أبومحمد
15-01-2008, 02:23 PM
(( ديوان امير الشعر الغزلي محسن الهزاني ))
لايذكر الغزل في الشعر النبطي الاويبايع محسن الهزاني اميراً له وعميداً لشعرائه الكثر
ولايذكر العشاق في العصور المتأخره الاويذكر (محسن وقوت) كمثال لقصه لايعرف من تفاصيلها سوى مايذكره محسن في شعره
ولايذكرالتجديد في الشعر الاويذكر الهزاني رائداً له حيث نسبت له العديد من المبتكرات ،وان لم تكن خالصة التسجيل باسمه كما أرى الاانه كان باختصار شاعراً مطوراً على صعيدي الشكل والمضمون ومبدعاً في كليهما وبه بدأعصر القصيده النبطيه الحديثه ذات الهويه المستقله والخصوصيه الفنيه الواضحه وانتهي عصر القصيده الهلاليه الساكنه على ضفاف القصيده الجاهليه وتحت ضلالها .
نسبه:
اسرة الهزازنه من اقدم الاسر التي ظهر اسمها من قبيلة عنزه اذ يذكرها ابن حزم الاندلسي في القرن الرابع للهجره ذاكراً نسبتهم الى عنزه
فيقول:(هم بنو هزان بن صباح بن عتيك بن اسلم بن يذكر بن عنزه بن اسدبن ربيعه بن نزار، وفيهم يقول الاعشى مخاطباً امرأته:
لقد كان في فتيان قومك منكح ^^^ وفتيان هزان الطوال الغرانقه
وقال السمعاني (منهم ابوروق احمد بن محمد بن بكر الهزاني .... حدث هو وابوه وروى عنه جماعه.
اما في العصور المتأخره فأن الهزازنه يعدون من البدور من الجلاس من عنزه القبيله التي تعود معظم عشائرها الى وائل من ربيعه ، وقد سكنوا الحريق ونعام من قرى الوشم غربي نجد سنة 1040 هــ بعد ان اخذوها من القواوده من سبيع ، وبني الحريق رشيد بن مسعود بن سعد بن سعيدان بن فاضل الهزاني الجلاسي الوائلي ،
وتداول البلده من بعد ذريه ولد حمد بن رشيد .
ومن احداث الهزازنه في الزمن المقارب لعصر شاعرنا محسن بن عثمان الهزاني نشهد مقتل حاكم الحريق حمد بن عثمان الهزاني سنة 1165 هــ
ولااظنه اخي الشاعر للفارق الزمني الزمني النسبي بينهما ، وتذكر مراجع التاريخ حاكم الحريق ونعام سنة 1188 هــ ويدعى محمد بن رشيد الهزاني والحاكم
سنة 1233 هــ تركي بن عبدالله الهزاني ، والحاكم سنة 1254 هــ
سعد بن تركي الهزاني
مولده :
رغم ان معظم المصادر تجمع على ان محسن الهزاني ولد في النصف الثاني من القرن الثاني عشر الاان اياً منها لم يستطع تحديد سنة مولده ولوبالتقريب الااننا اذا عرفنا انه توفي سنة 1240 هـ (أو1248 هـ) في قول آخر
وانه كتب قصائد التوبه في شيخوخته كما يذكر الحاتم فأننا نستطيع القول بأنه مامات حتى تجاوز السبعين وبالتالي فهو ترجيحاً من مواليد العقد الواقع بين (1160ـ1170هـ)
وشعر الهزاني وان كا ن يحفل بقصص المغامرات الحسيه والتجاوز للحدود والاعراف
الاخلاقيه والدينيه في بعضه الاان قصه رويت عن رجل غريب صلى في مسجد الحريق تؤكد عكس ذلك
حيث رأى ذلك الغريب رجلاً يتهجد بالدعاء باكياً فعرف انه محسن الهزاني وسأله:(الست الذي تقول كذا وكذا ؟) فردمحسن : (يعلم الله انني لم افعل مماقلت شيئا يسألني الله عنه . انما هو من وحي الخيال والشعراء (( يقولون مالايفعلون ))
شاعريته :
يعد الهزاني من شعراء الطبقه الاولى في تاريخ الشعر النبطي ، ومن يقرأ ديوانه لابد وانه سيلاحظ ملامح معينه في شعره
أ- نرجسيه العاشق لديه بحيث انه الطرف الاقوى في علاقات الحب ، وهو الذي تصله رسائل الشوق وليس العكس كما تعودنا في الشعر عموماً.
ب- يركز محسن على الصفات الحسيه في محبوبته ومفاتنها الجسديه كما ان الوصال لديه ليس عذرياً في الغالب كما نلاحظ الاأن قدرته الشعريه تستطيع التمويه جيداً بحيث لاتأتي الاباحيه فجة اوصريحه
ج- لايكتفي محسن بمحبوبه واحده في القصيده الافيما يتعلق بقوت التي ذكرت بمفردها احياناً ، ولكنه يركز في عدد من القصائد على محبوبتين في آن واحد ، الاولى حضريه من اهل بلدته ولعلها ((قوت)) والثانيه بدويه تأتي احياناً مع قومها ثم ترحل معهم .
بل انه في احدى القصائد يتحدث عن وصال مع خمس فتيات دفعه واحده ثم يختارمحبوبته من بينهن ، وهنا تترائ في الظلال صورة (((امرؤالقيس)))
يوم (دارة جلجل) ومغامرته مع عنيزه وصويحباتها ،
بدليل تظمينه لشطر ((جلمودصخرحطه السيل من عل)) في مرثيته لرعوجي
د- يكثر الهزاني في قصائده من الاسناد الى شعراء اخرين وتبادل القصائد معهم ممايدل على امتداد حياته وتنوع علاقاته وشهرته بين ابناء عصره من الشعراء .
وفاته: حسبما جاء في مخطوطة ((( شذى الند في تاريخ نجد )) لمطلق صالح المطلق فأن الهزاني توفي سنة 1240هـ بينما يؤخر السويداء وهو كاتب معاصر هذا التاريخ الى سنة 1248هـ ولا التاريخين معقولين
وان كنت افضل التاريخ الاول لان محمد بن لعبون المتوفي سنة 1246هـ ذكر الهزاني بصيغة الماضي السابق.
