خلصنأ من عتيبه ومقتلها لـ (( صاهود بن لامي )) تجينا عنزه ومقتلها لـ (علوش بن لامي )

[عزيز بن لامـي]

السلام عليكم ورحمة الله وبركاته

أعضاء منتدى الجبلان الكرام

تحيه طيبه وبعد


وأنا اتجول في منتديات العجمان لفت انتباهي عنوان موضوع

وهو (( غزوة اللصافه ومقتل بن لامي )) المضحك في الامر انهم حاطين تاريخ وكأنهم
واثقين مما يقولون
والي يزيد الضحك انهم يقولون ان الصقور من عنزه هم الذين قتلو (( علوش بن لامي ))
وهو متوفي في أوائل سنة 2004 ميلادي ....؟؟؟

منتدى العجمان ينقل فعول عنزه ومقتلهم لـ علوش بن لامي

والردود تقول كفو ياعيال واايل

لماذا هذا التلفيق والتزييف وخص علينا ..؟؟

خلصنى من قبيلة عتيبه ووتلفيقها لمقتل صاهود بن لامي

وجينا لعنزه ومقتلها لعلوش بن لامي ..؟

انا نسخت الموضوع عشان اضيفه لمنتدى الجبلان

وأقول لكل من زيف لتاااريخ انهم غير صادقون
وعلوش الي تكلمون عنه توفي سنه 2004 ميلادي
فكيفا قتلتموووه ....؟؟؟

اليكم الموضوع الذي قرأته وأتمنى من الكل المشاركه فيه لتوضيح الخطأ الكبير الذي وقع فيه منتدى العجمان وقبيلة عنزه

وأتمنى من كل من يشارك في الموضوع ألا يسيئ لئي قبيله


اليكم الموضوع المنسوخ من منتديات العجمان



غزوة اللصافه (مقتل بن لامي) 1278هـ

--------------------------------------------------------------------------------

"

أحد غارات وغزوات عـنـزة على الصمان في تلك الفترة"

في سنة إجتمعت عربان الصقور من عـنـزة برئاسة الشيخ النبيقي الزوين والشيخ بن نمران للتشاور والتخطيط لغزو جديد، وكانوا نازلين في وادي أبالقور، فأشار أحد الفرسان وكان عبيد الجلاوي أن قبيلة الأسلم من شمر تمتلك الكثير من الإبل وإقترح الهجوم عليها ونهبها، لكن أحد الفرسان أشار بأن يتجه الغزو جنوباً ناحية الصمان حيث يتجمع إبن لامي وجماعته من الجبلان من علوى من مطير حول مورد اللصافه (أحد طوال مطير) وحثهم على المسير ووعدهم بغنائم تفوق بكثير مايمكن أن يحصلوا عليه من شمر، مال النبيقي لرأي الدهماني وأعدت الصقور العده وجهزوا الركبان وتقلد كل فارس بندقيته وجهز ذلوله، على أن يسيروا إليهم في اليوم الثاني مع طلوع الشمس وفي اليوم التالي سارت الفرسان 3 أيام متواصله حتى إقتربوا من مكان يدعى العشري على مشارف اللصافه فأشار النبيقي للسبر أن يقتربوا من مطير لمعرفة مدى جاهزيتهم، فعاد السبر وأخبر أن الإبل كلها ترد الماء وأن هذه الفرصه السانحه للإطباق عليهم، وأن عدد إبلهم فاق التوقعات المسبقه وكانت معظمها من المغاتير والحمر والمجاهيم، وقسّم الصقور أنفسهم إلى ثلاثة مجموعات المجموعه الأولى عشرة فرسان بقيادة النبيقي تهجم على مضارب بن لامي فإذا ظهر فرسانهم قتلوهم، والمجموعه الثانيه بإمرة عبيد الجلاوي والمكونه من 15 رجلاً تلتف حول الإبل وتقتل الرعيان وتسوق الإبل بعيداً، والمجموعه الثالثه يقودها الفارس عماش العطيفي تقطع الطريق على من يحاول الهرب منهم لمورد اللهابه القريب النازل عليه تريحيب بن بندرالدويش على أن يلتقوا جميعهم في حزم يسمى (ضليع الجادة) كرّ الجلاوي وفرسانه على الرعيان وقتلوهم وساقوا جميع الإبل، وأغار النبيقي وفرسانه على منازل القوم ودارت معركة كان النصر فيها حليفاً للصقور وقتلت الصقور علوش بن لامي شيخ الجبلان ، قتله الفارس ريضان الجلالي ،وقتلت الصقور من خرج من الجبلان لملاقاتهم، وصوبوا أحد أبناء علوش، ولم يتمكن أي منهم من الهرب، وإقتادت مجموعة الجلاوي إبل الجبلان والتي قدر الرواة بأنها فاقت 800 الثمانمئة بعير .


