المساعد الشخصي الرقمي

مشاهدة النسخة كاملة : قصائد الشعراء المتسابقين ( التصويت للأعضاء )


عبدالله السالم
08-07-2010, 02:04 PM
القصيدة رقم ( 1 )

ملزوم اشارك واجتهد وابدع القاف
واغوص غبات البحور الغزيره

بمسابقه شيخ الوفا نسل الاشراف
صاهود ابن لامي ولافيه غيره

اللي عليه اعيون مغليه ذراف
تبكيه داره والاهل والعشيره

حتى الرعاايا صابها عقبه اخلاف
تخلج عشايرها ويبرك بعيره

سمي شيخن ماتوانا ولا خاف
ولا راح من حقه سوات الشعيره

جاه القضى والحق ماعنه محراف
يالله عسى الجنه نهايه مصيره

حرن عديم الجنس مذلوق الاطراف
اقفى يساوق للثريا مطيره

وفي ماكره باقي عديمات الاوصاف
شقرن تنومس والمخالب شطيره

اخوانه الوافين في راس مشراف
ماصد واحدهم يعقد نظيره

صيارمن يبقى لها المدح ميلاف
كلن على الجزله ليا تل سيره

هم ماكر الشيخه على دور الاسلاف
نطاحت القالات لوهي كبيره

تركي لنا عن شوبه القيض مصياف
نرقد وعينه من ورانا سهيره

هو رمزنا في حزة الضيق ينشاف
شيخا خذا من نهج علوش سيره

ماعانق الدنيا على جمع الاولاف
الطيب مجلس وابو فيصل اميره

هو فزعت الجبلان واظلال والحاف
وعبدالعزيز القرم دايم شويره

وجاسر وريثه باسمه المدح ينضاف
تلقى الكبيره عند جاسر صغيره

طير السعد ماهو على الطلع مزهاف
الا ليا شاف الحباري تثيره

على وصاه العود لو شاف ماعاف
عنا يشيل الكايده والعسيره

مجاذب اللي لاصفح كل خواف
تقلط لوان القوم مثل السعيره

ومعهم مدابيس الوغى تهرف اهراف
جبلان لاقالوا بعيد المسيره

اشمل سلفهم من ورا خشم الاطراف
السبر وايق واتبعته المغيره

على النقا يمشون بعهود واحلاف
كم هيتن راحت بهلها كسيره

افعالهم تبقى لو الخلق زلاف
اصواب يشهد مع شمال الجزيره

ياما خذوا بيمانهم شقح الاشعاف
ابعاد المغازي ساترين القصيره

بالرمح والشلفا وبالسيف قصاف
ودهم الجموع اللي تحوس المريره

يوم الليال الاوله شهب وعجاف
لابكر الوسمي جذبهم غديره

طياحهم جاله مع الصبح خفخاف
راح يتطلق مع اوجيه الجريره

يمشون في هزعن مصاطير واسهاف
دايم جنبها معتبين الذخيره

عوبن تنومس مابها نقص واعذاف
بنات هرشن قبل يفتر هديره

حامينها من دون طامع وحواف
اللي لهم في قاره المجد نيره

اللابه اللي تكرم الضيف لاضاف
واهل السيوف المرهفات الشغيره

بقياده اللي خصمها يرجع اخلاف
يوم الدعيله والسنين الخطيره

راحت اجموع اقسام وارباع وانصاف
ويرجح عن الصابور راع النذيره

وقصه قبر فدغم لها اقلوبن اسخاف
السيف من شانه يرد لجفيره

وبوراط يومن الرمك ترجف ارجاف
والدم الاحمر حايرن في محيره

كم شيخ قومن ماحصله تصراف
ويشهد لبن لهل الفعول الشهيره

شوخن تشيل الروس من بين الاكتاف
اخوان وضحا كان صارة صقيره

وجاء للدبش على الدكاكه تحذاف
والا على سيل الصفي واتحديره

ثم شيدوا سودن لها القلب ينلاف
وتسايروا اهل الوجيه السفيره

وقتن خذوه بصبر وانفوسن اخفاف
ومحبتن بين القصير وقصيره

اهل الوفا واهل الشهامه والانصاف
اقفت بهم دنيا راحها تديره

دنيا تبشر لو تمادت بالانكاف
الرابح اللي نال منها الستيره

عسى ديرهم للسحايب والارياف
ويرجع على الصمان ويزيد خيره

بامر اللذي نزل تبارك والاعراف
سبحان من يعلم بخاف السريره

وصلوا على احمد عد بالبيت من طاف
وعد النجوم وعد رمل الزبيره

تمت ابيوتي كنها نقد صراف
ومن يظلم الاجواد خاين ضميره


القصيدة رقم ( 2 )



