المساعد الشخصي الرقمي

مشاهدة النسخة كاملة : استفسار عن جبلي في استراليا ؟؟؟

ابو جراح
22-01-2010, 01:48 PM
بسم الله الرحمن الرحيم


السلام عليكم ورحمه الله وبركاته

ياالربع عندي استفسار
ذكر لي ان في جبلي في استراليا بس ما ذكر لي الاسم ولا العنوان ولا المدينه الي هو فيها وانا في استراليا لي الان 9 شهور ارجو من الي عنده اي خبر عن رقمه ولا عنوانه في استراليا ارجو افادتي .

اخوكم / ضيف الله بن شايع بن مداوس
مزعله النسا
22-01-2010, 02:06 PM
اول مره نسمع جبلي باستراليا

ماعندك خبر شنو يسوي هناك يمكن يدرس او بزس

مومعقوله مهاجر يعنى !!!
ابو جراح
22-01-2010, 03:12 PM
اهلا اخوي سلطان والله المطران واجد هنا بس الجبلان ذكري واحد والضاهر انت لان مافيه الا اثنين من الجبلان الي هو انت وانال في استراليا


انا في برزبن

ووصلتني رسالتك وسوف اضيفك يا طويل العمر
جبلي محنك
23-01-2010, 07:45 PM
اتمنى تفيدونه شلون الدراسه باستراليا ؟؟ يقولون اللغه سهله و العيشه رخيصه ؟؟ و كيف اللي يبي يكمل ماجستير حقوق ؟؟ تعرفون جامعات زينه سهالات ؟؟
ابو جراح
25-01-2010, 10:21 AM
اخ جبلي محنك انا اسف على تاخري على الرد ولاكن هذا لفارق الوقت

ان شئ الله راح اسالك في خلال هاليومين وراح اجيبلك الرد ان شئ الله

اخوك / ضيف الله شايع بن ضيف الله المداوس
الــمــلــكــي
26-01-2010, 10:31 PM
السلام عليكم

الجبلان في استراليا اللي اعرفهم اربعة قرايبي من قريب

1_ محمد بن منديل بن شويش المعرقب موظف في الملحقية الثقافية في سيدني بعد ماكمل البكالوريس والماستر في سيدني
موجود الآن في سيدني قديم جدا في استراليا

2_ عبدالعزيز بن فهد بن محمد بن شويش المعرقب رئيس الاتصالات الملكية وقطاع الاعمال في شركة الاتصالات السعودية

عنده دورة لغة مادري بصراحة كم مدتها ولادري بالضبط اي مدينة يدرس

3_ ضويحي بن مومي بن سعود المعرقب يدرس ماستر هندسة ميكانيكية في مدينة ملبورن في استراليا

4 _ فهد بن مومي بن سعود المعرقب يدرس بكالوريس قانون في ملبورن

هذا اللي اعرفهم عن الجبلان في استراليا

واي خدمة او استفسار عنهم حاضرين

واعتذر عن تاخري للرد على موضوعك

تحياتي لك
بعيد الهقاوي
27-01-2010, 09:50 AM
ماشاءالله تبارك الله, ياليت لو يكون بينهم جميعا تواصل, طبعا بشكل محدود.

واتمنى لهم جميعا التوفيق.
الــمــلــكــي
28-01-2010, 03:31 AM
ان شالله يصير بينهم تواصل يا بعيد الهقاوي

خصوصا انهم في ديرة وحده ولايعرفون بعض
المنتخـــي
28-01-2010, 04:32 AM
انشاء الله ابروح بنغال يمدحون سوقتهم تامرون علي بنغالي مناك سايق قهوجي هههههههههههههههههههههههههههههههههههههههههه
تقبل مروري
ابو جراح
28-01-2010, 01:47 PM
والله يا الربع انا ودي بارقامهم او ايملاتهم او اي شي يوصلني بهم


انا ما اقدر ارسل رساله خاصه للحين ماوصلت حد المشاركات ممكن ياالملكي ترسلي رساله بايميلك لكي توصلني بهم او ارقامهم او ايملاتهم


يا اخ جبلي محنك سالت عن موضوع الدراسه وتوصلت لرقم واحد مسؤول عن الفيز وهلأمور في الرياض بس ما اردي اخاف اضيف ايميلي ويكون ممنوع ارجو منك ارسال رساله خاصه وعطني ايملك وراح اتواصل معك واعطيك الرقم


اخوكم ضيف الله بن شايع بن مداوس
الــمــلــكــي
01-02-2010, 04:08 AM
والله ياخوي ياسلطان

اللي اعرفه عن محمد انه في الملحقية الثقافية في سيدني

لكن ابي اتاكد واجيب لك بالضبط وين بالتحديد

تحياتي لك
أبوعبدالله45
11-02-2010, 02:16 PM
ضيف الله سؤال هل انت من المداوس الاعنة ( عيال بن مداوس ) ممكن تفيدني اكون ممنون للفائدة لحرمك الله الاجر
ابو جراح
13-02-2010, 08:32 AM
حياك اخوي ابو عبد الله

ايه نعم انا من ال مداوس من الاعنه

اخوك ضيف الله بن شايع المداوس
أبوعبدالله45
13-02-2010, 12:47 PM
هلا فيك الخال هل على ابو فرج يرحمة الله يقربلك هل اهلك بالشرقية هل يوجد لك اعمام هل يوجد من المداوس احد غير عيال شايع تسائل لكي استفيد وافيدك
ابو جراح
14-02-2010, 09:45 AM
اخ ابو عبد الله والله وانا اخوك مالي اي علم باي احد من المداوسه بلسعوديه وارجو منك انك تاخذ ايميلي من ملفي الشخصي محتاج معلومات كثيره منك


انا ما عليك كلافه

اخوك ضيف الله بن شايع بن مداوس