::(::: أدخـــل على الله؟ :::)::

[الأشعل المطيري]

أمسّي على الجميع بالخير


قال الفراق،، وقال وش قلت يا خل؟=وما كان ردّي غير " أدخل على الله؟"
قال اتحمّل؟ قلت لا ما تحمّل=الموت أهوْن من فراق ٍ تسلّه
قال النصيب أقوى من الوقت والكل=وما يرحم اللي دمع عينه يبلّه
قلت استخر.. لا بّد ما ياتي الحل=الله وكيلي والله اللي يحلّه
قفّى وصدري من كبر ضيقته مل=وشمّل عن اوفا قلب وازداد ملّه
ياوجد حالي وجد من سابق الظل=بالقايله ناصي حبيبه وخلّه
لين انكسر ساقه وصيّح وول ول=وما فيه حوله،، كود همّه وذلّه
وطرى عليه اللي سجى ليله وفل=ابو جديل ٍ ،، كم توّلع بفلّه
ومر الديار اللي شطفها ويسأل=ما مرّكم ترحال قلبي وحلّه؟
استهبدوه ابقول..ابك انت اهبل؟=القلب ما يطلع من الصدر لله
عزّاه ما يدرون بن قلبه اشمل=وقبله وانا قلبي من العام تلّه
افلست من قرب الغلا بالتماطل=اللي بكفـّه عيشتي مستحلّه
فرشت له بالشعر زل ٍ ورى زل=وقام إيتمخـّطر ويتفاخر بزلّه
الله يا دمع ٍ من العام يـنهل=والنفس ما ملّت محاذيف هلّه

[راعي المغاتير]

ياوجد حالي وجد من سابق الظل
بالقايله ناصي حبيبه وخلّه
لين انكسر ساقه وصيّح وول ول
وما فيه حوله،، كود همّه وذلّه




عزاااااااااااااااااااااااااااااااه


الاشعل المبدع


صح السانك قصيده وافيه وجزله طال عمرك


ونا سعيد كوني اول من يرد علا هذه الشاامخه

ودي لك

[أحمداللويمي]

صح لساااااااااااانك واعتلا شاااااانك

لاهنننننننننننننننننننننننت
تقبل مروري

[فهداللويمي]

صح لسااااااااااانك يالاشعل
شاااعر مبـــــــــدع
الله يعطيك العااافيه
ولاهنننننننننت

[الأشعل المطيري]

راعي المغاتير
الشرف لي يابو مبارك انك تكون أول من يرد يالغالي ،، صح بدنك ولاهنت
ولا خلا ولاعدم

[الأشعل المطيري]

احمد اللويمي
ياهلا ويامرحبا يالذيب ،،، اشكرك على التواجد ياغالي ..
صح بدنك ولاخلا ولاعدم

[الأشعل المطيري]

فهد اللويمي
الابداع يكتمل بوجودك ياغالي ،،، صح بدنك ولاهنت
دمت بحفظ الله

[مخلاب]

صح السانك الاشعل المطيري
شاعر مبدع تقبل مروري

[بنت دار زايد]

قلت استخر.. لا بّد ما ياتي الحل
الله وكيلي والله اللي يحلّه
ونعم بالله صح لساااااااااانك يا عبدالله
واشكرك على الطرح الغااااااااااااااااوي

[فلاح الحصيني]

صح السااانك

لاهنت

[* جمرة مطير *]

صح لسانك الف اخوي الاشعل

نص جزل

وفيه التوجد

الي عيشناا احسااس الشاعر

صح لسانك واحسااسك

[محمد بن وديع]

الاشعل المطيري


صح لسانك مليون ياصاحبي طول عمرك قلبك خضر ..

شهادتي فيك مجروحه يابوعابد ننتظر جديدك بكل شوق يالجزل .

لك كل الود والاحترام

[ابو وحش المطيري]

قال الفراق،، وقال وش قلت يا خل؟
وما كان ردّي غير " أدخل على الله؟"
قال اتحمّل؟ قلت لا ما تحمّل
الموت أهوْن من فراق ٍ تسلّه
قال النصيب أقوى من الوقت والكل
وما يرحم اللي دمع عينه يبلّه


الــــله يعطيك العافيه
على القصيده الرئعه
والذئقه الشعريه الرئعه طاب فاك
تقبل مروري على صفحتك الرئعه

[عبدالله الحيلان]

الأشعل المطيري ~||
كـ عادتك
جزل يـآ عذب



صح لسسانك



..