يانجد مامـرك مـن طـروش الأيـام
ركبٍ من الصمـان يرهـي سلامـه


ركبٍ عليه ربوع أبـا الخيـل سطـام
قـرمٍ مـع معـزي تحقـق مـرامـه


شلفاه مازالـت علـى بابـك وسـام
تبقا مـع الشعـب السعـودي علامـه


لها مع صقـر الجزيـره ميـة عـام
من شان أخـو نـوره يثبـت نظامـه


في نصرة آل سعود وفي نصر الأسلام
قـام العنانـي والسعـد فـي مقامـه


هذا جبلي يارد على المـوت لا قـام
واللاش يموت ونظرته فـي طعامـه


سلايـل الجبـلان والمـوت ماصـام
منهـم ورثنـا المرجلـه والشهـامـه


عاشوا على الدنيـا مداهيـل الأكـرام
عيشة وفـا ماهـي بعيشـة رخامـه


تاريخهم مثـل الرعـد يـرزم ارزام
ينوض برقـه والمطـر فـي غمامـه


سحابـةٍ دفـت ذعـاذيـع الأنـسـام
تبـرق وترعـد فـوق راس العدامـه


سيل شعيب صواب ماها على الشـام
وراع الذلول أغدى الشـداد ومسامـه


وغزو الأخيضر بيـن بانـي وهـدام
لشـر بـابٍ دون بــاب السـلامـه


وكون الدعيله يـوم الأدبـاش حيـام
يـومٍ جرالـه مثـل يـوم القيـامـه


حتى شعيـب اوراط بعيـون الأيتـام
حربٍ مضاله مثـل حـرب الرغامـه


ومناخ نوخبه علـى الشيـخ ضرغـام
ومنهـم غديـر المـوت ذاق الندامـه


كيـر واللـي بكيـر وقـع ولا حـام
يـذوب قلبـه قبـل تبـرد عظـامـه


من عادهم يحكم علـى نفسـه اعـدام
ومن ضافهـم يلقـا الوفـا والقرامـه


يتلـون أبـو سفـاح لا قـال قــدام
كـلٍ لأبـن لامـي تحيـزم حزامـه


مافكـروا فالبعـد والجـوع والسـام
الطيـب مـن دونـه يطيـح الهلامـه


الرجل منهـم بالوغـا درع وحـزام
يشيـل كفنـه فـوق راسـه عمامـه


من حب ابو سفـاح صاهـود لا رام
رامـوا بعيديـن المغـازي كـلامـه


عقيدهـم جــزام قـطـاع لـطـام
يتبع علـى قطـع الخرايـم غرامـه


ياخذ ثلاث شهور فـي سـج الأقـدام
ومعهن ثلاث شهور من نصف عامـه


يذكـر بعيـره بيـن حافـظ وصـدام
عند الشريف حسين ارخـى خطامـه


وغنيم أخو شما سعـد كـل منضـام
ستـر الهنـوف المتحفـه بالفخامـه


خيـال سبـلا بيـن بايـع وســوام
ماتجهلـه صـم الرمـك والجهامـه


مدري سطر مدري بطر مدري الهـام
يقدم على المـوت الحمـر بإبتسامـه


تذكر فعوله بالعـرب مثـل الأحـلام
ليـلٍ يـروع كـل سـاري ظلامـه


كم فارسٍ هايج وفي خشمـه اعـرام
خلاه عشوة ذيب وارعـب اخصامـه


قدام علوى ماعرف مـوت واخصـام
قيمـة خوالـه مثـل قيمـة عمامـه


هـذا ولـد منهـي تلـد كـل مقـدام
