غدا اعتصــام سلمي بحضور النواب تأييدا للدكتور عبيد الوسمي...

[متابع الشعر]

،من خلقنا الله على الدنيــــــا وكنا _ وأسمنا للعز والمجد يتسامـا
لا احد يحاول يخوفنا وحـنــا _ من عيال امطير ماحنا يتامــــــا
علم اللي يوم طاح عبيــد غنا _فيه مثل عبيد واجد فالوسامـا





الـــــــدعــــــــــــوه عــــــــــــــــــامـــــــــــــــه



تزامنا مع الاحداث الاخيره وحرصــا منا على تأييد الحق ... سيقام غدا بتاريخ 12\12\2010 في كلية الحقوق في مسرح عثمان عبدالملك الساعه 2 مساءا ندوه سيقمها كلا من الدكتور\عبيد الوسمي
والنائب \ الحربش
والنائب \الطاحوس
والنائب\مسلم البراك


وسيقام في لوبي الكليه اعتصام سلمي تأييدا للحق وشجبا للظلــــــــــــم


----

[محمد بن حلبيد]

لاهنت على الدعوة بارك الله فيك

والله يوفقكم على الندوة

تحياتي لك بود

[متابع الشعر]

هلا فيك اخوي ..


تمت الندوه بحمدلله بحضور جميع النواب ولكن الدكتور عبيد لم يحضر مازال في النيابـــــــــه للتحقيق معاه واليوم سمعنا انه في المستشفى أصيب بحالة اغماء



والنائب فيصل المسلم ورانا صــــــــور وقال ان هالصور لم يتم عرضــها ربما تنشر غدا بالجرايد .ظهر فيها قواة الامن كانوا سبعه ومعاهم عصي وضربوا الدكتور عبيد والضرب كان اكثر شي على راســـــه ..

سبب ضرب عشانه قال لقوات الامن ان القانون فوق كلاب السلطـــه .. وانا لم افعل شي مخالف للقانون علما ان قانون الغاء التجمعات الغي في سنة 2008

وقالوا النواب ان لم نأخذ حقنا بيدنا ونرد اعتبارنا والا سنسائلهم جنائيا ودوليــــــــــا .. وطالبوا بأستقالة رئيس مجلس الوزراء والا سوف يستقيلون كل النواب من المجلس



اليوم التصريحات كانت جدا ناريـــــــــــه ترقبوها اليوم على قناة الرأي والوطن كاملـــــــه..



الله يشفي الدكتور عبيد .. وحسبي الله ونعم الوكيل

[بعيد الهقاوي]

متابع الشعر

وانا على خجل

راح اقول لك كلمة
بس لاتزعل ولااحد زعل
أنا أقول دكتاتورية سلطان بن فهد ولاديموقراطية الكويت <<< فيس خجول.

[* جمرة مطير *]

الدمقراطيه شي جميل

وتحتاج الى نفس طويل وحجه قويه وثقافه عاليه

الله يقويهم ويرفع من عزيمتهم

لاثبات الحق

وحفظ كرامتناا كما كناا داائما بالكويت

الله يحفظ هالديره



والف لاباس على عبيد الوسمي

وياليته ماقال كلاب السلطه

؟

[وخيذة الضحى]

ياسبحان الله0000الربع الله يصلحهم يحسبونا على عهد الدويش ياجماعه غلط والله غلط

حنا محكومين000وشيوخنا للامانه طيبين ومسايرين الجميع 00ماله داعي هالتهور وكنكم داشين هوشه بمسافط المدرسه

شالسالفه ماحولكم الا الدجه والله0000هاللحين الوسمي راح بخرايطها والخنه بيلحقه من بينفعهم000هذي دوله وسياده وحكومات

يحسبون الدعوه طنخه يعني000رحم الله امرئ عرف قدر نفسه وبعدين وين ذاك الظلم والاضطهاد اللي تمارسه الحكومه ويستدعي

كل هاللجه000انا اقول عينو خير وابلعوا العافيه ترى الفسقه قشره00والمهابد ماسر اهله0000اقعد على مجنونك لايجيك اجن منه0

[(*قمرهم كلهم*)]

ياجماعه المشكله مو بالديمقراطيه ..
المشكله اللي يبي يظهر الديمقراطيه بشكلها البشع ..
إذا فيه ديمقراطيه من باب اولى ان لاتمنع الندوات ,,
مع الأسف اخذنا من الديمقراطيه قشورها ..
وعلى فكره منع الندوات على ناس وناس ..
شوفوا الشيعه وتجمعاتهم خصوصا بهالوقت ..
وينزلون اعلان بعد ..
لهم كم يوم شغالين لطم عسى ربي يلطمهم لطمه مايقومون منها ..
ورئيس الوزراء ماهو إلا كبش فدا مثل غيره ماسك منصب ديكور وتعبئة فراغ فقــــــــط ..
لا انجاز لاتطور لاتنميه ..
عسى الله يحفظنا بحفظه ويقوم د/ عبيد بالسلامه ..
ومهما الواحد غلط او تجاوز حدوده شوي يجب ان لايعالج الغلط بغلط اكبر واعظم منه ..
نسأل الله السلامه واعتقد ان الأمر واضح وهو غض الأنظار عن الشيعه بهالوقت ..
عشان محد يعكر عليهم جوهم ..
ويلطمووووون بضمير ..
دائما يفتعلون المشاكل لحجب الأنظار عن امور اخرى ..؟؟!!
الله المستعان ..

