المساعد الشخصي الرقمي

مشاهدة النسخة كاملة : من لاينال المرجله في شبااااابه


ناشي الحميداني
24-09-2010, 08:51 PM
من لاينـال المرجلـه فـي شبابـه=ماضنتي يلقا المراجـل ليـا شـاب
كل" على الطـالات يشعـب ركابـه=ولافيه شي" غير في بذل الأسبـاب
إليـا أذن المـذن عليـك الأجابـه=وصل الفرايض وأسجد لرب الأرباب
أعبـد ولـي" مالـه أحـد" يشابـه=مفرج الكربات في وقـت الأنشـاب
وامك وأبوك أرحم بهـم والقرابـه=لاتقطع الأرحـام بالربـع الأقـراب
هم الأجر وإن كان تبغـى المثابـه=وخل العلوم الثانيه عنـك مجنـاب
وأفطن وخلك ذيـب بيـن الذيابـه=وأحرص على خوة طويلين الأشناب
أهل النقا والطيـب وأهـل الحبابـه=كسابة الناموس في وقت الأصعـاب
الـي مواردهـم سـواة اللهابــه=لاجيتهـم باللازمـه فكـو الـبـاب
وإلا الـردي مافـي مخـاواه ثابـه=لو طاب لك يوميـن تـراه ماطـاب
لابد من يوم تشـوف الـردى بـه=وتقول له روح ترى خاطري طـاب
ولد الردي ماينحسـب وش تبابـه=والله مايحسب من حساب الأصحاب
لو كان لـه جـدان وفعـول لابـه=ماحد" يعدل بالعصا عـوج الأرقـاب
ماينفعـك لا كشـر الوقـت نابـه=كنه سهم سبكيم وإعمـار وإنسـاب
وأنصحك عن شي" عليك إجتنابـه=لاتصير بأعراض الرياجيل شـذاب
هرج القفا علـى النشامـا معابـه=هرج القفـا وإلا التنابـز بالألقـاب
يخلـي الرجـال مـالـه مهـابـه=وينزلـه مابيـن ربعـه والأجنـاب
والمجلس وأحذر لاتزيد الحكى بـه=لاصار بالمجلس من الناس شيـاب
الهرج منقود" علـى الـي هذابـه=وعيب" على الرجال لاصار كـذاب
أتبع طريق الطيـب والـي سعابـه=ولا تترك شماغك ولا تلبس الكـاب
ودرب" يجيب الريح قم سـد بابـه=مالك ورى بعض السواليف طـلاب



الشاااعر ,,,,,,ناشي الحميداني

al-3OoOoOb
24-09-2010, 09:59 PM
صح لساااانك ..


قوااااك الله ..

لاهنننت ..

ابو داحم
24-09-2010, 10:12 PM
صح لسانك كاتبهااا
اناا سمعة هذاا القصيدة واجد
من الوالد الله يحفظة وشيبان واجد
الا اذاا كنت انت الي كاتبهاا

ناشي الحميداني
25-09-2010, 02:21 AM
صحة أبدانكم جميعا على المرور العطر ةالأطراء الجميل

والقصيده يابو داحم أنا شاعرها وأتشرف ان شيبانك الله يطول بأعمارهم يحفضونها

وهذا يعطيني دافع يابعد راسي ومشكور كل الشكر يالغالي

* جمرة مطير *
25-09-2010, 02:08 PM
صح لساانك يالطيب

قصيده نصح وحكمه من الدرجه الاولى

جزله

تسلم ويسلم احسااسك على هالنص الرااقي

ياليت نشووف نصووص اكثر لك

لان هالموهبه نفخر بوجوودها بينناا

شكرا لك

محمد بن جبرين
25-09-2010, 04:09 PM
صح لسانك




قصيدة جزله وتذكرنا بالشعار الكبار خاصة اول بيت ذكرني بالمرحوم مفرح الظمني


يوم قال



ومن لا ينوش النعم بأول شبابه,,, في شيبته يحسب حساب الرواضيع





لاهنت يا ناشي

ماضي السهلي
25-09-2010, 07:04 PM
أخوي ناشي صح لسانك ترليون
رائعة بالفعل رائعة جدآ جدآ
ذكرتني قصيدتك ببيت مدري لمن
من لاينال المرجلة في شبابه عليه تصعب لاغدى عارضه شيب


صح لسانك ترليون والى الامام

أخوك:ماضي السهلي

محمد بن حلبيد
25-09-2010, 08:06 PM
صح لسانك يالحميداني

ولاهنت على الحكمه بارك الله فيك وابيات وافيهااا

وشرفتنا في منتدى الجبلان بيت الجميع واهلا وسهلا بك يالامير

تحياتي لك بود

ابو وحش المطيري
28-09-2010, 01:35 AM
صح لسانك ولاهنت قصيده جزله وافيه

تقبل مروري على متصفحك العطر

محمد الجبريني
30-09-2010, 05:02 PM
انشهد انك شاعر ياناشي الحميداني
خذا العلم مني اللي مابعده بعلوووم الشعر علم
هذا الكلام اللي اردة ان اقوله قدام كل الخلق في شت الاقطاااار
وصح الساااانك وفكرك ولك اخووي الشاعر ناشي لاهنت تفبل ودي وتقديرري

سلطان الجبلي
30-09-2010, 05:40 PM
http://www.youtube.com/watch?v=oMQas2qKiGw








ناشي الحميداني



تحية طيبة ... اخي العزيز

اهلا وسهلا بك في بيتك بيت مطير بيت الجبلان وصح لسانك على القصيدة وعلى هذة

النصائح الطيبة على امل الا تحرمنا من جديدك وتواصلك العطر دعواتي

لك بالتوفيق والصحة ...







تحياتي وتقديري

اخوكـــــــــــــــــــــــــــــــــــ

سلطان الجبلي

سعد الحميداني
01-10-2010, 02:01 AM
هلا يالله حيه

وانت في محلك والجبلان ريف الضيف وانا امون عليهم وعلى منتداهم وبيني انا وياهم ماهو اكبر من المنتدى


وشهادتي فيك مجروحه وانت مبدع بكل حالاتك

صح لسانك وعلا شانك

وتحياتي

فهد عيد الجبلي
01-10-2010, 11:08 AM
ناشي الحميداني

صح الله لسانك مليون ولا يكفون

على هذي الأبيات المليئة بالنصائح

وأبيات قمة في الأبداع وجزلة

وأبيات نالت على إعجابي

وأتمنى أن لا تحرمنا جديدك القادم

فنحن بإنتظاره وتقبل مروري المتواضع

ناشي الحميداني
04-10-2010, 04:47 PM
صحة أبداااانكم جميعا والله لايهينكم على هالاطراء الرائع واللي يشرفني والله

ودي ارد عليكم كلكم لكن ماودي أنسى أحد وأنتم كلكم غالين والله

مشكورين واحد واحد ومشكور ياسلطان العوض على تحميل القصيده يالقرم

يعلم الله انكم تنومسون وتشرفون ولا عليكم زووووود



تحيااااتي....ناااااااااشي الحميداني