المساعد الشخصي الرقمي

مشاهدة النسخة كاملة : معارك صواب والأخيضر وغزوات بن لامي


جزاع الجبلي
28-07-2007, 12:09 AM
معركة صواب




قصة غزو الجبلان من مطير على عنزه في مكان اسمه صواب يقع حاليا شرق الاردن وسبب ذكرها بانها اخذت وقتا طويلا ثلاثة اشهر روحه وثلاثة اشهر رجعه نظرا لبعد المسافه والقصه وما فيها بان الجبلان غزو على عنزه واخذو حلالهم ورجعو الى اهلهم وعندما علم مطلق الديديب شيخ العمارات من قبيلة عنزه قال ان مسكت بن لامي امير الجبلان قتلته وعندما سمع بن لامي امير الجبلان هاذا الكلام قال لربعه الجبلان غزينا شمال قالوله وين يابو سفاح قال شمال ثم قال رجل من الجبلان والله مايردكم الا عنزه يقصد بان ابن لامي ناوي لعنزه وفعلا قطعوا المسافه وصبحوا عنزه في شعيب صواب وكان ابن لامي يقصد من ذالك قتل مطلق الديديب أحد شيخ العمارات ونظرا لان الجبلان فخذ من مطير وهم قلة بالنسبه لقبيلة عنزه الكبيره فقد قطع ابن لامي عنزه وفصل فخذي شلخان وصقور عن باقي قبيلة عنزه حتى لاينذرو باقي القبيله وقد هرب الشيخ مطلق الديدب وصبحوا الجبلان فخذي عنزه واخذو حلالهم ورجعوا الى اهلهم في الصمان.
وقد قال صاهود بن لامي في ذالك :






غزيت انا ياعبيد بهـلال عاشـور
اول صفر والتـوم كلـه تمامـي
ثلاثة اشهر فوقهن تقـل ناطـور
مع مثلهن ماشفت زاه الوشامـي
كم فاطر من نيها تزعـج الكـور
تفصم مضاريس الرسن والخطامي
واليوم دوك ذراعها لاحن الـزور
مثل الغشين الي طـواه الهيامـي
يذكر لنا ياعبيد شلخان وصقـور
بيسر شعيب صواب ذيك الزوامـي
صبح اربع من يم عرعر وبا القور
حمر تناسع بالنشامـى همامـي
ندوسهم ياعبيد مع شقـت النـور
كما يدوس الجول فرخ القطامـي
ولونها في مطلق قاسـي الشـور
هذيك هي الي عليهـا السنامـي
وعنا تنحا بالقبيسـه ورا الهـور
نـوخ منـاخ معقليـن الجهامـي
ومن طال عمره ماقصرتوه بنذور
ون ساعفة ياعبيد وهب الولامـي
ويا ماحلا جيب المغاتيـر دعثـور
من فوق حمر تقل جول النعامـي
وعلم نطرشبه فهد هو ومنصـور
ووفايتـه تنهـج شمـال ويامـي
لعيون من قرنه على المتن منثور
وقذيلته تشـدي لريـش النعامـي
بربعي مهديت الصعب كل مصطور
بصمعن مضاربهن تقص العظامي





--------------------------------------------------------------------------------


--------------------------------------------------------------------------------


--------------------------------------------------------------------------------



معركة الأخيضر




وبعدها غزى صاهود بن لامي مرة أخرى على عنزه في الشمال وقابلهم ووذبح مطلق الديدب وهزم عنزه هزيمة نكراء في الأخيضر ...
قال محمد الرشيدي وهو من المصاحبين لبن لامي بعد غزوة صاهود الثانيه على العنوز..






