محمد بن جبرين
12-01-2011, 03:12 AM
صباح الخير
بداية جديده لا أكثر
ما تنفس قصيدي.. غير نسمة عبير
من ورود الخواطر.. هاجسي شمًها
وإن سرت بي ليالي في خطاة تحير
شفت سمح المحيا.. ساح في دمًها
يا سؤالي تركتك.. وإن تركتك شيصير
الإجابه مسافر.... غربته ضمًها
التشابه ما بين الجفن وعين الغدير
الكرم بين الأشيا... بالشبه لمًها
من ملك كل ذاته.. لو فراشه حصير
ما يهمه قرون الهم أو جمًها
الأحاسيس شايب ذاق جور الهجير
رجفة البرد تطغي لا نطق ذمًها
ليت منهو عيونه صوب همه ضرير
ياخذ الشوف اللي محتوي همًها
أعرف إن صوت هالما لا تهامس خرير
بس وش لحن دمعي لا عزف غمًها
ذكرياتك بحرها.. موجها بي يغير
كل ما قلت انا أقوى جيت في كمًها
لو درى من هجرني مال حزني جفير
كان تبكي شجونه.. لين هو زمًها
ليت لي قلب ثاني عن زمانك يجير
شوف جرد الصحاري إنكسر صمًها
المشاعر تخاوت.. يم بدر منير
لا تنادت لنوره... ما إلتفت يمًها
من ذكر منك لحظه عاش واقع مرير
كلمتي في غيابك... يشتكي فمًها
لو لقلب المقفي بالمحبه ضمير
ما تجرًع قصيد الشوق من سمًها
تحتري الشمس دربك يا غروب المسير
طفلة الليل نجمه... والقمر عمها
بداية جديده لا أكثر
ما تنفس قصيدي.. غير نسمة عبير
من ورود الخواطر.. هاجسي شمًها
وإن سرت بي ليالي في خطاة تحير
شفت سمح المحيا.. ساح في دمًها
يا سؤالي تركتك.. وإن تركتك شيصير
الإجابه مسافر.... غربته ضمًها
التشابه ما بين الجفن وعين الغدير
الكرم بين الأشيا... بالشبه لمًها
من ملك كل ذاته.. لو فراشه حصير
ما يهمه قرون الهم أو جمًها
الأحاسيس شايب ذاق جور الهجير
رجفة البرد تطغي لا نطق ذمًها
ليت منهو عيونه صوب همه ضرير
ياخذ الشوف اللي محتوي همًها
أعرف إن صوت هالما لا تهامس خرير
بس وش لحن دمعي لا عزف غمًها
ذكرياتك بحرها.. موجها بي يغير
كل ما قلت انا أقوى جيت في كمًها
لو درى من هجرني مال حزني جفير
كان تبكي شجونه.. لين هو زمًها
ليت لي قلب ثاني عن زمانك يجير
شوف جرد الصحاري إنكسر صمًها
المشاعر تخاوت.. يم بدر منير
لا تنادت لنوره... ما إلتفت يمًها
من ذكر منك لحظه عاش واقع مرير
كلمتي في غيابك... يشتكي فمًها
لو لقلب المقفي بالمحبه ضمير
ما تجرًع قصيد الشوق من سمًها
تحتري الشمس دربك يا غروب المسير
طفلة الليل نجمه... والقمر عمها