يصف الفارس ريضان مقتل علوش بن لامي:

وقع علوش والخيل تعـلاه ×× رميته بصمعة شقت بطونه
رديناه ذبيح مخضب بدمـاه ×× نكس مصوب تتليه ظعونــه
سـقط مكفي معفـرت ثناياه ×× همه رقابنا مير القدر دونه


وإلتقت مجموعات الفرسان عند الحزم المذكور بعد أن أدى كل منهم مهمته على أكمل وجه،.
فقال النبيقي سنسير مع وادي السوبان إلى وادي الباطن قبل أن تدركنا النذر ومشى الغزو إلى وادي الباطن مثقلاً بالغنائم من الإبل والأسلاب، بينما ولى المنهزمون من مطير بعد مغادرة الغزو إلى طلب المساعده من تريحيب الدويش وجماعته في اللهابه وأسرع تريحيب وبقية المنهزمين جماعة بن لامي لمحاولة اللحاق بالغزو متتبعين آثارهم فأعياهم المسير الطويل وأدركوا أن الصقور يتجهون إلى وادي الباطن وفطن النبيقي أن مطير ستسعى لرد حلالها متتبعةً آثارهم، ولكنه لم يغيّر من وجهته بل إستمر بإتجاه آبار الباطن ليلاً، وخلال الطريق مات عدد كبير من الإبل المنهوبه أثناء المسير ظمأ ً مما مكن الدويش من الإستدلال على إتجاههم من الأبل الميته خلفهم. وصل غزو الصقور وإبله موارد الباطن، وأرتووا منها عن آخرهم وسقوا الإبل والخيول فقال النبيقي إن مطير يتبعونا وبينا وبينهم مسافة ليله.
وأشار إلى ذبح بعير ورميه في كل بئر ماء لردمه، حتى تصل مطير لتروي ولاتستطيع.
وفعلوا ذلك، وكان أول بعير إسمه مليح لضخامته ذبح ورمي بأول قليب وأتبعوه بباقي البعارين. ونهج الصقور بإتجاه الكويت شرقاً يسوقون غنائمهم. وعند وصول مطير وقد أعياهم التعب والظمأ أرادوا سقيا خيولهم فبهروا بأن جميع القلبان مسدوده ببعارين مذبوحة!
فأدرك الدويش الحيله، وأشار على جماعته بالرجوع قافلين من حيث أتوا، فقد تمكن منهم الظمأ ولن يستطيعوا إكمال المسير شرقاً ، فعادوا منكسرين من حيث أتوا..

