ارجو التثبيت قصائد عن الطيور والقنص

[طهران]

بسم الله الرحن الرحيم


حبيت انزلكم القصايد عن الطير

وارجو التثبيت








وأرجو من المشرفين تثبيت هذا الموضوع لما فيه ابداع للشعراء الصقاقير
وهنا اضع بين أيديكم احدى قصائد الشاعر المعروف عبدالله ابن عون العتيبي أولى القصائد






ياطير عقبي كن خاطرك شاين
خاطرك شين وغيبتي عنك يومين ؟
النقص فيك مبينٍ له بواين
في لمعة الريشه وفي ناظر العين
ياطير انا وياك كنّا خداين
وبيني وبينك ولف ومعاملٍ زين
يوم نتخاوى مع وجيه الضعاين
ونهمل سبوقك في مناكب ( خسيرين )
ولاّ ( شمال الهضبتين القراين )
شرقّ ( طلال) .. ومن ( سواحيق) ويمين
ولإ عطينا سكّة ( التابلاين )
ولاقد عطيناها عليهن حراذين
نصبح على طارات شهب المكاين
بين ( العراقيين ) و ( الأردنيين )
في خايعٍ به كنّ عيني تعاين
ربد الحباري به على أربع وثنتين
ونأخذ لنا أيامٍ بذيك الدفاين
مابين برقع والغدف والبسيتين
ونكسر على ماينحدر من ضواين
وناخذ هناك أسبوع والاّ سبوعين
وننكف نشاط وسالمين الصخاين
ولوّ كان نتعب عدنّا مستريحين
قدّام يطلع للصقاره زباين
ناسٍ تحوش القوبعه بأم روحين
ليّا روحوّ بمشحنّات الخزاين
مافي نحاهم ذوّقوه الأمرين
واليوم مابيني وبينك مداين
أنا سعودي وأنت جايٍ من الصين
وأمّا لقينا للحباري عواين
والاّ توادعنا وداع المحبين
الوقت ماتاليه معنا بزاين
والبرّ في حادور من حين في حين
أدناه مليانٍ كراتين ( فاين )
وأقصاه ضاق وضيّقوه به هل الضين
وضاقت مناهج طيبين الضغاين
اللّ على المقناص يالطير ضارين
واليوم كّن اللي يحاكيك ماين
هذي سبوقك وأنتهض بالجناحين
وهاجر مهاجر مبحرات السفاين
للصين والاّ أهبط على ضلع غزوين
لوّ كان عندي من فراقك بهاين
حنّا عزاز ولانهين العزيزين
خلّك تروح ولاتشوف الغباين
شاملك عفوٍ مثل عفو المساجين