بروق تلالا
(18بيتاً على بحر المسحوب)
يالله بـنــو مدلـهـم الخـيـالا =طافح ربابه مثل شرد المها الـزرق
لي جا على البكريـن بنـي الحـلالا =ولى عاد لايفصل رعدها عن البـرق
يسقى غروس عقب ماهـي همـالا =حط الحريق ديار الاجواد له طـرق
اسقـى نعـام ثـم يمـلا الهـيـالا =يصبح حمامه ساجع يلعـب الـورق
جريت اناصـوت الهـوى باحتمـالا =في وسط بستان سقاه اربـع فـرق
طبيـت مـع فـرع جديـد الحبـالا =وضهرت مع فرع تناحت بي الـورق
روشن(هيا)لـه فرجتينـن شـمـالا =باب مع القبله وبـاب مـع الشـرق
ومبسم(هيا)لـه بضـلام اشتـعـالا =بين البروق وبين مبسم هيـا فـرق
ياشبه صفراً طـار عنهـا الجـلالا =طويلة السمحوق تنزح عن الـورق
له ريقً احلى مـن حليـب الجـزالا =واحلى من السكر الى جا من الشرق
حنيـت اناحنـة هزيـل الجـمـالا =ينقض روي الخيل قد مسـه الفـرق
وياقلتـه فـي عاليـات الجـبـالا =ماها قراح ميرمـن دونهـا غـرق
ماعـاد لصبيـان فيهـا احتـمـالا =من كود فرقاها يديهـم لهـا طـرق
قالو تتوب مـن الهـوى قلـت لالا =الاان تتوب رماح علوى من الـزرق
قالوا:تتوب مـن الهـوى قلـت:لالا الاان يتوبون الحناشل عن السـرق
قالوا:تتوب مـن الهـوى قلـت:لالا =الاان تتوب الشمس عن مطلع الشرق
اخـذت منـهـا حبتـيـنً تـتـالا =يوم ان نسناس الهوا تطرقه طـرق
ســحــاب الخيـــــر
(44 بيتاً على بحر المسحوب).
قالها محسن في رثاء محبوبته (قوت)
سرياسحاب الخير وامطر بالاحسان =وامطر من الكوثر صباحً وعصري
منشاك من طيبه بروحً وريحان =برد النسيم مذعذع باالشمطري
بامر الذي ان قال للشي كن ، كان =هطال يحيى من نما كل بذري
يصبح نعيم النبت مختلف الالوان =مشعشعً نوره بالاثمار خضري
مقام من له بلحشا روض نعمان =قطف رواعيها رقاب البختري
غرو زرع بموجل القلب بستان =نوابع اشجاره بالايغام خضري
من يوم قالوا شيل من بين الاضعان =وعنانتي من صوب لحدٍ وقبري
فقت ظعونه صوب معمول الاركان =عقب الموده ليس يرعى لصبري
ليت القبر عن شوق ذا القلب نيبان =ويش الذي بمورد الخد يمري
ياقبر ماتنباج ننظر بالاعيان =صفوة هل الدنيا بحسن نظري
ياقبر هذا يشبه لحور الاعيان =غروٍ نزل يحكم به الموت سكري
ياقبر هذا سيد غضٌات الابدان =هايف ومهضومٍ لوسطٍ وخضري
ياقبر هذا نور عيني بالاوطان =قرٌة عيوني بين بدوِ وحضري
ياقبر هذا مدة شهور وازمان =عليه دمع العين بالليل نثري
حطُوه في أظلم لحودٍ وغيران =بلحلٌ يامن له مع الحور قصري
قصرٍ فسيحٍ بين طوبى وعدنان =في جنة الفردوس وانهار تجري
ياموت ماتاخذ عن الشوق الاثمان =بحكم بكل شيًٌ وانا منك بشري
اعطيك بغدادٍ مع ملك سبهان =خزاين الشامين مع ملك مصري
وبنادر الشاهات والهند وعمان =والبصرة الفيحا مع ملك هجري
مع كل مايجنون حضرٍ وبدوان =اسوقهم باللي كما خدٌ عفري
ياورق ماتبدع غريبات الافنان =باح العزا حيثك بشكواي تدري
عذري ولوجاوبت ورق بالالحان =لونحت نوح الورق وا كبر عذري
كم عاقلٍ قلبه من العقل مليان =فاجاه من عقب السكات التهذري
يالايمي صابك من البين ما بان =تاتيك غارتٍ على غير تدري
دنياك ماتصفي لحيًٌ بالاحسان =الاان سقته من الشري والسقطري
قبل نبيً الله بنى بيت الاحزان =وبكى على يوسف والفُراق عسري
ياعين هلي دمعتك فوق الاوجان =مثل المطر ينهل من فوق حجري
وابكي حبيب الدمع من موق الاعيان =تزفير عبراتٍ تلاحب بصدري
هيهات لي هيهات مما تبلاٌن =طال الفراق وزاد بالبعد هجري
ماظنتي القى عشيري ويلقان =الابيومٍ شاخصٍ فيه بصري
عليه وجدي وجد من راح بسفان =بوسط البحرشحٌت من الموت خطري
واشرف عليه الموج من كلٌ الاركان =حاديه عاصوفٍ من الريح نهري
او وجد من له قدر عايض مربعان =جاه الطبيب وقال مافيد نصري
ايٌس وقال اللي كتب بلقلم كان =وماكان مكتوبٍ على العبد يجري
وعجٌل عليه الموت للروح ديان =كم واحدٍ في الناس فاجاه عذري
ياربنا مامن .. من الموت جزعان =والموت مكتوبٍ على العبد يجري
والموت لارواح المخاليق ديٌان =مايندفع من بعدعسرٍ ويسري
غارت خيول الموت ركضٍ بلارسان =والعبد منها غافلٍ ليس يدري
لكنٌ غض الطرف سحٌاب الاردان =لواحتمل عند امتناعٍ وصبري
الى ذكرت انٌه بملفوف الاكفان =خذه عني الموت غصبٍ وقسري
ياليت ملك الموت من حين فاجان =مضى بنا وياه عبرٍ بعبري
ماابغى حياةٍ عقب مريوش الاعيان =وزهدت في دنياي لوطال عمري
عسى تجي روحي وروحه بيمنان =يوم القيامه يوم حشرٍ ونشري
صلاة ربي لنبي سيد عدنان =عد الرياح ومالعى ورق قمري
(19بيتاًعلى بحر المسحوب)
من ناظري دمعي على الخد مسكوب =ومن الحوادث شاب راسي وانا شاب
لالذ لي زادً ولاحلو مشروب =ولالموق العين طاب الكرى طاب
