المساعد الشخصي الرقمي

مشاهدة النسخة كاملة : معاناة جامعية

ماضي السهلي
27-10-2010, 10:06 PM
السلام عليكم ورحمة الله وبركاته
مسائكم خير وسعادة

حبيت تشاركوني معاناتي أيام دراستي الجامعية تعقدت من مقرر=مادة وهو مقرر الانجليزي 101نجم
حملته اربع مرات درسته عند مروان رضوان مرتين ورسبت فيه ودرسته عند ناصر المنصور
وحملته مرتين ونزلته عند الدكتور الهندي:محمد سيدي وبعد اختبار الشهر الاول كتبت هذه
القصيدة من باب المداعبة بعد خروجي من الاختبار


أبنشدك ياحظي ورى ماتجي فالنور؟=علامك عليه دايم الدوم تعمسني؟
علامك تهد الحيل وتبين المستور؟=ورى ماتنهض فوق وتقول حمسني؟
وأنا طالبك يالهندي الفاهم الدكتور=على مستوايه فكني لاتقيسني
أبي فزعتك ياراعي العلم والطبشور=ترى ذي خمس اترام والنجم حامسني
تصبحت في مروان وامسيت بالمنصور=وختام النتايج موجعه ماتونسني
ترى ابوك قبلك فالملاقا يفج نحور=وبومباي تشكي منه وتقول حايسني
وجدك ليامنه نصي ذب راس الثور=وقد قال في ذبح البقر من ينافسني
ابي فزعتك ياراعي العلم والطبشور=على مستوايه فكني لاتقيسني

وأبشركم عديت عندهـ ولله الحمد
محمد بن حلبيد
27-10-2010, 10:18 PM
هههههههههههههههههه

صح صح لسانك على القصيده بارك الله فيك

والله يوفقك ان شاءالله في دراستك

تقبل ودي قبل ردي
محمد بن جبرين
28-10-2010, 01:36 PM
ترى ابوك قبلك فالملاقا يفـج نحـور
وبومباي تشكي منه وتقـول حايسنـي
وجدك ليامنه نصـي ذب راس الثـور
وقد قال في ذبح البقر مـن ينافسنـي



ههههههههههههههههههههههههههههه





صح لسانك يا ماضي



قصيده جميله وتسعد القلب




لاهنت عليها يا الغالي
عبدالله الحيلان
28-10-2010, 02:06 PM
لله الله الله الله


:)




صح لسسسـآنك





..
فهد عيد الجبلي
28-10-2010, 02:35 PM
الله الله

صح لسااانك يا ماضي

مبدع كما عهدناك ومميز

وتقبل مروري
بنت دار زايد
28-10-2010, 10:39 PM
الله يوفقك في دراستك وتنجح في هالمااااادة