*
*
*
وهنا ايضاً قصيده للشاعر بدر الحويفي



"
"
القلب يالصاحب له ايام مزنوق
ماهو منشطني من العام سوقي
والرزق بالدنيا تقاسيم ووفوق
نوب تكايدنا ونوب تروقي
وعناية الخالق على كل مخلوق
محيي الهشيم ويابسات العروقي
ياللي هضمت الطير والطير مرزوق
الطير رزقه بالجناح امخلوقي
من يوم قل الصيد ماللولع ذوق
وشعاد لو حطيت طير وسلوقي
راح الولع مع دور مشعان وصفوق
يوم الحباري بالمنادي افروقي
ذاك الذي يطرب له البال ويشوق
والطير يسوى قيمته ومعشوقي
واليوم دور الطير فاشل وممحوق
كثروا صقاقيره ولامن وفوقي
وبعض صقاقيره يحبسه بصندوق
ضايق بمنقاره يعض السبوقي
لو هز راسه للفضاء وانتهض فوق
ريشه دمار وبالرباط امحزوقي
نسره لحم مطبوخ والوكر طابوق
وسيم يتله بالكراع امحزوقي
من عقب مضياحه على راس شاهوق
اليوم ناقص واجبه والحقوقي
يلعب الجاهل مع الديك مرفوق
الطير مخدم والدجاجة تقوقي
من شوفته كني على الوجه مصفوق
صديت من عيني تذارف ارموقي
حكمه بيد غيري ولابرمت منطوق
هزيت راسي والضميرامحروقي
من يوم جهال الولع جالهم سوق
اللي يحسبون البواشق اشروقي
الطير له ناس تعرفه ومرمو
قاللي ولعهم بالصقاره عموقي
يسوقهم حب الولع للولع سوق
خص ليا قامت تلوح البروقي
كان اجنبوا لمسوا مداليج ساحوق
وشمال من غرب الصحن للحدوقي
بارض مراتعها تفهق بها النوق
كبار الظهور مقوسات العنوقي
لاهل الولع فيها مساهيج وطروق
وقت الخضار وللبذيره بهوقي
العام لي معهم علاقه ومعلوق
والليوم اوادعهم وقلبي يتوقي
ينحاه مع درب الولع حب واخفوق
وعلى الصقاره والنشاما شفوقي
قلبي على شوف القرانيس مفتوق
اللي طلبهن يعطبنه لحوقي
الي بهن ريشة مريعي وغرنوق
ومن القطا فيهن نوايع رنوقي
امسرولات اكعوبهن حجل واسبو
قحرش الكفوف مدلجات الشدوقي
وصدورهن جثلات والمتن مفهوق
واقحوفهن مثل الكهوف الطبوقى
والريش طلق ادقاق والبوز مذلوق
والروس بيض وبالمواسى دقوقى
عقد محازمهن لهن سلف واشنوق
فج المناخر ضافيات الشنوقى
منهن زعيم الجول ماهو بمعتوق
من ضربهن كنه برمح مخشوقى
دفق الحمر منهن على القاع مدفوق
مثل الخناجر مزرهن للعروقي
انسى سوالفهن ولا جيت اباروقي
شر عليهن يالنشاما خفوقي
لاكن حصلي من ظروف الدهر عوق
وانا عليهن يذرف الدمع موقي
حل الولع يوم الولع قطف زملوق
واليوم راع الطير صدره يضوقي
يصبح ويمسي ضايق الصدر مخنوق
تضيق من قل الهداد الخلوقي

*
*
*
يتبع
__________________

[طهران]

يعد الشاعر الكبير بدر بن عواد الحويفي الحربي
واحد من الشعراء الذين يجري في دمائهم حب الصقور
والمقناص ، وحدث ذات مرة أن أشترى طيراً حراً كامل
المواصفات ، ولكن رحلة المقناص أثبتت فشل هذا الصقر
وعدم توفيقه ، فقال متشرهاً على هذا الصقر :
يا طير يوم أشريك في حر مالي
***********أبا الشبب منك بطوارف غنيجان
جرمك كبير وجوهر القلب خالي
**********جرمك كبير وغشني بك عجــيان
فرد عليه الطير شعراً !!! :
يا بدر لي جا بالمجالس مجالي
***********إستر علي الله يجازيك باحسان
واوصلني الشبعان واطلق مجالي
************بأرض بها حروة جراذي وفيران
مالي بشوف ام الأذان الطوالي
************اللي صغار عيونها تقل حوذان
والا الحباري ما بهن لي مدالي
*************يطير قلبي من عيون الكروان
مير اترك الموضوع واستر خمالي
***********الله يخليلك *محمد * وسلمان
فرد عليه الحويفي موافقاً على طلبه :
اصبر علي لى ما تهب الشمالي
*************تقلعك عني يم صنعا ونجران
ما للردي عندي مقام وجلالي
***** خسران من يرجي العشا منك خسران
فيما مضى عندي عزيز وغالي
***********واليوم قدرك عندنا مثل حجلان
وفيما مضى وانته مشارك عيالي
*********أقطع لك الهبرة وهم بس عظمان
وفي موقف آخر، ومع طير آخر يقول بدر الحويفي :
الخرب يا غنام ما هو كروان
***********تبرك عليه ولا يهمك صغيره
الخرب عابي لك قنابل بخزان
*********يبي على خشمك يفك الذخيرة
غرّك فعولك يوم تقنص لفيحان
***********أثرك جيّد لى قضبت الكسيرة
فرد عليه الطير قائلاً :
انته وراك تلومني يابو سلمان
*********والله لأعوضك كان حصّلت غيره
وأنا الحقيقة يوم هدّيت غلطان
**********جيته مع البومة واثرها خطيرة
ما مقصدي خايف من الخرب جزعان
************ لكن ما جيته بعرف وبصيره
خرب مغفل له أسبوعين بشمان
*********مليان من قطف الخزامى مصيره
هو طار متعافي وأنا طرت عميان
*********سدد عيوني سدد الله نظيره !!!

