهنتي علي مرورتسـ الكريم . .

[زبون المخاسير]

صح لسانك ولسان الشاعر


وبيض الله وجهك على هالنقل المميز


ويعطيك الف عافيه

[سعود بن لامي]

ووجهك . . .

لاهنت علي مرورك الكريم . . .

لاخلا ولاعدم

[فواز بن لامـي]

صح السان نايف

وقصيده حلوه صرحها

ولاهنت سعود علي النقل

[" فهد الجبلي "]

يا سلام علااه . .


صح الله السانه ابو طفره . .


والله لا يهينك ياسعود على النقل .. !