يقول أحد الصقور المشاركين واصفاً ماحصل:

ركبنا يم الحمر ذود بن لامــــي ×× صملنا وعلى شور الزوين ملنا
تلانا الدويش ورجعناه ظامــــي ×× أدبر تتبعه علوى وحنا وصلـنـا
اليوم طيرك البوم ماعاد حامي ×× جزيناك ندايم وكوم الغنايم نلنـا


^
^

مضحك بالفعل

[سلطان فيصل العوض]

، بينما ولى المنهزمون من مطير بعد مغادرة الغزو إلى طلب المساعده من تريحيب الدويش وجماعته في اللهابه وأسرع تريحيب وبقية المنهزمين جماعة بن لامي..
ــــــــــــــــــــــــــــــــــــــــــــــــــ ــــــــــــــــــــــــــــــــ
واضح تعمد الإساءه للجبلان بهذا الموضوع المريض بتكرار كلمة منهزمين..!

وهذا ليس الا محاولة للعبث بتاريخ الجبلان المليئ بالأمجاد والمفاخر اللي يشهدبها التاريخ ..

واللي يفضح كذب وغباء الكاتب إختياره للشيخ علوش بن لامي وهو متوفي قبل 7 سنوات..
وأنقل لكم هذه القصه لعلها توضح مالذي دفع هذا الكاتب المريض لنيل من الجبلان..

الجبلان يسجلون مفخره من مفاخر مطير

السلام عليكم ورحمة الله وبركاته

اما بعد اخواني احببت ان اذكر قصة غزو الجبلان من مطير على عنزه في مكان اسمه صواب يقع حاليا شرق الاردن وسبب ذكرها بانها اخذت وقتا طويلا ثلاثة اشهر روحه وثلاثة اشهر رجعه نظرا لبعد المسافه
والقصه وما فيها بان الجبلان غزو على عنزه في منطقه قريبه من الصمان واخذو حلالهم ورجعو الى اهلهم وعندما علم مطلق الديدب شيخ العمارات من قبيلة عنزه قال ان مسكت بن لامي امير الجبلان قتلته وعندما سمع بن لامي امير الجبلان هاذا الكلام قال لربعه الجبلان غزينا شمال قالوله وين يابو سفاح قال شمال ثم قال رجل من الجبلان والله مايردكم الا عنزه يقصد بان ابن لامي ناوي لعنزه وفعلا قطعوا المسافه وصبحوا عنزه في شعيب صواب وكان ابن لامي يقصد من ذالك قتل مطلق الديدب شيخ العمارات من عنزه ونظرا لان الجبلان فخذ من مطير وهم قلة بالنسبه لقبيلة عنزه الكبيره فقد قطع ابن لامي عنزه وفصل فخذي شلخان وصقور عن باقي قبيلة عنزه حتى لاينذرو باقي القبيله وقد هرب الشيخ مطلق الديدب وصبحوا الجبلان فخذي عنزه واخذو حلالهم ورجعوا الى اهلهم في الصمان
وقد قال صاهود بن لامي في ذالك :
غزيت انا ياعبيد بهلال عاشور : اول صفر والتوم كله تمامي

ثلاثة اشهر فوقهن تقل ناطور : مع مثلهن ماشفت زاه الوشامي

كم فاطر من نيها تزعج الكور : تفصم مضاريس الرسن والخطامي

واليوم دوك ذراعها لاحن الزور : مثل الغشين الي طواه الهيامي

يذكر لنا ياعبيد شلخان وصقور : بيسر شعيب صواب ذيك الزوامي

صبح اربع من يم عرعر وبا القور : حمر تناسع بالنشامى همامي

ندوسهم ياعبيد مع شقت النور : كما يدوس الجول فرخ القطامي

ؤلونها في مطلق قاسي الشور : هذيك هي الي عليها السنامي

ؤعنا تنحا بالقبيسه ورا الهور : نوخ مناخ معقلين الجهامي

ؤمن طال عمره ماقصرتوه بنذور : ون ساعفة ياعبيد وهب الولامي

ويا ماحلا جيب المغاتير دعثور : من فوق حمر تقل جول النعامي

ؤعلم نطرشبه فهد هو ومنصور : ووفايته تنهج شمال ويامي

لعيون من قرنه على المتن منثور : وقذيلته تشدي لريش النعامي

بربعي مهديت الصعب كل مصطور : بصمعن مضاربهن تقص العظامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
واخيرآ وليس أخرآ/
والنعم بعنزه والنعم بمطبر..