[طهران]

قصيده لواحد من الصباح ولا اعرفه اسمه


دار الشمال وسرني يوم دار
اعقب البطا وانا اتحرالها دوم
عقب الرطوبه والندى والحرارا
هب البراد وبشر الوسم بغيوم
في موسمن نرجي بشاير اخبارا
نفرح ليا جتنا مكاتيب وعلوم
حلن تجينابه فروخ الحرارا
او من قرانيس الخلا كل صيروم
باغن ليا طاح الحيا في ديارا
وسمن على صيفن به العشب كيهوم
من الحنيه ظافين لام عمارا
واجنب وسند بالحيا لام قيصوم
ثمن قنصنا بطيورن تمارا
في شايت اللي عالمن كل مكتوم
ياماحلا تعميرتي للزقارا
في حاجرن خده من الوبل ماسوم
وعشبه جديد وزاهين في خضارا
يفرحبه اللي ضايق الصدر مهموم
والطير عندي صايدله حبارا
فرخن على هدته توه اليوم
مثل امس علمناه اول نهارا
على كسيرن صادها عقب تعلوم
واليوم عقب البطى والدوارا
ماصارله بين القرانيس مقسوم
وطارت على المنوه سوات البشارا
تالي نهار ومن عقب زله الحوم
قالو يمين وناس قالو يسارا
على.والكل ينخى راعي الفرخ معلوم
ارخاله البرقع ونصل شكارا
واشوف ايده تنتفض تقل محموم
قلت اسكتو لحدن يبين ذيارا
هولحدن اشوفه يرفع الطير ويقوم
واليا ومرتك خرعه في شطارا
هوجهه تفره صوبها قبل ملزوم
وصفطت وخالطت للزبارا
وصرختله فرع ولاني بمليوم
واومى عليها حاربن في طيارا
هيالله عساه من اول الصيد ملحوم
طلق الجناح وكل ريشه عمارا
ماهو بمهيونن به الشد محزوم
ثم طقها لي ريشها بانتثارا
بالصايد اللي مخابه تقل مسموم
لاخيشتله ماجفل واستدارا
النادر اللي دايمن يطلب الزوم
فرخن جليل وحاوين كل شارا
هوصدره عريض وميخره تقل ملموم
اللي كن في عينه سوات الشرارا
عاري بدن من كثره الريش محروم
بياض راسه فارقن عن حمارا
هواما الشليل مودع الريش بخروم
يفرحبه اللي مولعن بالصقارا
هلاشك به جنسن مع الناس معدوم
ماقلبوه اهل النظر للمشارا
ايضا ولاكلن قلطله على سوم
مراح ضني به ضياع وخسارا
هولا عدابه نفعنا دوم مكروم
وصلاة ربي بالخفا والجهارا
على النبي المصطفى دايم الدوم

[طهران]

قصيدة الشاعر عبدالرحمن العطاوي العتيبي



له سبوع سهيل كل عين تشوفه
جاك حل البراد وراح وقت السمايم
من يخف الكلايف شايفين معروفه
أشقر الريش جاوقته وقلبي مهايم
مولع الطيرو الله مايطاوع ظروفه
دوم قلبه وعينه يم نجم النعايم
يذكر الاشقر اللي عايزات وصوفه
ومن ذكر ذاك ما اطاوع كثير اللوايم
صافي الريش سرواله مغطي كفوفه
أسبح الوجه صافي الريش ماله وقايم
كن جوهر عيونه في محاجر قحوفه
فضةًفصها أسود من حجار كرايم
لاقفيته تشوف الريش شعل حروفه
ذاك عوق الخريش اللي تحب الهزايم
عند نايف الي الفى فارق حيل نوفه
ذاك هبي بشوفه ياهبوب النسايم


__________________

[طهران]

هذه قصيده للشاعر عبيد بن علي المري وهو عندما كان قانص لباكستان سنه 1407 هــ وكان معه طير


طيب وكان اسم الطير (((مرّان)) وكان طير اسنافي صاد به حوالي 82 حبارى ولكن للاسف ضيعه


