تسجيل الدخول

مشاهدة النسخة كاملة : قصيدة فكاهية رائعة للشاعر المبدع

oOصعب المنالOo
15-07-2007, 04:12 PM
قصيدة فكاهية رائعة للشاعر المبدع

=== ((( تركي الديحاني المطيري ))) ===

يتغزل في المتينات ... من قدهن؟

يقول في القصيدة

======================


آه مـن قلـبٍ تولـع با لمتيـنـه *** وزنهـا 90 كيـلـو يا بختـهـا



متنها يعطي حلى والعقـل زينـه *** والسوالف كـدرر لا مـن حكتهـا



الرزانه بالعشـر ابصـم رزينـه *** والـدروب العـوج لله ما مشتهـا



فاهمه ماهمـا الطيـش وسنينـه *** والدراسه ناجحـه فـي مدرستهـا



ان تثنت مانـي قايـل ياسمينـه *** وان مشت تهتز الارض اللي تحتها



وصوتها لامن حكت تسمع ونينـه *** ودمها شربات محلـى سويلفتهـا



تكره البنطـال والجنـز وتدينـه *** لبسها ضافـي ولايـق لطخمتهـا



وشوف عيني يوم هوشتها ذهينـه *** امسكت وحده نحيفـه واسدحتهـا



النحيفه مـن بـدت هـي اللعينـه *** يوم قالت انتـي دبـه واشتمتهـا



وامسكتها بنت ابوهـا هالسمينـه *** وابركت من فوقها ليـن اقفصتهـا



مجديـه بالبنـت خلتهـا عجينـه *** احذرن يالبيض ويل اللي ابتلتهـا



لايمي عسى العمى يمسـي بعينـه *** ظالمٍ بخته وهـم ضالـم بختهـا



جيتهـا واشوفـهـا دره ثميـنـه *** وياعذابي يـوم غرتهـا اكشفتهـا



الحـلا والملـح كلـه بالمتيـنـه *** مع نعومة خدها عرض افطحتهـا



======================




تحياتي للجميع
" فهد الجبلي "
16-07-2007, 06:41 PM
ههههههههههههههههههههههههههههههههههههههههههههههه


انا اشهد ان البطه لا طقتك رحت فيها . .

ههههههههههههههههههههه


صح السان الشاعر .. والله لا يهينك ياصعب المنال .. !
دمعة ناقة
21-07-2007, 08:16 AM
وصوتها لامن حكت تسمع ونينـه *** ودمها شربات محلـى سويلفتهـا



تكره البنطـال والجنـز وتدينـه *** لبسها ضافـي ولايـق لطخمتهـا



وشوف عيني يوم هوشتها ذهينـه *** امسكت وحده نحيفـه واسدحتهـا





صح صح صح كلامه صحيـــــــــــــح ههههههههههههههههههههههههههههه

صح الله السان الشاعر تركي الديحاني وسلمت يمناك في نقل القصيده الرائعه والمضحكه
% الجـبـلـي %
24-07-2007, 12:45 AM
صح لساان شاعرهـا

ويسلام على القصيده

عااد البطاات الي بل منتدى مستانسين الحين ههههههههههههههه

تقبل مروري
مزاجيه
03-08-2007, 10:11 AM
صح لسان شاعرها ...
بس النحيفات مالهن قصيدة ههههههههههههههههه
ياحظكن من قدكن فيكن قصيدة..........
تقبـــــــــــــــــــــــل مروري.............
ابـ بنت ـوهـا
03-08-2007, 04:14 PM
وامسكتها بنت ابوهـا هالسمينـه *** وابركت من فوقها ليـن اقفصتهـا

مجديـه بالبنـت خلتهـا عجينـه *** احذرن يالبيض ويل اللي ابتلتهـا

اي وانا بنت ابوها ههههههه بس الحمدالله مو بطه :>

يعطيك العافيه عالقصيده وصح لسان شاعرهاا
دمعة ناقة
04-08-2007, 02:15 AM
شفـــــيهن المربربات احسن من العــــصلات
هكرزي الجبلان
06-08-2007, 04:26 PM
صح لساانك وما قصرت