عقـب لنـا بعقـاب عقـب وشغامـه


عقـاب ابـن شبـلان بتـاع عــزام
حرٍ كفـخ وادمـى فـروخ الحمامـه


مـن دون ربعـه ماتونـا ولا هــام
أروى مـن دمـي الأعـادي حسامـه


صفوة عرب مروا على درب الأعوام
كـلٍ عرفنـا وقفـتـه واعتصـامـه


لو الورق يشره علـى روس الأقـلام
سياسـة التهـريـج لـبـو دلامــه


واليوم حنا بخير في مطيـر واحشـام
لنـا مـع مطيـر العريبـه كـرامـه


من ساس علوى مرعبـة كـل جـزام
نصيبنـا عـنـد البليـهـي سنـامـه


نتبـع هـوى جاسـر وتركـي وردام
اشيوخنـا اهـل المكرمـه والفهامـه


حطوا لنـا بالجايـزه خمسـة ارقـام
والفـوز مـاكـلٍ تقـلـد وسـامـه


بأسم الأمير اللي على روس الأعـلام
حاش المراجـل مـن وفـاه وهيامـه


صاهود ابن علوش وابصـم بالأبهـام
انـه زعـيـمٍ يستـحـق الزعـامـه


ويالجنة التحكيم في شـرع الأحكـام
لايلحـق التقصيـر مـنـي مـلامـه




القصيدة رقم ( 3 )










مسابقة شعر النبـط لأبـن لامـي

فكره عظيمـه للرمـوز العظيمـه



فيها نصوغ اغلا الدرر والكلامـي
مشاعـر الشعـار وابـل وديمـه




وأنا مع الشعـار بصمـة أبهامـي
تبقى ويبقى لـي عليهـا وسيمـه




من باب عرف ومقدره وأحترامـي
قـام التنافـس والمعـزه مقيمـه




في وصف ربعٍ يبعـدون المرامـي
فوق الاصايل عالكـات الشكيمـه




شرابة أنسـام الهـوى بالمظامـي
هرجٍ صحيح ودرس صبر وعزيمه




يوم النشاما بين مرمـي ورامـي
ريع الغنايم كم شهد من غنيمـه..!




اجمع حسب عرفي وحسب اهتمامي
بعض الموافق بالعصـور القديمـه




نبذه عن اللي يحتمـون الجهامـي
ووصوفهم وقت المغـازي عديمـه




والمدح يزهـا طيبيـن الأسامـي
أهل الشرف والفعل وأهل الوليمـه




والدور برموز الرجاجيـل حامـي
ونسيان حاضرها جحاف وظليمـه




امثال أبوفيصـل رفيـع المقامـي
سقم العداء نبع الندى مـع نديمـه




من ماكر الاحـرار حـرٍ قطامـي
نفسه على كسب المراجل مهيمـه




جاسر وجاسر مثل حـد الحسامـي
لعـل عـودٍ خلفـه فـي نعيمـه




مقدام ربعه في الوغـا والزحامـي
يصنع فخر ربعه ويقهـر غريمـه




يستاهل الشيخه قـوي الحزامـي
ومزبان من ذاق العنـا والهزيمـه




هـداج تيمـا يـارده كـل ظامـي
ورد الظوامـي يفرحـه مايظيمـه




من دون قاصر بالرجال الحشامـي
اللي لهم فـي قمـة المجـد قيمـه




سلام ياورثة صاهود ابـن لامـي
يأهل المكـارم والعقـول الحكيمـه






القصيدة رقم ( 4 )