لاشك مايجري على العبد مكتوب =طول الزمان وكل شيً له اسباب
وانا سبب قتلي ضحى شفت رعبوب =يضحك ويومي لي وهو من ورا الباب
من قبل شوفي له وانا كان اباتوب =ومتٌركٍ عني هوى تلع الارقاب
هايف حشا عنقه كما الشاخ مسلوب =والردف عزاٌلٍ لوسطه وجذاب
ومبيسمٍ كنٌ العسل فيه مذيوب =ان ذاق سلساله ضجيع الهوى طاب
والعين خرسا كنها عين يشبوب =وجدايلٍ من فوق الامتان سكاب
طرشت انا لمورد الخد مندوب =يقول لي مرسول معسول الانياب:
ترى خليلك قال لي قل لمحبوب =عينه تباري للقمر خامسه غاب
وانسبت له في جنح ليلٍ ولاهوب =عيب الى خل على خله انساب
لولا الحيا نطيت من راس مشذوب =وانوح نوح الورق واجيب ماجاب
وقطفت ورد فيه بالناز مكتوب =كالأس ياسي له لمن كان طلاب
وخلي سقاني كاس وصله على الدوب =وبنيت له في مسجد القلب محراب
قولي انا من عقب مادار دالوب =وصرف النيا وافق بتفريق الاحباب
لاحزن يعقوب ولاصبر ايوب =حزني ولاصبري على تلع الارقاب
ياالله يامولاي ياخير مطلوب =ياللي الى ماساله العبد ماخاب
تجعل موازين المحبه على الدوب =بيني وبين مورد الخد بالباب
ختمي صلاتي عد ماسار مندوب =يمشي بعقد الصلح مابين الاحباب
(38بيتاً على بحر المسحوب المروبع)
رواها:الحاتم
ياخرداتً ناطحني ضحى العيد =ماهن عن غزلان الافلاج ببعيد
من هن ؟ قال مورد الخد والجيد =اشتر جمال اليوسفي قلت انا : بيش
قالت تكلم قلت بالروح والحال =وبكل ماتملك يميني من المال
وبكل مايرضيك ياطيب الفال =تبيع ياصافي البها قال لي بيش ؟
ومنهن قال مورد الخد ياشيت =دش الغرام وسر معانا الى البيت
فاستانست روحي للاحباب واشفيت =باغي مواصل لابسات البرابيش
قالت لداياتً لها من ورا الباب =هو ذا المولع في هوى تلع الارقاب؟
قالن نعم ياسيد غضات الاشباب =واقفيت قالو ياصبي قلت انا ويش ؟
قالو تعال ان كنت للزين طالب =اشتر قماشً ماجلب بالمجالب ؟
تراك ياشاريه بالفين غالب =مدلول معسول اللمى سايح الريش
اقفى وشديت الشبك والعشارق =شفقً على لاما الخليل المفارق
يقول لي سلطان خن المفارق =خل الشبك واقضب متان العكاريش
شديت مقذوله وهزيت ريشه =وكشفت عن صافي الجبين الكريشه
يوم التقت فرسان جيشي وجيشه =راحت على جيشه تغني شوابيش
قلت المواصل قال مافي يدي حيل =مماتبي وامهل علينا الى الليل
قلت الرهانه قال دوك المفاتيل =الطوك والمفرك ولياك تطريش
وقفت عنده ساعة قال اساليك =باللي عن اسباب المنايا يعديك
من مولع به قلت انا مولع فيك =اغضى ولجلج بالعيون المداهيش
عفرت به في ماقفه قال لياك =تفضح محب عقب مافرح بلقاك
قلت ان قصدي رشفة من ثناياك =والحروه ان عاد من الغير مابيش
مرسول قل له من محب جوابه =ولايسمعك من كان جرح الهوى به
فانه اذا ماسد للواش بابه =ثم انشده ياطارشي هو يمنيش
اعفر متركا عنه ماني ب سالي =ريقه كما در الحليب العسالي
حلفت مايمشي على اخذ الرجالي =احب واغلى منك يابوعكاريش
اعفر متركا زارني في مقيلي =متغطرفً كنه ظبي السليلي
ياغص تفاح بحمله يميلي =فتشت في ذا القلب بيديك تفتيش
اعفر متركا هسته في ذراعه =فوق الردوف مجدله فرق باعه
واسعد ابومن عانقه كل ساعه =يشرب من الغر الثنايا المباهيش
اعفر متركا زارنا ثم شفناه =كن القمر متشعشع من محياه
ريقه عسل بين الشفايا رشفناه =درب علينا والردى فيه توحيش
حيلته يعفر خاتمه في مداسه =واثر انقطع رمانة من لباسه
يازارع زرع الحشا ثم داسه =هب الولام لناقضات العكاريش
الله يلوم اللي يلوم المحبين =خص ً الى من كانهم مستشبين
ولاهم من طرق السفاهه مغبين =واوراحهم راحت دقاقً دقاريش
هنيهم عقب الفراق ان تلاقو =من سلسبيل ارياقهم قد تساقو
فالى ارجهنو عقب خمر وفاقوا =فحب ف تلميس بالايدي وتفتيش
هلت دموعي ثم زاد انزعاجه =شفق على طفل المها بالمواجه
واقفن عني ماتقضيت حاجه =والهقوه اني عقب الاطفال مااعيش
(9 ابيات على بحر المسحوب)
رواها:الحاتم
بيني وبين صويحبي وقفة احوال =يامن يدير الصلح بينه وبيني
اعطيه ماتملك يميني من المال =واجعل مقرة بين جفني وعيني
ياليلة بتناه في شهر شوال =بتنا ولاشٍ حال بينه وبيني
الابريم الريش والطوق وهلال =ونويهداتٍ كنها الفرقديني
فالى تنبه مغزل العين لي قال =من ذا حضينه قلت هذا حضيني
لي شدوا العربان فوق اوضحٍ شال =افج مابين المراجل ظعيني
يرعى بسبعمايه وسبعين خيال =حامينها بمذلقٌات العريني
مرباعها مابين ابانات والخال =ناحين عنه الدوسري والحسيني
ماهم بنجع جمٌاعة المال =علوى هل الردات ياشيب عيني
(56بيتاً على بحر الهلالي )
غناالنفس معروف بتـرك المطامـع =وليـس لمـن لايجمـع الله جامـع
ولامانـع لمايعـطـي الله حـاسـد =ولاصاحـبٍ يعطيـك والله مـانـع