ثلاثة اشهر مع هل السيف عادين
الهجن كمل نيهـن والجهـد بـاد
يتلن ابو سفاح سقـم المعاديـن
الحر الاشقر لابرق الريش صيـاد
وغرنا على عناز برضن بعيديـن
يم الاخيضر ويم ديـران الابعـاد
وغرنا على عناز برضن بعيديـن
يم الاخيضر ويم ديـران الابعـاد
الديدب اللي يذكرونه غـدى ويـن
غدى عشا للذيب في يوم لاعـاد
وغرنا على بوش طلع بين حزمين
بأيمـن جلاديـه خذينالهـا اذواد
وصارت نكيفتنا على بلدة العيـن
في حاجة الزهبه وفي حاجة الزاد
والشيخ بيع في بريـده بعاريـن
وقسم علينا أثمانهن جوز وافـراد
ثمن ركبنا من هل العين عاديـن
وحط ابن لامي دار الاجناب ميعاد
سقنا ونوخنـا للاجنـاب يوميـن
وجاهم نذرنا واحتسونـا بمجـراد
وتهرجوا بالمنع عنه امتراضيـن
عن ابن لامي نهضوا سلم الاجواد
تحاقرونـا يـوم حنـا شويـيـن
وحنا الشراب الكدر سمن للاكبـاد
والموت ماجنب رجالـن كثيريـن
الموت واحد وانفد الخلق مازتـاد
والضيغمي عود وربعه معيفينـب
الصمع طوعناه مثل ابـن مجـلاد
بغـوا ركايبنـا وحنـا معيـيـن
الجيش من دونه مداغيـش الاولاد
قعيمات من بد النحايـا ضريريـن
حريبهم مايهتنـي النـوم برقـاد
هذا كلام الصدق والنـاس داريـن
واقطعك ياهرجه بلى صدق ووكاد







وقبـر الديدب يسمى مكانه نقرة الديدب شرق الأردن مما يلي الأخيضر وهو معروف وكل من في تلك المنطقة يشهد بذلك ويقر بغزو بن لامي الشهير على عنزه وهزيمته لهم في عقر دارهم وذبحه لشيخهم

سعود بن لامي
07-08-2007, 02:24 PM
لاهنت ياجزاع

لاخلا ولاعدم

وليد الجبلي
17-08-2007, 07:44 AM
مشكور ياجزاع والله يكثر من امثالك

فواز بن لامـي
04-07-2008, 03:48 PM
لاهنت ياجزاع



وعساك علي القوه


وشكرا لك

التوم
05-07-2008, 03:46 AM
لاهنت اخوي جزاااع بن كويعب على الموضوع .. الله يرحم ابو سفااح

والساالفه انا سامع عنها اكثر من مره

وخيذة الضحى
05-07-2008, 06:37 AM
جزاع دايم زاخر بالعلوم الطيبه
عساك ذخر
اخوك
بن معرقب

المردد
17-07-2008, 10:27 AM
اخوي جزاع

اتمنى التوضيح في صواب والاخيضر

فهذي تعتبر قصص خياليه عند القبائل الاخرى

لان كل ماسولف واحد عنها قال هل فيه شي يثبت قصيدة او شاهد

لان القصيدة اللي قبل شوووي لصاهود

ولكن هل فيه شاعر من الجبلان في ذاك الزمن معهم قصد في الوقعات هذي؟؟؟؟

واتمنى الافادة

وشكرا

مطلق الحطاب
17-07-2008, 10:42 AM
بربعي مهديت الصعب كل مصطور
بصمعن مضاربهن تقص العظامي


تحاقرونـا يـوم حنـا شويـيـن
وحنا الشراب الكدر سمن للاكبـاد
والموت ماجنب رجالـن كثيريـن
الموت واحد وانفد الخلق مازتـاد

الله يبيض وجهك يا جزاع ويعطيك العافيه وونعم بأمراء الجبلان اللامي والله يجعلهم ذخر لبني عمهم

وراجع هالبيت يا جزاع وتأكد منه

قعيمات من بد النحايـا ضريريـن
حريبهم مايهتنـي النـوم برقـاد

مطلق الحطاب
17-07-2008, 10:48 AM
أما يخصوص الأثبات يا اخوي المردد فالفعل مسكت وعلى وضح النقى وهذا شي معرووف لدى الجميع من مطير وعنزه وغيرها ومن ينكر ذلك فهو جاااحد حق

ومن هذه الغزوات سموا الجبلان بعيدين المغازي وأعتقد أن موقف شاعرنا الكبير محمد الخس مع الأمير في حوران خير دليل ...........................

العيباني123
17-07-2008, 12:37 PM
يعطيكم العافيه يالربع

نعم اخوي المردد السالفه معروفه

ؤفيه قصيده لابن طواله الي رافق الجبلان بهالغزوه يقول

حنا غزينا والنخل تو مابور _ لين استوى طلع النخل بالتمامي
ؤبعدين يقول مرذ لطفقات البكار بن لامي
والقصيده اطول من ذالك ناسيها

منذ مبطي سامعها من خالي

راعي الشاص
14-06-2010, 03:15 PM
لاهنت اخوي جزاااع بن كويعب على الموضوع .. الله يرحم ابو سفااح