لا جيت في روض المعاني بقطف جزال الورود
وبتنقى في فرايدها وجيب اجزالها




وبسبك المعنى واحبكه والعلم فوق العمود
ثم رفرفي يارايتي والخيل من خيالها




سلام بعداد السلام وكل مازدنا يزود
للي على الماقف تعرف الناس ويش افعالها




ربعي مضاربها مضاريب النمارى والفهود
يوم ان ماشال الحمول الا ظهور اجمالها




مع درب ابو سفاح مابين الصوادر والورود
ثلاثة شهورً نعد ايامها و ليالها




الهجن كمل نيهن يتلن حلال العقود
مانوخن حدر الغصون الي يضل اظلالها




ربعي مهديت الصعب بشلف في صهر الكبود
كم روس قومً بالقا راحت تجر اذيالها




حامين روس البوش في راس المشوك والزنود
واللي نواها لابغاها حالته يرثالها




كم سربتً ترجح عن الصابور والعالم شهود
اقولها في قافي الليله وغيري قالها




عاشت لنا شيوخً تروم الطيب من زودً بزود
الي على روس المعالي دايمً منزالها




هم كفت الهيجا ليامن حك راس العود عود
ربعي مداغيش الوغا في حلها وترحالها




مايجهل التاريخ رجلً ذاع صيته فالوجود
مدام هامات الكرامه في يدينه نالها




ياعلى قبرً ضم ابو جاسر مداهيله ورود
من فوق هذيك النصايب يبرقً اخيالها




العبد يفنا لادنا يومه ولله الخلود
وحده هو الباقي وحسناته بعشر امثالها

فارس الجبلي
08-07-2010, 04:09 PM
وفق الله الجميع

التصويت لـ رقم ( 2 )

بالتوفيق

سعود بن لامي
08-07-2010, 06:43 PM
تم التصويت لرقم 1

سلطأن بن لأمي
08-07-2010, 06:52 PM
تـم إلتصـويت ولله يـوفق آلجـميع

عزيز بن لامـي
08-07-2010, 06:54 PM
تم التصويت

والله يوفق الجميع

ابو وحش المطيري
08-07-2010, 07:04 PM
تـــــم التـــصويــت (___3__)والله ولي التوفيق

بعيد الهقاوي
08-07-2010, 07:22 PM
2

وبالله التوفيق للجميع.

خالد بن دليبح
08-07-2010, 07:31 PM
يالربع مولازم تذكرون الي صوتو له اظاهر انكم ما قريتو الشرووط

bofalah
08-07-2010, 07:48 PM
القصيده الرابعه ((4))

طهران
08-07-2010, 08:25 PM
تم التصويت

والله يوفق الجميع

طيـرٍة شلـوٍى
08-07-2010, 08:28 PM
تم التصوؤيت ,,والله يووفق الجميع ,,

ناصر بن خالد
08-07-2010, 11:12 PM
بالتوفيق للجمـــــــيع

بنت دار زايد
08-07-2010, 11:57 PM
تم التصويت

منصور ابوطفره
09-07-2010, 12:11 AM
صح السنت الجميع

الـوافـي
09-07-2010, 12:14 AM
تم التصويت والله يوفق الجميع

الغفيلي
09-07-2010, 12:25 AM
تــم التصويـــت لرقـــم (4) ,,

وبالتــــوفيق للجمــــيع

almu7taref
09-07-2010, 12:34 AM
وفق الله الجميع

التصويت لـ رقم ( 2 )

بالتوفيق

سلطان ابن ردن
09-07-2010, 12:35 AM
تم التصويت

عبدالله الحيلان
09-07-2010, 12:51 AM
تم التصويت لرقم ( 2 )
والله يوفق الجميع
لاهنتم




..

عبدالله السالم
09-07-2010, 01:14 AM
السلام عليكم ورحمة الله وبركاته

انتهى وقت التصويت

وبالتوفيق للجميع

عبدالله السالم
11-07-2010, 03:24 AM
نتئج نسبة التصويت

طريقة الحساب

النسبة الحاصل عليها الشاعر * 2. = النتيجة

القصيدة رقم ( 1 ) حصل على 5.16
القصيدة رقم (2 ) حصل على 6.88
القصيدة رقم ( 3 ) حصل على 1.73
القصيدة رقم ( 4 ) حصل على 6.24