وماأقول الا الله يعز الإسلام والمسلمين ويدم علينا الأمن والعافيه ..

[(*قمرهم كلهم*)]

اخي الكريم عزيز بن لامي ..

اولا اشكر لك شجاعتك بالنقل ..
بصراحه وجدت موضوع مشابه في احد الأيام بنفس المنتدى وماكانت عندي الجرأه اني انقله
خصوصا ان التعليقات كانت دون المستوى الأخلاقي ..
وذكرت هالأمر بمنتدانا وطلبت ان يأخذ الأعضاء جوله في المنتدى اللي ذكرته
ويصححون اغلب المواضيع اللي نقلت بشكل خاطئ وماادري بصراحه هالخطأ متعمد او لا ..
الوكاد ان اللي قريته من التعليقات شيء مو طبيعي ..
والمفروض إدارة المنتدى تمنع مثل هالردود وقبلها تتأكد من صحة ماوجد في منتداهم ..
كل الشكر لك اخي الكريم وجعله بميزان حسناتك ..
وعلى قولة الشاعرخلف العتيبي ..
(من يحفظ التاريخ لأجياله) ..؟؟
اشهد انه صاج من يحفظه اذا ماحفظوه عياله ..
الله يعطيك العافيه ياعزيز ..

دمت بحب الله وحفظه/
(*قمرهم*)

[فهداللويمي]

الله يعطيك العاافيه ياعزيز
والتأليف واااضح في هذي السااالفه الي مدري وش قااايله
واعتقد عنزه ماهي بحااجله لتلفيق مثل هذي القصص
ولكن هؤولاء نااس شرذمه

لاهننننننننت ياعزيز

[عزيز بن لامـي]

مرحبا ومسهلا ياهوى نجد

كلامك ميه ميه

ولاكن عندي أظافه بسيطه علىماذكرت

حين وصولو الجبلان لمضارب مطلق الديدب راؤو بيت كبير وكانو يضنون انه بيت مطلق الديدب لن الشيخ يكون
اكبر بيت بيته اتوقع المهم انهم استنتجو ان هالبيت بيت مطلق
وامر صاهود بن لامي عدم تقرب اي فارس من فرسان الجبلان لهذا البيت لئنه يريد مطلق الديدب من نصيبه

وحين غارو الجبلان على مضاربهم ووقف صاهود بن لامي امام البيت الذي ذكرت خرجت امرأه وقالت مالك فرحه يابن لامي
هذا مهو بيت مطلق ومطلق شااد من يومين فقال صاهود هذا البيت الذي فرج عنه الله
وكملو غزوتهم

أشكرك كل الشكر اخوي هوى نجد لهتمامك لمثل هذه المواضيع التي تسطر تاريخنا المشهود
وتاريخ الجبلان ماهو بحاجه لتلفيق بعض الاخوان عليه
الجبلان غزوز وكسرو وانكسرو وهذا عادت العرباان كلها

شاكرلك ياهوى نجد

[عزيز بن لامـي]

الاخت قمرهم كلهم

تحيه طيبه وبعد

أشكرج على مجهودج الذي ذكرتي

وانا قبل سنتين قريت الموضوع في منتديات عنزه وسجلت عشان ارد
ووالمصيبه كل مارديت ينحذف ردي وكأنهم مصرين على الغلط الذي ارتكبووه
ولاكن ماعطيت الموضوع اهميه

بالامس وانا اتجول في منتدى العجمان لقيت الموضوع يعني شي غريب
واحد من عنزه يكذب والعجمان تنقل وكأن منتدى اخوانا العجمان صار مرجع لتاريخ القبائل