وللفتى ارجا مـن الديـن والتقـى =وحلم عن المجرم وحسن التواضـع
وصبر على الفايت ولو راس ماغلا =فما فات من الافات ماهـو براجـع
فهل تدفع البلوى وهل تمنع القضـا =فمـا للـذي ياتـي مـن الله دافـع
الى عدت ماتدفـع بـالاوزا مهمـه =ولايرتجي ياصـاح منـك المنافـع
سوا أن عشت دنياك اومـت واحـد =ولاانـت فـي غـدٍ لأحـدٍ بشافـع
لاتبـدي اسـرارك لغيـرك فربمـا =يلومك مـن لافيـه مافيـك رامـع
ولاعـزٌ الافـي لقـا كـل متـعـب =بسمر القنـا والمرهفـات القواطـع
دع الناس من لايبتـدي منـك رقـه =وماالناس الاٌ مـن حسـود وشانـع
واحذرك عن درب الردى لاتبي الردى =فتصبح طريـح بيـن واش وشافـع
تشمت عليك عداك في كـل مجلـس =وكن عاقل واتـرك كثيـر المطامـع
فكم واحد يمدحك في حـد حضـره =وهو ربما في عرضك ان غبت راتع
يرميـك بلبهتـان والـزور واحـد =من العقل جيعانٌ ومن الجهل شابـع
ياشيت مالـي حيلـة غيـر اننـي =على شاطي الجرعا امـام الخـراوع
اكفكف دمـوع آلـم الكـف كفهـا =لها بين ملقا صحـن خـدي تتابـع
فقلت لركـب شـدوا اكـوار كنـس =عجا بالبرا ياركب روس الجراشـع
اقيفوا كزج الحبـر ياركـب ساعـة =علـى الطلـل البالـي لعلـي اوادع
رسومٍ لسلمى آنس البـوم ربعهـا =وامست خلاف الأنـس قفـرٍ بلاقـع
بها هام قلبي واستمالـت صبابتـي =وغصن الرجا مني له الياس هـازع
فـلمن احق العـرف منـي منـازل =اشارت بتسليمـي اليـه الاصابـع
منازل لمن له في حجا الروح منزل =وفي كل وادي من فـؤادي مواضـع
خليلى قم لي في دجا الليـل بعدمـا =جفا النوم عيني والبرايـا هواجـع
ودارت دواليب الهواجيس خاطـري =ومليت من حلوى لذيـذ المضاجـع
فلا الوجد معدوم ولاالصبـر موجـد =ولاالهم عن وادي فـؤادي بـناجـع
سل الله بالانفال والحـج والضحـى =وباللي الـى احيـاه نلقـاه شافـع
خلاف الجفا والهجر والياس والرجا =بالاقدار يسقـي دار وادي المجامـع
سبعـة اسابيـع علـى دور ثامـن =بنجم الثريـا ثـم بالصـرف تابـع
بنو عريض خالـي اللـون مظلـم =منه الفرج يرجي الى شيـف طالـع
لكن ربابه حيـن ماينثـر السـدى =جنح الدجا ريـلان صـم المسامـع
نهـاره كمـا ليـل بهيـم وليـلـه =نهار من ايضاح البـروق اللوامـع
الى ماغشى وقت العشا بعدما نشـا =صبا له من المشرق نسيم الذعـاذع
حبـذا الـى هـذا وهـذا رفـا لـذا =وهـذا لهـذا بالمـوازيـن تـابـع
وزلزل وعـزل بـه ربـاب ونـزل =بسجر وزجر مثل ضـرب المدافـع
وخيم كما الحنـدس وغيـم وديـم =الى حيث مايبقى بالاوطان جاضـع
وصكبت وسكب ثم بالغيـث ركـب =وغطلس توطا من الوطا والمرافـع
وثار غبار الارض من ضرب ودقـه =وضجت منـه الجازيـات الرواتتـع
وسط الغثا شروي لنا بيش عنصـل =على كل جزعٍ فوقه السيـل جـارع
سقى البطن والبطنان والعرض بعدما =من الوبل تخضر الغصون الرعـارع
بسيح وتسكاب الـر حيـث مايشـا =يجي اتلحول والما في خباريه ناقـع
لنا ديرة من حل فـي ربعهـا امـن =ولابات في قلبه من الخـوف رامـع
جنوبيهـا بـرك وشمـال يحدهـا =نسـاح لهـا وادي بريـك مـزارع
الى ماانقضى النيروز فيها وخوضت =مطافيل غزلان المهـا كـل خايـع
سقاها الحيا فـي ليلـة بعـد ليلـه =من المزن هتـان حقـوق الروامـع
ديرة شيـوخ مـن عرانيـن وايـل =لهـا باللقـا يـوم الملاقـا وقايـع
كم واحدٍ تخشى الخماسيـن باسـه =جعلنـاه قـوت للنسـور الهلايـع
باموالنا نشري من الحمـد ماغـلا =وبارواحنـا يـوم التلاقـي نبايـع
وبالمـن مانتبـع عطانـا ولابعـد =على الغيظ قلنا ذا به البـر ضايـع
ذا قول من لاهو بـراعـي سفاهـه =ولاداس يـومٍ لابسـات المقـانـع
فـيانفسي ريحي واطمئنـي جـلاده =وكل ابن انثى من لظا الموت جارع
من الله مرتهـبٍ الـى الله راغـب =وبالله معتصـمٍ والـى الله راجــع
فـيالله ياعـلام الاسـرار والعلـن =ياللي لنا في ماقف الحشـر جامـع
يغني عن الأدنى والاقصى مدى البقا =وانت الذي لنـاس ترفـع وتاضـع
عن عازةٍ تقتادني صـوب مبغـض =وعـن ماينازعنـي رفيـق منـازع
اتمني بأني قدمت شي
لايذكر الغزل في الشعر النبطي الاويبايع محسن الهزاني اميراً له وعميداً لشعرائه الكثر
ولايذكر العشاق في العصور المتأخره الاويذكر (محسن وقوت) كمثال لقصه لايعرف من تفاصيلها سوى مايذكره محسن في شعره
ولايذكرالتجديد في الشعر الاويذكر الهزاني رائداً له حيث نسبت له العديد من المبتكرات ،وان لم تكن خالصة التسجيل باسمه كما أرى الاانه كان باختصار شاعراً مطوراً على صعيدي الشكل والمضمون ومبدعاً في كليهما وبه بدأعصر القصيده النبطيه الحديثه ذات الهويه المستقله والخصوصيه الفنيه الواضحه وانتهي عصر القصيده الهلاليه الساكنه على ضفاف القصيده الجاهليه وتحت ضلالها .