[محمد بن جبرين]

صح لسانك وتعلى شانك فوق ما هو عالي









راح اقرأ النص قراءة شاعر لشاعر مع احترامي للكل











لأن البعض يقول صح لسانك ويطوفه كثير من الجمال العميق اللي بالقصيدة













الموت أهوْن من فراق ٍ تسلّه









ابداع وصفك للفراق بأنه كالسيف وهذا شي رائع اشوفه


















ياوجد حالي وجد من سابق الظل
بالقايله ناصي حبيبه وخلّه
لين انكسر ساقه وصيّح وول ول
وما فيه حوله،، كود همّه وذلّه
وطرى عليه اللي سجى ليله وفل
ابو جديل ٍ ،، كم توّلع بفلّه
ومر الديار اللي شطفها ويسأل
ما مرّكم ترحال قلبي وحلّه؟
استهبدوه ابقول..ابك انت اهبل؟
القلب ما يطلع من الصدر لله










التوجد من قوة الشاعر واحتوائه للقصيدة



الوقت قليل التوجد او قليل اللي يظبطه



وانت يا عبدالله خليتنا نعيش معاك ودخلتنا من قصيدة الى الحاله النفسيه اللي تعيشها




وهذا الابداع اللي يشبع الذائقه الراقيه




الكلام عن القصيدة كثير مثل الترابط والتماسك اللي فيها




اشكرك والشعر يشكرك






لاهنت يا الغالي





وتقبل مروري

[نبض الغلا]

قفّى وصدري من كبر ضيقته مل
... وشمّل عن اوفا قلب وازداد ملّه
ياوجد حالي وجد من سابق الظل
... بالقايله ناصي حبيبه وخلّه
لين انكسر ساقه وصيّح وول ول
... وما فيه حوله،، كود همّه وذلّه

اتخيل الموقف .. من روعتهـا

و

صـعب جـداً هـ الوصـف


افلست من قرب الغلا بالتماطل
... اللي بكفّه عيشتي مستحلّه
فرشت له بالشعر زل ٍ ورى زل
... وقام إيتمخّطر ويتفاخر بزلّه


الله الله

بـ هـ البيتين .. طاح سوق ~> زل " بوخمسين " يالأشعـل

:)




صــح لسانـك .. مليـون

ولاتحرمنـا هـ الجمـال ~> تكفى

[الأشعل المطيري]

مخلاب
مرورك شرف كبير ياغالي،، صح بدنك ولاهنت
دمت بحفظ الرحمن

[الأشعل المطيري]

بنت دار زايد
مرورج اسعدني ياغاليه ،،، مدري متى تتوبين عن هالحركات هههههه :)
صح بدنج ودمتي كما ترضين

[الأشعل المطيري]

فلاح الحصيني
اشكرك على التواجد ياغالي،،، صح بدنك ولاهنت
لاخلا ولاعدم

[الأشعل المطيري]

جمرة مطير
تواجدج مميز يالغاليه ،،، واضاف الكثير من الجمال على النص
لاعدمنا هالتواجد ابد ،، صح بدنج ودمتي بخير :)

[الأشعل المطيري]

محمد بن وديع
يامرحبا ومسهلا فبو مبارك ،،، تواجدك شرف كبير لي يالغالي ،،،
صح بدنك ولاخلا ولاعدم

[الأشعل المطيري]

ابو وحش المطيري
مرورك جميل جدا ً يابو وحش وشهادتك وسام على صدري ياغالي ،،،
صح بدنك ولاهنت :)

[الأشعل المطيري]

عبدالله الحيلان
وانت كـ عادتك عذب في مرورك يالغالي ،،،
صح بدنك وتقبل خالص الود لقلبك :)

[الأشعل المطيري]

محمد بن جبرين
يامرحبا ومسهلا بالغالي ،،، صدقت والله يا محمد :)
كلمة صح لسانك تنقال حتى للي يقول نكته هالايام ،،، بس شنسوي ما باليد حيله ،،،
وقليل من هم يتمعنون بالقصايد مثلك شرواك ،،،
اشكرك على هالتواجد العملاق وصح بدنك ولاهنت

[الأشعل المطيري]

قفّى وصدري من كبر ضيقته مل
... وشمّل عن اوفا قلب وازداد ملّه
ياوجد حالي وجد من سابق الظل
... بالقايله ناصي حبيبه وخلّه
لين انكسر ساقه وصيّح وول ول
... وما فيه حوله،، كود همّه وذلّه

اتخيل الموقف .. من روعتهـا

و

صـعب جـداً هـ الوصـف


افلست من قرب الغلا بالتماطل
... اللي بكفّه عيشتي مستحلّه
فرشت له بالشعر زل ٍ ورى زل
... وقام إيتمخّطر ويتفاخر بزلّه


الله الله

بـ هـ البيتين .. طاح سوق ~> زل " بوخمسين " يالأشعـل

:)




صــح لسانـك .. مليـون

ولاتحرمنـا هـ الجمـال ~> تكفى


انتي غير ،،، وحضورج غير ،،، وكلامج غير
واسعدني جدا ً هالتواجد يالغاليه ،،، عساني ما انحرم منج ابد
صح لسانج ودمتي كما ترضين :)

[فهد عيد الجبلي]

ومر الديار اللي شطفها ويسأل
......................ما مرّكم ترحال قلبي وحلّه؟
الله الله
صح لساانك مبدع وجزل
وتقبل مرور أخوك المتواضع
ونتتظر منك المزيد والمزيد

[mani]

مساءك ... عذوبة "قلمْ" !!


ياوجد حالي وجد من سابق الظل
بالقايله ناصي حبيبه وخلّه
لين انكسر ساقه وصيّح وول ول
وما فيه حوله،، كود همّه وذلّه
عزاه ...~!!!!
حمل المشاعر في هذا البيت ... مؤلمه !!

عذوبه هذا الشامخ .. تتعدى الوصف !
صح لسانك يالمطيري ..~!