جت جت تهادى...............؟؟

[* جمرة مطير *]

.




أغنية زفة بنت الهوى (http://www.sm3na.com/song23707.html)







http://www.aljblan.net/upp//uploads/images/aljblane79b7e9a17.gif






أقبلت بنت الهوى مثل البشاره
في طرف ليل جلب نوره بثرها
.
كل نجم من ضياها شب ناره
لا سهر معنا القمر ليلة سهرها
.
عطرها زف الخبر قبل انتشاره
وفلة أحجاج المساء طلعة قمرها
.
دربي أمسه فرحته ليلة نهاره
تنشد أغيوم النواظر عن نظرها
.
ما سمح طرفي لحمله بانحداره
كل عبره لأول الفرقة غفرها
.
فرحت اكبر منتصر وقت انتصاره
طلة الوجه الطفولي تختصرها
.
جاد من تشريفها طال انتظاره
فكري وعيني وخفاقي ديرها
.
جت جت تهادى تاره وتختال تاره
والدلال اذنوب والعشق يغفرها
.
جت تبي من الشمس لا يديها سوارة
ومن نجوم الليل عقد في نحرها
.
جت لسان اغرورها ينشد عباره
هي درت تسع الكواكب عن خبرها
.
جت ملاكن كلها عشق وطهاره
جت عنودن بلفة الراس تعسرها
.
حفلة ايدي مصافحتها في حراره
وعيدها لا جات تسبع في شعرها
.
بنت (( بدو )) دللوها في الحضاره
سالفة عربانها من اول شهرها
.
كم طلب يدها ولا ظن و خساره
طيب يزداد في رفضه فخرها
.
لين روح تفرك ايدينه يساره
منوته لو هو ولد عم وهجرها
.
ما تبي الا عصمت اللي باختياره
ساق شبكتها الغلا وقلبه مهرها
.
وش عليه إن سولفت عنه بغزاره
بين غيد صانها الرب وسترها
.
وش عليه إن خاطت الجرح بمهاره
اذكر انه بيوم ميلاده شكرها
.
كنت الم الشوق ويزيد انتثاره
كنت اسولف واحسب اني منتظرها
.
ما كهرتك يالصبر لولا المراره
ما عرفتك يالضما لولا ثغرها
.
ما حملتك يالهوا لولا الشطاره
ما عشقتك يالغرق لولا نظرها
.
قلت اببحر والغلا اسباب الجساره
واحرجتني خرسن اغرقني بحرها
.
دونها جفن يغير بدون غاره
ما سلمت من السيوف اللي شهره
.
ليتها تاخذ وفاء شيخ الزياره
كم لفاني ماخذن منها صورها
.
بح صوت الوجد ما خلصت ثاره
وسبحة أشواقي نثرها اللي نثرها
.
يوم جاء للبان وقف واستداره
راحت أتجر اسود الليل بسفرها
.
ودعت درب توعد به سماره
وغض خفاقي مع غضة بصرها
.
ما عذرنا خاطري وقت انكساره
عذرنا من اللي سرى معها عذرها



؟

[محمد بن جبرين]

كم هي رائعه ذائقتج يا جمره



صح لسان شاعرها ولاهنتي على نقلها

[* جمرة مطير *]

هلا والله نبض

هالقصيده للشاعر ناايف القحطاني وهي زفه عرووس

انا حاطه رابط القااءه للقصيده

الظاهر مافتح

هذا رابط اخر

http://www.sm3na.com/song23707.html



نبض اخر شي تعليقك على الصوره وهي الموضوع كله

هههههههههه

هذي بنت اخوي ناجحه بالصف السابع

وجاب لها ابوها هالاساور ذهب بس ذوق هندي

^ _ ^

وياحلوها من جابها ابوها لابستهاا الله يخليه لها ولي يارب

ونورتيني

[* جمرة مطير *]

الذوق مرورك يامحمد

الف شكر لك

ونورتني

[محمد بن حلبيد]

شكرا على الاخيار الجميل

صح لسان شاعرها

تحياتي لك بود

[* جمرة مطير *]

هلابك الف اخوي محمد

نورتني

[الشعلي]

ماشاء الله تصوير ممتاز .. لكن الي خرب عليه تعديل الفوتو ..

ومبروك النجاح لبنت أخوج ..

[* جمرة مطير *]

هلا الشعلي

شكراا لانك انتبهت ان الموضوع للصوره مو للشعر

^ _ ^

انا ادري بالغت بالتعديل

لكن توني عليميه يبيلي وقت

شكراا لك

[* جمرة مطير *]

هلابك الف خيال

نورتني

والله يبارك فيك الفاال لعيالك يارب

[الغفيلي الصغير]

مبدعه يا جمره
وصوره حلو هوالقصيده بعد
ولاهنتي تقبلي مروري


اخوك الغفيلي الصغير