ودور عليه لما ضواه الليل وامسى هو واخوياه وفي تلك الليله قال هذه القصيده:



دورو ياأهل يالمواتر بأجتهادي..... واجهمو قبل الفجر يجلا ظلامــه
دورو مرّان في روس المبادي ..... وازعجوله في نبا النايف حمامـه
والنقل غلوه والصايح ينادي ..... دققو الانظارفي راس العدامــــه
العديم اللي لبرقى الريش صادي ..... نادرٍ فيه الركاده والشهامــــــه
حيسفا ياضيعته ضاع المرادي ..... ضاع فكري والجفن حارب منامه
كم ذبح من جملةٍ في حرف وادي..... مايهاب الجول لو بنّى خيامـــــه
اكتبوا صيده ثمانين عدادي ..... وزادها ثنتين في تالي ختامـــه
لاتحدى الخرب من دون الربادي..... حرمت منه المعزه والسلامـــــــه
كل ماقالوا متى مرّان غادي..... اجحد احزاني بضحكه وابتسامـــه

[طهران]

عزام لامنه طلبني سبوقه"
"ماقلت ياعزام طلعك على ويش
موكد(ن)طلعه ومثبت iiلحوقه"
"ماجا على طلعه iiغبار(ن)وتشويش
لونها تحته او ان جات iiفوقه"
"مرهي عليها من قبل تنفض الريش
مبااااااااارك iiالهاجري



واطيري اللي مات وقت iiالهدادي"
"وانا اتحرى طلعت سهيل iiوارجيه
ليته على برقا الجناحين غادي"
"ولا على ذربين الايمان iiمهديه
محمد بن دشن الهاجري


واطيري اللي مايتاوق ليا شاف
"لامن وكد بالطلع تل وعطيته
غدتبه اللي غرفها غرف iiمجداف"
"من يوم شفت طيارها iiمارجيته
عبدالرحمن العطااااوي


ياعين عين اللي تنكس على اللوح"
"بيض الدواغر في المفالي iطرحها
اليا علاه في السما لاحها لوح
"اما ضربها عرض ولا نطحها

ماهوب بيتيين عن الصيد مشفوح"
"ان صادها في الارض ولا قلعها
شااعر مجهول

[طهران]

الشاعر بدر الحويفي



متى على الله تبتدئ رخصة الطير
وعقب الرباط يصف ريش القرانيس
والمزن بالمنشأ نشوفه مزابير
والبرق تالي الليل مثل المقابيس
ابي إليا قالوا مشينا على خير
والراي شدوه العيال المدابيس
وتواعدوا عقب العتيم المناعير
مسرى تحت داج الظلام الغطاريس
ربع لهم عندي معزه وتقدير
مدلهين اللي بقلبه هواجيس
وافين باللزمات ماهم مثابير
شيالة الكايد إليا دنق الهيس
يبون من خشم المسمى محادير
نشمل إليا لوقا ونجنب الى التيس
لوقفوا بارض(ن)بها اثلها وتأثير
وفكوا براقعهن حرار(ن)فواعيس
والطير تل وشافهن بالعثامير
الخرب كوبر والطبايل مفاليس
واعلقبه اللي يمزر الريش تمزير
اللي مخاليبه سواة الدبابيس
واللي تروح طيار ما عينت خير
شيهان نكسها على القاع تنكيس
نادر بحر ياخذ عليها مشاوير
ماهو بوكري(ن)يهاب الدماميس
وإليا تلافوا بالمعشى مناعير
في خايع(ن)جرمه سواة الكناديس
وشبوا وقادوا للسوالف معابير
والنجر يلعي والمباهر متاريس
خفاف النفوس رجال ماهم مثابير
ولامنهم اللي فيه كبر(ن)ولا خيس
وجوهم يبون الكيف ربع(ن)مسايير
قالوا علوم الربع قالوا عواسيس
نذكر لكم جول(ن)رثعنابه عصير
حازن من الخبه يبن الطعاميس
في ماقع(ن)عقب المطر مابعد ذير
تومي بنواره هبوب النسانيس
والصبح مدوا للحراوي مداوير
وطاحوا بجرتهن جداد ومداريس
وحثوا بهن بالخور مثل الطوابير
وتزارقن من جذوع الشجر والمتاريس
وتنهض اللي كن عينه سنا الكير
كد ذوقوه من الثنادي تلاميس
والخرب قام يحوز دون المعاشير
وزته وطار الريش مثل القراطيس
ومدوا عليهن مبهمات المواصير
شغل الفرنج مقورمات النواديس
وصادوا و وفقهم ولي المقادير
واهل الوكارى ربطوهن مفاليس
هذي حلاة الصيد وقت المخاضير
وبعض الصقاره يعلم الله مطاريس