كن بخير ..
(*قمرهم*)

[* جمرة مطير *]

كل عمرهم الشيعه يلطموون

ولاحد حارشهم

؟

الوعي اصبح كبير عند الناس

وتميز الصح من الخطا

الاشتباك الي صار كبوه

ان شالله بتعدل الوضع

بس مانبي كلام واشاعاات واقاويل

نبي نكون بحجه قويه ووعي كبير

وبالاخير الكويت لناا ونسعى تكون افضل واحلى

الله يحفظهاا

[متابع الشعر]

للأسف مايدور خلف الكواليس محد فيكم يعرفـــــــــــــه .. واقسملكم بالله ان ابناء القبائل مستهدفين من قبل محمود حيدر وربعه ومدعوم من قبل رئيس مجلس الوزراء


شوفوا هالمقطع وشوفوا اشلون كانوا قاصدين عبيد وتالينه من بين الجموع عشان قال لهم كلمة حق ان وزير الداخليه وغيره مايقدر يتكلم بالنيابه عن الامير اذا ماصدر اذن من الديوان الاميري الرجال ماقال الا الحق رجل قانوني وهاضم القانون هضم لكن للأسف كان يخاطب خمه ولاعندهم حتى شهايد متوسطه .. اذا قانون الاجتماعات ملغي سنة 2008 على اي اساس تهينونهم في اجتماعاتهم ؟!! ومن متى صار ممنوع الاجتماعات؟؟؟ وليش الحسينيه وتجماعتهم مايمنعونها ؟؟؟؟ ولا ابوي مايقدر الا على امي ؟؟؟ ووين قواة الامن من الايراينه ا اللي يحرضون ويفتنون واللي يرفعون اعلام حزب الله في الحرس الوطني ؟؟؟؟ وواللي كل يوم يدزون بلاغ كاذب على الداخليه ان فيه متفجرات لأثارة الربكه في المجتمع ؟؟؟ واللي اغتالوا الشيخ جابر؟؟؟ واللي راحوا وسوو تأبين لعماد مغنيه ؟؟؟ اشلوووون يخلون محمود حيدر الايراني يتدخل في شئون الدوله ويقترح على رئيس مجلس الوزراء اختار الوزير الفلاني ولاتختار الفلاني ؟؟؟ من يكون عشان ياخذون رايه ؟؟؟؟ وليش شيوخنا مايعتبرون من ماحدث للدوله العباسييه اللي سقطت بسبب وزير الخليفه ذو الاصل الفارسي ابن العلقم اللي اتفق مع المغول في اسقاط الدوله العباسيه ؟؟؟؟؟؟ للأسف هم يبون يقوون شوكتهم ويضعفون شوكة ابناء القبايل ؟؟؟؟؟؟؟؟ ..للاسف

شوفوا الفيديوا واحكموا اشلون كان هالانسان مستهدف واعتقل من قبل هالمره من زمان عشان قال كلمة حق




http://www.youtube.com/watch?v=YrmYjIYU5Ok&feature=sub

[متابع الشعر]

اقــــــــول مثل ماقال مسلم البراك وكل النواب في ندوتهم اليوم .......... اما ان يستقيل رئيس مجلس الوزراء ويقدم اعتذاره والا والله وثم والله لاناخذ حق عبيد وغيره بالمسائله جنائيا ودوليــــــــــــا


..

[متابع الشعر]

http://www.youtube.com/watch?v=xKkP7Cv3xQY&feature=related





هذا الكلام اللي بسببه انضرب ... مع ان كلامه قانوني 100% وراح يرفع دعوه وراح يكسبها واتحدى واحد يقول كلامه غير قانوني ..

[متابع الشعر]

طبعا هذا المقطع يبين كذب قواة الامـــــــــــن .. وواضح ان هم من بدأوا بالاستفزاز وهم من بدأوا بمخالفه القانون




http://www.youtube.com/watch?v=yqfsvDZVMGM&feature=related

[* جمرة مطير *]

احترم الدكتور عبيد الوسمي

ويكفي علمه بالدستور

وهذا مايجعله مستهدف

متابع شكرا على هالايضااح

وجعل الصوره واضحه للجميع

حتى لاياتي كل شخص ويتكلم وهو ليس بدراايه بما يحدث

لنا حق والدستور يكفل هذا الحق

وبنفس الوقت لانريد ان نكون مندفعين ونخطا اخطااء تمسك علينا

التاني والهدووء

والله يحفظ الكويت

[متابع الشعر]

طبعا الحكومه منعت الندوه في كلية الحقوق لكن تحت اصرارنا واصرار النواب اقمناها بالساحه .. الي متى ياحكومه سياسة تكميم الافواه ؟؟؟؟؟؟؟؟؟؟؟؟!!!!!!!!!!!!!!!!!!!






http://www.youtube.com/watch?v=mPjmC8oTJbw

[متابع الشعر]

هذي الندوه اللي صارت في كلية الحقوق كامله





http://www.youtube.com/watch?v=K4dQ02euuhM

[بعيد الهقاوي]

متابع الشعر ترى انت مراسلنا
ومانستغني عنك
لك احلى تقييم على جهودك الطيبة
وانت منا وفينا ولك مكانة خاصة

لاتخلينا
تواصل معنا ترى مالنا غناة عن وجودك وتفاعلك ونشاطك .
الله يعافيك ويبارك فيك.