نايف بن الامي
15-01-2010, 03:27 PM
صباح النور يانور(ن)طرد ظلم الليالي الجرد
صباح(ن)يزرع البسمة على شفاهي وفي دربي
صباح(ن) يكحل عيون النهار ويرتسم بالود
يعانق نشوة إلهامي ويطلق فالهوى سربي
صباح النور يا وجه(ن)يضاهي في حلاه الورد
يعانق مطع الدنيا ويحداه الهوى الغربي
صباح اللي لها بقلبي شموخ(ن) ما أبد له حد
صباح(ن) ما يليق إلا بأغلى من سكن قلبي
صباح(ن) لا ذكرتك فيه دمعي ينسكب عالخد
تراه الشوق في بعدك ترى بالحيل يلعب بي
أنا مشتاق لك شوق الصحاري للمطر والرّعد
أبيها رشّة مزونك تعدّي بالوفا قربي
أبيها لهفتك تطوي مسافات الجفا والبعد
تسوقك من مسافاتك وتنزل بك هنا جنبي
دخيلك أرتحل صوبي تعب حبل الصبر يمتد
قبل لا أعلن إفلاسي ويبكي الشوق وش ذنبي
صباح(ن)يزرع البسمة على شفاهي وفي دربي
صباح(ن) يكحل عيون النهار ويرتسم بالود
يعانق نشوة إلهامي ويطلق فالهوى سربي
صباح النور يا وجه(ن)يضاهي في حلاه الورد
يعانق مطع الدنيا ويحداه الهوى الغربي
صباح اللي لها بقلبي شموخ(ن) ما أبد له حد
صباح(ن) ما يليق إلا بأغلى من سكن قلبي
صباح(ن) لا ذكرتك فيه دمعي ينسكب عالخد
تراه الشوق في بعدك ترى بالحيل يلعب بي
أنا مشتاق لك شوق الصحاري للمطر والرّعد
أبيها رشّة مزونك تعدّي بالوفا قربي
أبيها لهفتك تطوي مسافات الجفا والبعد
تسوقك من مسافاتك وتنزل بك هنا جنبي
دخيلك أرتحل صوبي تعب حبل الصبر يمتد
قبل لا أعلن إفلاسي ويبكي الشوق وش ذنبي