__________________

[طهران]

حمد السعيد



يالطلح ما مرك مع الصبح صافي
طير غدالي امس والشمس حيه
اتلا العهد به راح يطرد مقافي
خبريبه اومى في جناحه هنيه
لا والله إلا مرنا العصر وافي
كنه غلام مستغيرن بهيه
اقبل علينا ثم اخذ بنحرافي
يوم الحباري وقعن له سويه
يالطلح قلي عل مابه خلافي
البارحه برد وشمال قويه
كانه تعشا قلت عله عوافي
والحي يجمعه الولي مع خويه
لا والله الى صاد خرب امتعافي
واخذ عليه من الثنادي شويه
لا مفلسن مره ولا قال كافي
يوم اخلفنه عن عشاه احقبيه
خابره والله قاطع مايخافي
دايم على الصيده تجيله حميه
انشدك بلي منبتك بالسوافي
عساه في خيرن ولا فيه سيه
خبريبه اقرش في سبوقه خلا في
مابه بلا وامرح على هالحصيه
والفجر شخص بالنواظر وشافي
طلعه بعيد ويمته ساحليه
يالطلح ذا حبه ولاهوب خافي
متعادل حبه بحب البنيه
بعض الطيور ان راح قلنا عوافي
لاشك هذا وين ابلقى حليه
اتعب عليه وعادت الحر يافي
اضرب سهلها والوعر والشغيه
يجيبه الي رازقن هلعجافي
بهايمن تمشي على غير نيه
يالطلح لك مني يابو غصن ضافي
لا جابه الله وكل نيه مطيه
لاجيك انا في موتر القش هافي
واسقيك هالي باقي بتانكيه
واطى على رملة سوافيك حافي
وكلن على ماقيل يذكر خويه

[طهران]

ابيات مختاره
ياهيه ياالطاروح لاتطـرح الطيـر
خل الوحش لاتوجعـه بالمهـادي

خله بمضياحه بروس الشناضيـر
فالخبت والا في رجوم الحمـادي

يشيخ في رايه وعزمـه بتدبيـر
ويسلم من البرقع وتـل القيـادي

وانت اكسب الراحه وخل المخاسير
اليوم شبك الطير عـود جهـادي




.
الشاعر/ عبدالله بن عون العتيبي



.



.
.



ثنتين عندي من نوادر طبوعي
للطير قدر وللمناعير تقديـر

اقدره تقدير طيـب ربوعـي
وبرفقته مامل طول المشاوير




.
الشاعر/ ثامر القطيم السبيعي


ماهوب وكرين عشـاه الجـرادي
من العلف شر(ن) على كف راعيه




.
محمد بن دشن




.
.


ياهل الطيور اللي قليل(ن) هددها
ياليتكم من هالعنا تستريحـون




.
شاعر مجهول




.
.


الطير مايعطيك عهد(ن) واماني
اللي ليامن حام سمّوه مختـار




.
ابن عفيشه

بكره ليا ذعذع براد الصفاري === القيض راح وقربت هدة الطير
قرب هداد مصخرات الحباري === اللي لهن عند اهل الصنف توقير
بأتلى شهر عشره وذيك المحاري === يا كثرهم دوار برق الدواغير
الشاعر شبيب المطيري


يا زين هد الطير في وسط غابه === اما طلوع الشمس والا الطفيليل
ان شاف له جول تدراج عثابه === جايع وشفقان على شوفهن حيل
الشاعر سمير الهرشاني