نسبه:
اسرة الهزازنه من اقدم الاسر التي ظهر اسمها من قبيلة عنزه اذ يذكرها ابن حزم الاندلسي في القرن الرابع للهجره ذاكراً نسبتهم الى عنزه
فيقول:(هم بنو هزان بن صباح بن عتيك بن اسلم بن يذكر بن عنزه بن اسدبن ربيعه بن نزار، وفيهم يقول الاعشى مخاطباً امرأته:
لقد كان في فتيان قومك منكح ^^^ وفتيان هزان الطوال الغرانقه
وقال السمعاني (منهم ابوروق احمد بن محمد بن بكر الهزاني .... حدث هو وابوه وروى عنه جماعه.
اما في العصور المتأخره فأن الهزازنه يعدون من البدور من الجلاس من عنزه القبيله التي تعود معظم عشائرها الى وائل من ربيعه ، وقد سكنوا الحريق ونعام من قرى الوشم غربي نجد سنة 1040 هــ بعد ان اخذوها من القواوده من سبيع ، وبني الحريق رشيد بن مسعود بن سعد بن سعيدان بن فاضل الهزاني الجلاسي الوائلي ،
وتداول البلده من بعد ذريه ولد حمد بن رشيد .
ومن احداث الهزازنه في الزمن المقارب لعصر شاعرنا محسن بن عثمان الهزاني نشهد مقتل حاكم الحريق حمد بن عثمان الهزاني سنة 1165 هــ
ولااظنه اخي الشاعر للفارق الزمني الزمني النسبي بينهما ، وتذكر مراجع التاريخ حاكم الحريق ونعام سنة 1188 هــ ويدعى محمد بن رشيد الهزاني والحاكم
سنة 1233 هــ تركي بن عبدالله الهزاني ، والحاكم سنة 1254 هــ
سعد بن تركي الهزاني
مولده :
رغم ان معظم المصادر تجمع على ان محسن الهزاني ولد في النصف الثاني من القرن الثاني عشر الاان اياً منها لم يستطع تحديد سنة مولده ولوبالتقريب الااننا اذا عرفنا انه توفي سنة 1240 هـ (أو1248 هـ) في قول آخر
وانه كتب قصائد التوبه في شيخوخته كما يذكر الحاتم فأننا نستطيع القول بأنه مامات حتى تجاوز السبعين وبالتالي فهو ترجيحاً من مواليد العقد الواقع بين (1160ـ1170هـ)
وشعر الهزاني وان كا ن يحفل بقصص المغامرات الحسيه والتجاوز للحدود والاعراف
الاخلاقيه والدينيه في بعضه الاان قصه رويت عن رجل غريب صلى في مسجد الحريق تؤكد عكس ذلك
حيث رأى ذلك الغريب رجلاً يتهجد بالدعاء باكياً فعرف انه محسن الهزاني وسأله:(الست الذي تقول كذا وكذا ؟) فردمحسن : (يعلم الله انني لم افعل مماقلت شيئا يسألني الله عنه . انما هو من وحي الخيال والشعراء (( يقولون مالايفعلون ))
شاعريته :
يعد الهزاني من شعراء الطبقه الاولى في تاريخ الشعر النبطي ، ومن يقرأ ديوانه لابد وانه سيلاحظ ملامح معينه في شعره
أ- نرجسيه العاشق لديه بحيث انه الطرف الاقوى في علاقات الحب ، وهو الذي تصله رسائل الشوق وليس العكس كما تعودنا في الشعر عموماً.
ب- يركز محسن على الصفات الحسيه في محبوبته ومفاتنها الجسديه كما ان الوصال لديه ليس عذرياً في الغالب كما نلاحظ الاأن قدرته الشعريه تستطيع التمويه جيداً بحيث لاتأتي الاباحيه فجة اوصريحه
ج- لايكتفي محسن بمحبوبه واحده في القصيده الافيما يتعلق بقوت التي ذكرت بمفردها احياناً ، ولكنه يركز في عدد من القصائد على محبوبتين في آن واحد ، الاولى حضريه من اهل بلدته ولعلها ((قوت)) والثانيه بدويه تأتي احياناً مع قومها ثم ترحل معهم .
بل انه في احدى القصائد يتحدث عن وصال مع خمس فتيات دفعه واحده ثم يختارمحبوبته من بينهن ، وهنا تترائ في الظلال صورة (((امرؤالقيس)))
يوم (دارة جلجل) ومغامرته مع عنيزه وصويحباتها ،
بدليل تظمينه لشطر ((جلمودصخرحطه السيل من عل)) في مرثيته لرعوجي
د- يكثر الهزاني في قصائده من الاسناد الى شعراء اخرين وتبادل القصائد معهم ممايدل على امتداد حياته وتنوع علاقاته وشهرته بين ابناء عصره من الشعراء .
وفاته: حسبما جاء في مخطوطة ((( شذى الند في تاريخ نجد )) لمطلق صالح المطلق فأن الهزاني توفي سنة 1240هـ بينما يؤخر السويداء وهو كاتب معاصر هذا التاريخ الى سنة 1248هـ ولا التاريخين معقولين
وان كنت افضل التاريخ الاول لان محمد بن لعبون المتوفي سنة 1246هـ ذكر الهزاني بصيغة الماضي السابق.