سبب اضافتي الموضوه لهذا المنتدى لئن كل من يريد يبحث عن تاريخ الجبلان اكيد بيجي للمنتدى
ماراح يروح لمنتدى ثاني يدور فعولهم ومهم عندهم منتدى حبيت اضيفه واذكر الغلط
حتى اذا قرا موضوع خارج المنتدى يرجع للمنتدى يلقى التعليق ويرا الحق بعينه

أشكرج اخت قمرهم

[عزيز بن لامـي]

فهد اللويمي

الله يعافيك

صدقت التأليف واضح لنهم قالو علوش بن لامي وعلوش متوفي أوائل 2004 ميلادي
جان غزو علينا وانا مدري ههههههه

ونعم بعنزه ومثل ماذكرت مهي بحاجه لمقتل بن لامي ولاكن انا لاحظت انهم يريدون بن لامي في كل روايه
ويقولون قتلنا وهم لم يقتلوا

شاكرلك تعليقك اخ فهد

[سعود بن لامي]

السلام عليكم ورحمةا لله وبركاته


قصيده بعنوان .. شعيب صواب



ياشعيب صواب جيناك بزياره=وزياره حق منا ليا جينا
لان لك تاريخ ماضيتن اذكاره=كيف ننسى فعل اهلنا وماضينا
يوم وقت الغزو والقوم سباره=كسبنا والم ولحد بيعطينا
ازعل تاره ويرضى العدو تاره=وبالمغازي ممبعداتن مغازينا
بثر شيخن لاغزا يبعد ادياره=بالمغازي فعل صاهود يكفينا
شخينا الي يرضى الجار لاشاره=مجوز العزبان والخلق دارينا
ربعي الجبلان حطولهم شاره=ياشعيب صواب هذي مواطينا
لالقينا الي كسا الجو غيتاره=راح في وضح النقا ماتذرينا
كم نهارن ثار بالجو غيباره=وراحت الذيدان كسب ليمانينا
لابتي في ساعة الضيق جساره=دون زينات الاشاعيف جسرينا
لاكسرنا اساق ماتنفع اجباره=والابل الابل دونها ما توانينا
الليالي طبعها دوم دواره=دبرة الله والمخاليق ماشينا
من اول غازين واليوم صقاره=لانوينا ماتردا هقاوينا
ياشعيب صواب جيناك بزياره=والزياره حق منا ليا جينا