يالبازعي طيري طلع مثل راعيه === زولٍ وفعلٍ والمواري تشابه
بالطلع موقف ما لقي من يماريه === عساه يسلم سيدي يوم جابه
له ماكرٍ في بر فارس محاريه === كني اشوفه يوم خاطوا قطابه
صفاة وجهه مع شدوده توديه === ضمن الحرار ولا وراها طلابه
النادر اللي يوم عزمت اسميه === سميته السامر واشوفه زهابه
ليا قفيته شفت دقٍ محنيه === وليا نطحته من عيونه تهابه
كن الثريا في قواطي مواميه === ابيض نحر كنه يشع الضوا به
هجرٍ قصيرالساق جبره ثناديه === وله عاتقٍ يعطي شموخ ومهابه
ليا مسح وجهه ونهض مواطيه === يطري علي اللي عزيزٍ جنابه
به من طبوعه مشبع اللي حواليه === وماخذ من طبوعه ليان بصلابه
وجهه ليامن صاد يشبه محاليه === لا بشر بضيـفٍ وردد هلا به
لا تل سبقه قلت يا طير لبيه === واقفى وكني كاسبٍ به ثوابه
وجاهن وهو كن المنايا تباريه === زيزوم قوم وفزعوه القرابه
اللي معه بالطلع ما عاد يمديه === ياصل مطاليعه وهو ما درى به
من عادته برق الدواغر مداميه === في صيدته الطير غمقٍ صوابه
ليا ضرب ما وافق الضرب يفريه === كن بيمينه من سيوف الصحابه
ينقى كبير العرف ما هـو يخليه === من خيشة قدمه نهبها نهابه
يا سعد عين اللي قنص عانيٍ فيه === طيرٍ وماخذ من طبوع الذيابه
لا صارت الدعوى عناد ومشاريه === إخذه وكنك ماخـذٍ معك لابه
الطير احبه حيل من حب راعيه === عبد العزيز اللي عزيزٍ جنابه

الشاعر حمد السعيد


ياطيـر لـوك تذبـح الصيـد تنـعـاف
الـيـوم نقـلـك يـالـنـداوي اعـقـوبـه

وهني من شافك على راس مشراف
برضـن قـفـر والـنـاس مادوجـوبـه

تلحق معاشير الشتا غصب وارداف
ولاكـوبـر الحـفـان تـفـرا جـنـوبـه






نايف ابوطفره


صاهود يابندر يساوي ملاييـن
اشقر خفيف الريش مابه هوادي

يعجبك طرده لاكتف بالجناحيـن
لادبـر الحفـان راح متحـادي

اوما على روحه وخلا الشياهين
مثل العقيد اللي نهار الطـرادي

لاتلهـا والله مغبـط السلاطيـن
اللي تحوش المال من كل وادي

ياما طلع قدام ويسـار ويميـن
وياما تعلا خارمـن ماتصـادي
ياما لحق وحده وحـده وثنتيـن
واردفت عقب اثنين علمن وكادي

*******************************
فرخي فعوله بالحباري شنيعـه
يفرى دواغرهن ويفرى الثنادي

ما هو ببيتين يمـال القطيعـه
مخربه طرد الحمـام السـوادي

*****************************


حطـاب ياطيـر تنقـاه صـقـار
صقار يبخص طير طرح الحمـادي

ليتك تشوفـه فـوق متكـاه رادار
يرصد لخرب مـن بعيـد يهـادي

القف من الملقوف في شبت النـار
يطلع على اللي مخمر ما يصـادي

ماصاد يبغى شبعت البطن وان صار
يصيـد غـلٍ للحبـاري عـنـادي

ابيض نحر والراس ممسوح بغبـار
وله منسر فعله على الحلق بـادي




...................................؟؟







يا عيون اشقر لا كوبر الخرب عوقه
كل طلعه وكاد ولاهل الصنف لايـق

لا طلع من يد الصقار واطلق سبوقه
اسبق من السهوم اللي توجه طلايق

يلحق اللي مع اللجه صعيبن لحوقـه
مثل (عماش) فعله مثبت بالوثايـق
**************************************

الى ركز في مجلسي طير حوران
وتجمعوا عندي كثير الجماعـه

وشلته على كفي كثير الغثا هان
عندي غدى للهم مثل المناعـه





بدر بن عبد المحسن
*************************************

والله يالـولا غايتـي مـا انـقـل الطـيـر
مـا انقـل علـى كفـي خـفـوق جنـاحـي
ابـي لـي فاعـت تقـل شعـف معصـيـر
واقفـت تعـقـد مــع سـهـال فيـاحـي
...........................................
.............................................
لاطـقـهـا بالصـايـديـن الـمـواخـيـر
الخـرب طـاح ونـجـم الطـيـر صـاحـي