بروق تلالا
(18بيتاً على بحر المسحوب)
يالله بـنــو مدلـهـم الخـيـالا =طافح ربابه مثل شرد المها الـزرق
لي جا على البكريـن بنـي الحـلالا =ولى عاد لايفصل رعدها عن البـرق
يسقى غروس عقب ماهـي همـالا =حط الحريق ديار الاجواد له طـرق
اسقـى نعـام ثـم يمـلا الهـيـالا =يصبح حمامه ساجع يلعـب الـورق
جريت اناصـوت الهـوى باحتمـالا =في وسط بستان سقاه اربـع فـرق
طبيـت مـع فـرع جديـد الحبـالا =وضهرت مع فرع تناحت بي الـورق
روشن(هيا)لـه فرجتينـن شـمـالا =باب مع القبله وبـاب مـع الشـرق
ومبسم(هيا)لـه بضـلام اشتـعـالا =بين البروق وبين مبسم هيـا فـرق
ياشبه صفراً طـار عنهـا الجـلالا =طويلة السمحوق تنزح عن الـورق
له ريقً احلى مـن حليـب الجـزالا =واحلى من السكر الى جا من الشرق
حنيـت اناحنـة هزيـل الجـمـالا =ينقض روي الخيل قد مسـه الفـرق
وياقلتـه فـي عاليـات الجـبـالا =ماها قراح ميرمـن دونهـا غـرق
ماعـاد لصبيـان فيهـا احتـمـالا =من كود فرقاها يديهـم لهـا طـرق
قالو تتوب مـن الهـوى قلـت لالا =الاان تتوب رماح علوى من الـزرق
قالوا:تتوب مـن الهـوى قلـت:لالا الاان يتوبون الحناشل عن السـرق
قالوا:تتوب مـن الهـوى قلـت:لالا =الاان تتوب الشمس عن مطلع الشرق
اخـذت منـهـا حبتـيـنً تـتـالا =يوم ان نسناس الهوا تطرقه طـرق
ســحــاب الخيـــــر
(44 بيتاً على بحر المسحوب).
قالها محسن في رثاء محبوبته (قوت)
سرياسحاب الخير وامطر بالاحسان =وامطر من الكوثر صباحً وعصري
منشاك من طيبه بروحً وريحان =برد النسيم مذعذع باالشمطري
بامر الذي ان قال للشي كن ، كان =هطال يحيى من نما كل بذري
يصبح نعيم النبت مختلف الالوان =مشعشعً نوره بالاثمار خضري
مقام من له بلحشا روض نعمان =قطف رواعيها رقاب البختري
غرو زرع بموجل القلب بستان =نوابع اشجاره بالايغام خضري
من يوم قالوا شيل من بين الاضعان =وعنانتي من صوب لحدٍ وقبري
فقت ظعونه صوب معمول الاركان =عقب الموده ليس يرعى لصبري
ليت القبر عن شوق ذا القلب نيبان =ويش الذي بمورد الخد يمري
ياقبر ماتنباج ننظر بالاعيان =صفوة هل الدنيا بحسن نظري
ياقبر هذا يشبه لحور الاعيان =غروٍ نزل يحكم به الموت سكري
ياقبر هذا سيد غضٌات الابدان =هايف ومهضومٍ لوسطٍ وخضري
ياقبر هذا نور عيني بالاوطان =قرٌة عيوني بين بدوِ وحضري
ياقبر هذا مدة شهور وازمان =عليه دمع العين بالليل نثري
حطُوه في أظلم لحودٍ وغيران =بلحلٌ يامن له مع الحور قصري
قصرٍ فسيحٍ بين طوبى وعدنان =في جنة الفردوس وانهار تجري
ياموت ماتاخذ عن الشوق الاثمان =بحكم بكل شيًٌ وانا منك بشري
اعطيك بغدادٍ مع ملك سبهان =خزاين الشامين مع ملك مصري
وبنادر الشاهات والهند وعمان =والبصرة الفيحا مع ملك هجري
مع كل مايجنون حضرٍ وبدوان =اسوقهم باللي كما خدٌ عفري
ياورق ماتبدع غريبات الافنان =باح العزا حيثك بشكواي تدري
عذري ولوجاوبت ورق بالالحان =لونحت نوح الورق وا كبر عذري
كم عاقلٍ قلبه من العقل مليان =فاجاه من عقب السكات التهذري
يالايمي صابك من البين ما بان =تاتيك غارتٍ على غير تدري
دنياك ماتصفي لحيًٌ بالاحسان =الاان سقته من الشري والسقطري
قبل نبيً الله بنى بيت الاحزان =وبكى على يوسف والفُراق عسري
ياعين هلي دمعتك فوق الاوجان =مثل المطر ينهل من فوق حجري
وابكي حبيب الدمع من موق الاعيان =تزفير عبراتٍ تلاحب بصدري
هيهات لي هيهات مما تبلاٌن =طال الفراق وزاد بالبعد هجري
ماظنتي القى عشيري ويلقان =الابيومٍ شاخصٍ فيه بصري
عليه وجدي وجد من راح بسفان =بوسط البحرشحٌت من الموت خطري
واشرف عليه الموج من كلٌ الاركان =حاديه عاصوفٍ من الريح نهري
او وجد من له قدر عايض مربعان =جاه الطبيب وقال مافيد نصري
ايٌس وقال اللي كتب بلقلم كان =وماكان مكتوبٍ على العبد يجري
وعجٌل عليه الموت للروح ديان =كم واحدٍ في الناس فاجاه عذري
ياربنا مامن .. من الموت جزعان =والموت مكتوبٍ على العبد يجري
والموت لارواح المخاليق ديٌان =مايندفع من بعدعسرٍ ويسري
غارت خيول الموت ركضٍ بلارسان =والعبد منها غافلٍ ليس يدري
لكنٌ غض الطرف سحٌاب الاردان =لواحتمل عند امتناعٍ وصبري
الى ذكرت انٌه بملفوف الاكفان =خذه عني الموت غصبٍ وقسري
ياليت ملك الموت من حين فاجان =مضى بنا وياه عبرٍ بعبري
ماابغى حياةٍ عقب مريوش الاعيان =وزهدت في دنياي لوطال عمري