وايضا قصيده بعنوان التاريخ




تعالن يابنات الفكر هاتلي من الجزلات=من الجزلات ابطرب من سمع واصحي الغافين
نبا نرجع لتاريخ القبايل في زمانن فات=نبا نذكر بفعل اجدادنا واسلافنا الماضين
فعايلهم طواها الوقت لاكن ماتروح اشتات=لزوم انى نوثقها ونبقى دايما واعين
وانا ماني لتاريخ القبايل طابعن نشرات=ولاني راويه لكن اميز بالخطا والزين
انا صدفه دخلت العولمه ياعالم انتات=لقيت اشيا غريبه والفوها اصاحبنا الحيين
حقيقه حرفوها ودبلجوها واضهرت لشات=وصار اللعب بشعور الاوادم بين حين وحين
حرام يحرف التاريخ وين حقوق هالاموات=عجايب وينكم ياصحابنا العريف يالصاحين
ترا هذي جريمه وانصفوهم ياهل الذمات=ترا هذا ضياع المجتمع والمعضله بعدين
وانا اقصد راوي التاريخ ولي زوده بذات=امانه والامانه ينسأل عنها بيوم الدين
وين اللي ينصف التاريخ والدعوه مهي سبقات=ترا كل القبايل بالفعايل كلهم وافين
وانا من لابتن سجل لهم تاريخهم بصمات=لنا بصماتنا الي ماتغير لو تمر سنين
مطير اهل الوفا والعز واهل الطيب والوقفات=علوى وبريه مع عبدله اللي بلقى صعبين
بقياده شوخنا الدوشان وقت السلم والغارات=اليا من قال اخو جوزا نوينا بلزوم نبين
وانا ربعي حزامي متعبين الهجن وقتن فات=ارجالن ماتهاب الموت في وقت القسى قاسين
وهذا مختصر مما طرالي واسمعو نبذات=عن الجبلان والهرج الصحيح يحط في قوسين
(بعيدين المغازي والهقاوي مابهم ذلات=اسم سمى علي الجبلان مايحتار فيه اثنين)
تعدو من ورى (حوران) والماقف عليه اثبات=بثر شيخن علي وسق الذلول الي طواها البين
بثر من ذاع صيته بالقبايل ممبعد الغزوات=هذاك مزوج العزبان في وقت القسى وشين
ابو سفاح حرآ لاتنهض يدمي الصيدات=وصل حتى (صواب) وزود العزبه من اهل العين
وصل (عرعر)(وبا القور)وتعدا من وراه وفات=حقايق والحقايق عده القاصين والدانين
نذربه [مطلق الديدب]وقال اجيوشنا عجلات=نبا نصله ونوفي بنذور الي عليهم دين
ولاكن عنه ولو منتحين ولاحصل صدمات=تعدو [ للقبيسه ] عنه وقفو وبعدو مقفين
ترا التاريخ يبقى حي بقلوب العرب مامات=وصاهود العرب ماضنهم عن موته غاوين
يقولون العتيبي حوله من سابقه هيهات=وانا اقول اسمعو ياربعنا العتبان يالغالين
ابصلحلكم بعض الخطايا وانصتو لحظات=ارجالن ماتحبون الخطا لاكنكم مخطين
نعم بعتيبه الهيلا ازحولن تنطح الغارات=وياما روس شوخن حولها من علا الكتفين
ترا صاهود موته كبر سن ومن وليه مات=ولا لعتيبه ولا غيرهم في موته يدين
ترا عيبن علي الرجال يروي هرج دون اثبات=ومن يكذب احسابه عند ربن كونه من طين
واليوم بحكم شيخن بسياسه وحد الرايات=جمع كل القبايل صف واحد ماتجي صفين
اخو نوره حكم كل البلاد وخمد النعرات=وصرنا تحت حكمه كلنا وسط البلد ماشين


ويقول صاهود بن لامي ..

يذكر لنا يا عبيد شلخان وصقور // بايمن شعيب صواب ذاك الزوامي
ندوسهم يا عبيد مع شقة النور // كما يدوس الجول فرخ القطامي
ولونها في مطلقٍ قاسي الشور // هذيك إللي عليها السنامي


وايضآ البيت المشهور ..

وربعي مهديت الصعب كل مصطور // بصمعٍ مضاربهن تقص العضامي




الشيخ علوش بن سفاح بن صاهود بن عبدالعزيز بن فدغم بن لامي

http://up101.9ory.com/v/10/04/26/08/07318550650.bmp


الله يرحمه




الظاهر من كثر مغازي صاهود بن لامي

عليهم

ليا هالحين يلفقون سوالف

:f:

لاكن

اقول لهم ..

جبلان من بد النحايا ضريرين ،، حريبهم ما يهتني النوم برقاد
هذا كلام الصدق والناس دارين ،، وأقطعك يا هرجاً بلى صدق وأوكاد

[فهداللويمي]

الله يعطيك العااافيه
والله يبيض وجهك ياااسعووود
وصح لساااااان الشااااعر
اضااافه جممميله وتووووضح الصحيح
لاهنننننننننننت

[عزيز بن لامـي]

مرحبا ومسهلا يابو عزيز

أظافاتك جميله

ماشككنا حنى بفعل الجبلان لاكن لابد من التوضيح للغلط الذي وقعو فيه قبيلة عنزه

وأشكرك كثير الشكر ياسعود على الاضافات المفيده والراائعه

لاتحرمنا من علومك <-- علومك دايمن زينه يابو عزيز

[عبدالله السالم]