بدر الحويفي
****************************

[طهران]

الشاعر نايف ابو طفره




سهيل بين واقبلت هدت الطير
راح السموم وراح وقت الحروره
تباشروا اهل الوجيه المسافير
كلن نقل طيره وبدل سيوره
لاروحت غر المزون المباكير
هذا ربيع القلب هذا سروره
ياضويحي المنصور جتنا المعابير
قامت تذكر يابن لامي عبوره
قامت تذكر متعبات المداوير
برق الدواغر لاقيين جروره
وليا ركبنا مبعدات المشاوير
كم واحدن يفقد عليهن شعوره
يازين مسهاج الحفر وقتنا عصير
مع القروم اللي سوات النموره
مع خط رفحه والمواتر طوابير
والراي من بين الأوا ليد شوره
وطفنا بلاد حسين والموعد ضمير
والشام خله مانجيه ونزوره
نبا جليغم يابو منصور والدير
نقنص شعيب صواب ويّا ووعوره
معنا صواريمٍ تعوق المدابير
اليا ضربها حولت تقل كوره
شقر الحرار مصخرات المعاشير
مثبتين افعولهن مخبوره
لاهن من التهجين ولاهن من الجير
شبك الحماد ومن نوادر صقوره
بيض الوجيه وبالدقوق المغاتير
والكل منهن بالمثل تقل صوره
يازين هدتهن بليا معاذير
والجيب سواقه يعاقب قيوره
نقزر الدنيا مع الوقت تقزير
مع كل قرمن وافيات(ن) شبوره
في خايعن لطراف عشبه نواوير
عليه من وبل الوسامي بكوره
هذيك والله منوه القلب يامير
لوّن طير اليوم ياشين دوره

[طهران]

ابو خلف محمد الخس



انا في يدي خرشى تشادي لوجه الداب
لاشافات الحفان تفرى دواغرها
حديدة وجه واحد من وجهها المخلاب
تقص العظم لاناشته لو بخنصرها
لاشفتها مناك سودا تقول عقاب
كبيرة ثنادي منسر الباز منسرها
عليها العيون من الصقاقير تقل حراب
لامرها الصقار لازم يخازرها
على الخارم المقفي تفرقع من القضاب
تفرقع من القضاب كنك مبشرها
يشادي سبل جنحانها حد شلفا ذياب
حديد النظر واليا اطلبت مايسبرها
من القطع اللي يطلبن البعيد اطلاب
خريش الحباري وان تعلت تصخرها
لاشافت الجول ادرعت فيه ماتهاب
ثعت في ركونه لين تكثر عثايرها
اليا منها قامت ترقى ورى السحاب
رقت لين من جو الخظيرا تحدرها
فرتها وهي متعليه فري دلوٍ صاب
حداها الطيار اللي من البعد حاشرها
تجي قاضبتها قضبت السيم بالجلاب
قبل لاتطب الارض منها تشطرها


__________________

[طهران]

ابيات ولا اعرف من قائلها

يارجـأوازيـن هــداة الـجــرودي
يـوم جانـي للدعـو عقـب الوحاشـه
اجردن شكلـه علـى غيـره يـزودي
ارقطـن دقـه مـثـل دق الفـراشـه
من جبـل لاهـور ماهـو بالسعـودي
صيـده الجـزلات ماصـاد الخشاشـه
فيـه هـواه جمسنـا الازرق يـرودي
افجحن ....................... انقراشه
*********************************

يامطلق الطير جـا حلـه
جنك ليـال المطاريشـي
القلب مني غـدى كلـه
متى نشوف اشقر الريشي
ان شفت غشام في حلـه
خيطن يجود اليـا نيشـي
اشقـر مواميـه منسلـه
مثل السلال المهاطيشـي
وجهه يداوي عن العلـه
عوق الطيار المخاريشي

***************************






امس الضحى عديت في راس مشذوب
غشاه مـن دمعـي سـواة الـرذاذي
طيري غدى وانا مع الطير مرعـوب
من عقب ماني لجرد الريـش غـاذي
يالله يعـقـال يـوسـف ليـعـقـوب
ياللـي بغيـرك مـال حيـه مـلاذي
اعقل علـي شـلاح ياشافـي ايـوب
مودع غلب ريـش الحبـاري بـذاذي
يمناه تشلب خربهن شعطـت الثـوب
لاشافهـن ماشـذ منـهـن شــذاذي