عسى تجي روحي وروحه بيمنان =يوم القيامه يوم حشرٍ ونشري
صلاة ربي لنبي سيد عدنان =عد الرياح ومالعى ورق قمري
(19بيتاًعلى بحر المسحوب)
من ناظري دمعي على الخد مسكوب =ومن الحوادث شاب راسي وانا شاب
لالذ لي زادً ولاحلو مشروب =ولالموق العين طاب الكرى طاب
لاشك مايجري على العبد مكتوب =طول الزمان وكل شيً له اسباب
وانا سبب قتلي ضحى شفت رعبوب =يضحك ويومي لي وهو من ورا الباب
من قبل شوفي له وانا كان اباتوب =ومتٌركٍ عني هوى تلع الارقاب
هايف حشا عنقه كما الشاخ مسلوب =والردف عزاٌلٍ لوسطه وجذاب
ومبيسمٍ كنٌ العسل فيه مذيوب =ان ذاق سلساله ضجيع الهوى طاب
والعين خرسا كنها عين يشبوب =وجدايلٍ من فوق الامتان سكاب
طرشت انا لمورد الخد مندوب =يقول لي مرسول معسول الانياب:
ترى خليلك قال لي قل لمحبوب =عينه تباري للقمر خامسه غاب
وانسبت له في جنح ليلٍ ولاهوب =عيب الى خل على خله انساب
لولا الحيا نطيت من راس مشذوب =وانوح نوح الورق واجيب ماجاب
وقطفت ورد فيه بالناز مكتوب =كالأس ياسي له لمن كان طلاب
وخلي سقاني كاس وصله على الدوب =وبنيت له في مسجد القلب محراب
قولي انا من عقب مادار دالوب =وصرف النيا وافق بتفريق الاحباب
لاحزن يعقوب ولاصبر ايوب =حزني ولاصبري على تلع الارقاب
ياالله يامولاي ياخير مطلوب =ياللي الى ماساله العبد ماخاب
تجعل موازين المحبه على الدوب =بيني وبين مورد الخد بالباب
ختمي صلاتي عد ماسار مندوب =يمشي بعقد الصلح مابين الاحباب
(38بيتاً على بحر المسحوب المروبع)
رواها:الحاتم
ياخرداتً ناطحني ضحى العيد =ماهن عن غزلان الافلاج ببعيد
من هن ؟ قال مورد الخد والجيد =اشتر جمال اليوسفي قلت انا : بيش
قالت تكلم قلت بالروح والحال =وبكل ماتملك يميني من المال
وبكل مايرضيك ياطيب الفال =تبيع ياصافي البها قال لي بيش ؟
ومنهن قال مورد الخد ياشيت =دش الغرام وسر معانا الى البيت
فاستانست روحي للاحباب واشفيت =باغي مواصل لابسات البرابيش
قالت لداياتً لها من ورا الباب =هو ذا المولع في هوى تلع الارقاب؟
قالن نعم ياسيد غضات الاشباب =واقفيت قالو ياصبي قلت انا ويش ؟
قالو تعال ان كنت للزين طالب =اشتر قماشً ماجلب بالمجالب ؟
تراك ياشاريه بالفين غالب =مدلول معسول اللمى سايح الريش
اقفى وشديت الشبك والعشارق =شفقً على لاما الخليل المفارق
يقول لي سلطان خن المفارق =خل الشبك واقضب متان العكاريش
شديت مقذوله وهزيت ريشه =وكشفت عن صافي الجبين الكريشه
يوم التقت فرسان جيشي وجيشه =راحت على جيشه تغني شوابيش
قلت المواصل قال مافي يدي حيل =مماتبي وامهل علينا الى الليل
قلت الرهانه قال دوك المفاتيل =الطوك والمفرك ولياك تطريش
وقفت عنده ساعة قال اساليك =باللي عن اسباب المنايا يعديك
من مولع به قلت انا مولع فيك =اغضى ولجلج بالعيون المداهيش
عفرت به في ماقفه قال لياك =تفضح محب عقب مافرح بلقاك
قلت ان قصدي رشفة من ثناياك =والحروه ان عاد من الغير مابيش
مرسول قل له من محب جوابه =ولايسمعك من كان جرح الهوى به
فانه اذا ماسد للواش بابه =ثم انشده ياطارشي هو يمنيش
اعفر متركا عنه ماني ب سالي =ريقه كما در الحليب العسالي
حلفت مايمشي على اخذ الرجالي =احب واغلى منك يابوعكاريش
اعفر متركا زارني في مقيلي =متغطرفً كنه ظبي السليلي
ياغص تفاح بحمله يميلي =فتشت في ذا القلب بيديك تفتيش
اعفر متركا هسته في ذراعه =فوق الردوف مجدله فرق باعه
واسعد ابومن عانقه كل ساعه =يشرب من الغر الثنايا المباهيش
اعفر متركا زارنا ثم شفناه =كن القمر متشعشع من محياه
ريقه عسل بين الشفايا رشفناه =درب علينا والردى فيه توحيش
حيلته يعفر خاتمه في مداسه =واثر انقطع رمانة من لباسه
يازارع زرع الحشا ثم داسه =هب الولام لناقضات العكاريش
الله يلوم اللي يلوم المحبين =خص ً الى من كانهم مستشبين
ولاهم من طرق السفاهه مغبين =واوراحهم راحت دقاقً دقاريش
هنيهم عقب الفراق ان تلاقو =من سلسبيل ارياقهم قد تساقو
فالى ارجهنو عقب خمر وفاقوا =فحب ف تلميس بالايدي وتفتيش
هلت دموعي ثم زاد انزعاجه =شفق على طفل المها بالمواجه
واقفن عني ماتقضيت حاجه =والهقوه اني عقب الاطفال مااعيش
(9 ابيات على بحر المسحوب)
رواها:الحاتم
بيني وبين صويحبي وقفة احوال =يامن يدير الصلح بينه وبيني
اعطيه ماتملك يميني من المال =واجعل مقرة بين جفني وعيني
ياليلة بتناه في شهر شوال =بتنا ولاشٍ حال بينه وبيني