السلام عليكم ورحمة الله وبركاته

كل الشكر والتقدير لك يا عبدالعزيز على أجتهادك في المحافظة على تاريخ الجبلان

وتوضيح المغالطات والأفتراءات وإرجاعها إلى مصادرها وهذا العشم فيك وجميع الإخوة

(والنور بين ما يبيله دليله)

جهد تشكر عليه والله يعطيك ألف عافية

[أحمداللويمي]

هذي السالفة بين انها ملفقه
يالربع علوش متوفي الله يرحمه من 7 او 6 سنين ؟؟؟؟؟
وماتوقع ان اللي قال هالسالفه عاااقل
الا من هالشرذمه مايدري وين الله حاطه
والجبلان معروفة فعايلهم والتاريخ يشهدلهم
واطلق عليهم(بعيدين المغازي)
لكن لكل قبيلة حقها
ونعم بمطير ثم ونعم بعنزه
والله لا يهينك يابو تررركي
انا يوم انك تقولي امس والله اني اضحك
لان السالفه بين انها تلفيق
لكن زين مافعلت
واللي يبي يرجع اكيد بيجي هذا المنتدى ويشوف الرد والتوضيح
اللي يبين ان ماقالوا تلفيق وكذب
لاهننننننننننننننننننننننننننننننننننت يابو تركي

[عزيز بن لامـي]

عبدالله السالم

مرحبا ومسهلا

وكلامك صحيح

والنور بين مايبيله دليله

شاكرلك اضافتك الراائعه

[عزيز بن لامـي]

أحمد اللويمي

مرحبا ومسهلا منور

وانا نقلتها عشان نوضح انها تلفيق ولا مادخلتنا الشكه

لاكن مانسكت عن كذبهم وأفترائهم
وضفتها لهذا الصرح الذي يعتبر مرجع لكل من يبحث عن تاريخ (( بعيدين المغازي ))

شاكرلك تعبيرك يا أحمد

[فلاح الحصيني]

لاهنت يا عزيز بن لامي

طوفتها مره ومره ومرات ... والظاهر انه مايفيد الكلامي
تاريخنا معروف وعندي له ثبات ... (بيسر شعيب صواب ذيك الزوامي )!!!


للتاريخ رجالً لان ينساهم الزمن !

[حمداللويمي]

صــدق شرذمـــه تدور آلسوآلف وآلكلآم .
آلي كاتبين هآلكلآم يآعزيـز
ضعوووووووف
ويدوروون آلكلآم وآلقيل وآلقآآل
وآلقبآيل مآتحتآج كلآم وموآثيق من عند هآلضعوف على شيوخنآ رحمهم آلله

وآلعتب كله موب على قبيلة آلعجمآن آو على قبيلة عنزه
على آدآرة منتديآتهم . كيف تسمح بترويج مثل هذي آلآكآذيب
آلآ ليش تسمح بوجود شرذمه تستحق قطع الايآدي وآللسآن

آلله يعطيك آلعآفيه يآعزيز على موضوعك هذا
لآهنننت

مطير هي مضـرب مثـل لذيابـه

يخبرك ماتجهل عن مطير بالحال

كتاب ديكسون وش كتب في كتابـه
.
.
.
هل الردات مرويت الهنـادي.......عوايدهـم يفكـون الجهامـه

يسفون الهوى زود الطناخـه........يبون التاج هاويـن الزعامـه

الا منه نخاهـم مـن نخاهـم............يذبـون الطواقـي والعمامـه

والا من قال ابن لامي مشينـا............تحزم كل رجلن في حزامـه

[نبض الغلا]

السلام عليكم


من خلال قراءتي للقصه ....