****************************

الحويفي

الله مـن قلبـن همومـه تمـلـه
مل الغضـى لمتعبـات المباهيـر
وشوف البراري والفضا ولعة لـه
لاشاف بالمنشى مـزونً مزابيـر
ياموتري ريحتـك القيـض كلـه
ابيك لاقامـت تطـول المشاويـر
لابـد لـك لابـرد الوقـت تلـه
ويحن ماطورك على ساقة الطيـر
في خايعن بعض العـرب مايدلـه
مدهل لفتخان الرجـال المناعيـر
نبـي لنـا معهـم وناسـه وفلـه
مع درب عجلات الوسوم المباكير
لاصبح القرناس من عقـب طلـه
يوجس بجلده مثـل دق المساميـر
لافرعـوه وشافهـن وادرجـلـه
وادلج وراع الجمس كفه على القير







والله يالولا غايتي مانقـل الطيـر
مانقل على كفي خفوق الجناحـي
ابي ليا فزت تقل شعف معصيـر
واقفت تعقد مو وسيـع الفياحـي
لاتلني واقفى يقطرف لـه السيـر
جايع وحاديه الزعل من صياحـي
لاطقهـا بالصايديـن المواخـيـر
طاحت عطيب ونجم الطير صاحي
وتركزن له تقل شولـن معاشيـر
رزن غلبهن عقب ماهن مطاحـي
الحويفي



***********************************


لاسلت يـاوادي الناقـه
اللي غدى فيك سلمانـي
طلع وانا اطلقت مسباقه
وحام وتنكـر وخلانـي
تكفون لرضاو عشاقـه
مروى شعيبه على شاني
اليـا تذكـرت ملحاقـه
مايلحقه فرخ شيهانـي
عيني اليا هـد رماقـه
اخفيه لو ساق مشعانـي

اعتقد انها لبن عون عبدالله

[طهران]

وهذي القصيده مرثيه بطير

طير كان غالي عندي ومات وهذا اللي كتبت فيه


ياعين مالومك على فقد غصاب
مودع مخاريش الحباري عطايب
هلي على فرقاه من دم الاهداب
ياكيف ابنسى دامه اليوم غايب
الوافي اللي بالمخاليب عطاب
له ضربتن تكسر عظام الخرايب
منخر وبوز وعاتقله تقل داب
موقف بطلعه ماعليها طلايب
لحاق بطياره ولاهوب تلاب
يلحق لو ان الجو عج وهبايب
طيرن حشمته مثل حشمي للأصحاب
مات وتركني بين هم ومصايب
واليوم قلبي من غلا الطير منصاب
القا العوض من عند منش السحايب


__________________

[طهران]

اتمناا ان ينال عجاابكم

[مسعور]

الله يعطيك العافيه يا طهراااان


ولاهنتتتتتتتتتت يا كحلان علي القصاااايد

[طهران]

مسعور شكرأ علي ردك العطري يا كحيلان

[طلال فهد الجبلي]

لاااااااااااهنت ياطهران على النقل وجميله
القصائد عندما تكون في الطيـر
وفي وصفه لاهنت مره اخرى تقبل مروري ..

[آبشر]

لاهننننننننننننننننننننننننننت يآ طهرآآآآن على النقل ....
تقبل مروري...*

[طهران]

هلا فيك نورتنا يا ابو فهد

وشكرأ علي ردك يا الذيب

[طهران]

هلا فيك يا سلطان فهد
وشكرأ علي مرورك الكريم

مع تحيات اخوكم طهران

[المنتخـــي]

الله يعطيك العافيه يا طهراااان


ولاهنتتتتتتتتتت يا كحلان علي القصاااايد

[طهران]

هلا فيك نورتنا يا الذيب

وشكرأ علي مررورك الكريم يا المنتخي يا الذيب

[بندر الجنيدي]

لاهنت لاهنت لاهنت ياطهران قصائد روعه لشعراء اروع

[طهران]

الله يعطيك العافيه


والروعه ردك يا الذيب