كان واضح التلفيق فيها وواضح تعمد صاحبها للـ الاساءه للجبلان وبالاخص بن لامي

<< والله يوم انهم عجزو يوصلون مواصيلهم .. حطو حيلهم بـ الخرابيط

وما ازيد على كلام اخوي سعود بن لامي .. شـي << احلى رد قريـتـه :)

وهالبيتين يكفي نقولهم لـ كل حاقـد وحاسـد :

جبلان من بد النحايا ضريرين
....... حريبهم ما يهتني النوم برقاد
هذا كلام الصدق والناس دارين
...... وأقطعك يا هرجاً بلى صدق وأوكاد

وبالنهايه .. يبقى لـ كل مقام مقال ولكل زمان رجال ...... والتاريـخ يشهـد


عزيز بن لامي

ترفعت عن هـ الشكليات ... وطرحت الموضوع بـ اسلوب أرقى من الرقي نفسـه

واثبت بجداره أن " أطيب الناس أعراقاً .. احسنهم أخلاقـاً "

بارك الله فيك

[عبدالعزيز الرميصي]

السلام عليكم ورحمه الله وبركاته


اولا عتذر من الجميع من بدايتا ً الاداره ومن ثما المراقبين ومن ثما العضاء الكرام ومن ثما الضيوف اعتذر على عدم تواجدي بالمنتدى بشكل دائم ومستمر اعتذر من الجميع واكتفي بقول الظروف اقوى والله يعين الجميع


اما بالنسبه للموضوع المطروح اشكر اخوي العزيز عزيز بن لامي على هالطرح والنقل الرائع واشكر انتباهك وحرصك على اصلك وتاريخك


واكتفي بقول

ما على النوايف من كلام السطوح


هذول تكرمون عنهم بزران يألفون بالقصص والروايات ما عندهم سالفه


ولا نعم بتاريخ مطير والجبلان بالاخص ونعم بتاريخ القبائل كلها والاخص عنزه لان الموضوع ذكر فيه هالقبيلتين

تقبل مروري وشكرا


اخوك عبدالعزيز الرميصي

[بندر الجنيدي]

ياعـزيز

هذولا ناسن حثاله<:)
ومثل ماقالوا.
ماضر السحاب نباح الكلاب<
وكل الكلام هذا فلـم وواااضح

لاهنت يالغالي~~

[آبشر]

http://www.alrooo7.net/vb/images/uploads/13248_58514a6489c9f0a81.gif

الله يعطيك العاافيه ياعزيز
والتأليف واااضح في هذي السااالفه الي مدري وش قااايله
واعتقد عنزه ماهي بحااجله لتلفيق مثل هذي القصص
ولكن هؤولاء نااس شرذمه

لاهننننننننت ياعزيز

[طهران]

الله يعطيك العاافيه ياعزيز
والتأليف واااضح في هذي السااالفه الي مدري وش قااايله
واعتقد عنزه ماهي بحااجله لتلفيق مثل هذي القصص
ولكن هؤولاء نااس شرذمه

لاهننننننننت ياعزيز

تحياتي اخوك برلين

[ابو وحش المطيري]

الله يعطيك العاافيه ياعزيز
والتأليف واااضح في هذي السااالفه الي مدري شلون والله من الهذب
واعتقد عنزه ماهي بحااجله لتلفيق مثل هذي القصص


تقبل مروري وحيلك في الي يهذبوون!!! :f:

[مجــاهد الجبلي]

بسم الله الرحمن الرحيم

اولن اشكرك اخوي عزيزعلى حرصك وغيرتك على تاريخ الجبلان
والشي الثاني لايضرنا التلفيق والتاريخ يشهد لنا من مئات السنين
وعنزه ماهي بحاجة لتلفيق مثل هذي القصص
وتحـــــــــــيـاتي لك

[عزيز بن لامـي]

كل الشكر للأخوان الذين وضحو ان السالفه هذي كذب

وشكر خااص لعضو مجلس الاداره سلطان الجبلي
على توضيحه التاااااااااام والفااااااصل

لاهنتم جميعأ