الابريم الريش والطوق وهلال =ونويهداتٍ كنها الفرقديني
فالى تنبه مغزل العين لي قال =من ذا حضينه قلت هذا حضيني
لي شدوا العربان فوق اوضحٍ شال =افج مابين المراجل ظعيني
يرعى بسبعمايه وسبعين خيال =حامينها بمذلقٌات العريني
مرباعها مابين ابانات والخال =ناحين عنه الدوسري والحسيني
ماهم بنجع جمٌاعة المال =علوى هل الردات ياشيب عيني
(56بيتاً على بحر الهلالي )
غناالنفس معروف بتـرك المطامـع =وليـس لمـن لايجمـع الله جامـع
ولامانـع لمايعـطـي الله حـاسـد =ولاصاحـبٍ يعطيـك والله مـانـع
وللفتى ارجا مـن الديـن والتقـى =وحلم عن المجرم وحسن التواضـع
وصبر على الفايت ولو راس ماغلا =فما فات من الافات ماهـو براجـع
فهل تدفع البلوى وهل تمنع القضـا =فمـا للـذي ياتـي مـن الله دافـع
الى عدت ماتدفـع بـالاوزا مهمـه =ولايرتجي ياصـاح منـك المنافـع
سوا أن عشت دنياك اومـت واحـد =ولاانـت فـي غـدٍ لأحـدٍ بشافـع
لاتبـدي اسـرارك لغيـرك فربمـا =يلومك مـن لافيـه مافيـك رامـع
ولاعـزٌ الافـي لقـا كـل متـعـب =بسمر القنـا والمرهفـات القواطـع
دع الناس من لايبتـدي منـك رقـه =وماالناس الاٌ مـن حسـود وشانـع
واحذرك عن درب الردى لاتبي الردى =فتصبح طريـح بيـن واش وشافـع
تشمت عليك عداك في كـل مجلـس =وكن عاقل واتـرك كثيـر المطامـع
فكم واحد يمدحك في حـد حضـره =وهو ربما في عرضك ان غبت راتع
يرميـك بلبهتـان والـزور واحـد =من العقل جيعانٌ ومن الجهل شابـع
ياشيت مالـي حيلـة غيـر اننـي =على شاطي الجرعا امـام الخـراوع
اكفكف دمـوع آلـم الكـف كفهـا =لها بين ملقا صحـن خـدي تتابـع
فقلت لركـب شـدوا اكـوار كنـس =عجا بالبرا ياركب روس الجراشـع
اقيفوا كزج الحبـر ياركـب ساعـة =علـى الطلـل البالـي لعلـي اوادع
رسومٍ لسلمى آنس البـوم ربعهـا =وامست خلاف الأنـس قفـرٍ بلاقـع
بها هام قلبي واستمالـت صبابتـي =وغصن الرجا مني له الياس هـازع
فـلمن احق العـرف منـي منـازل =اشارت بتسليمـي اليـه الاصابـع
منازل لمن له في حجا الروح منزل =وفي كل وادي من فـؤادي مواضـع
خليلى قم لي في دجا الليـل بعدمـا =جفا النوم عيني والبرايـا هواجـع
ودارت دواليب الهواجيس خاطـري =ومليت من حلوى لذيـذ المضاجـع
فلا الوجد معدوم ولاالصبـر موجـد =ولاالهم عن وادي فـؤادي بـناجـع
سل الله بالانفال والحـج والضحـى =وباللي الـى احيـاه نلقـاه شافـع
خلاف الجفا والهجر والياس والرجا =بالاقدار يسقـي دار وادي المجامـع
سبعـة اسابيـع علـى دور ثامـن =بنجم الثريـا ثـم بالصـرف تابـع
بنو عريض خالـي اللـون مظلـم =منه الفرج يرجي الى شيـف طالـع
لكن ربابه حيـن ماينثـر السـدى =جنح الدجا ريـلان صـم المسامـع
نهـاره كمـا ليـل بهيـم وليـلـه =نهار من ايضاح البـروق اللوامـع
الى ماغشى وقت العشا بعدما نشـا =صبا له من المشرق نسيم الذعـاذع
حبـذا الـى هـذا وهـذا رفـا لـذا =وهـذا لهـذا بالمـوازيـن تـابـع
وزلزل وعـزل بـه ربـاب ونـزل =بسجر وزجر مثل ضـرب المدافـع
وخيم كما الحنـدس وغيـم وديـم =الى حيث مايبقى بالاوطان جاضـع
وصكبت وسكب ثم بالغيـث ركـب =وغطلس توطا من الوطا والمرافـع
وثار غبار الارض من ضرب ودقـه =وضجت منـه الجازيـات الرواتتـع
وسط الغثا شروي لنا بيش عنصـل =على كل جزعٍ فوقه السيـل جـارع
سقى البطن والبطنان والعرض بعدما =من الوبل تخضر الغصون الرعـارع
بسيح وتسكاب الـر حيـث مايشـا =يجي اتلحول والما في خباريه ناقـع
لنا ديرة من حل فـي ربعهـا امـن =ولابات في قلبه من الخـوف رامـع
جنوبيهـا بـرك وشمـال يحدهـا =نسـاح لهـا وادي بريـك مـزارع
الى ماانقضى النيروز فيها وخوضت =مطافيل غزلان المهـا كـل خايـع
سقاها الحيا فـي ليلـة بعـد ليلـه =من المزن هتـان حقـوق الروامـع
ديرة شيـوخ مـن عرانيـن وايـل =لهـا باللقـا يـوم الملاقـا وقايـع
كم واحدٍ تخشى الخماسيـن باسـه =جعلنـاه قـوت للنسـور الهلايـع
باموالنا نشري من الحمـد ماغـلا =وبارواحنـا يـوم التلاقـي نبايـع
وبالمـن مانتبـع عطانـا ولابعـد =على الغيظ قلنا ذا به البـر ضايـع
ذا قول من لاهو بـراعـي سفاهـه =ولاداس يـومٍ لابسـات المقـانـع
فـيانفسي ريحي واطمئنـي جـلاده =وكل ابن انثى من لظا الموت جارع
من الله مرتهـبٍ الـى الله راغـب =وبالله معتصـمٍ والـى الله راجــع
فـيالله ياعـلام الاسـرار والعلـن =ياللي لنا في ماقف الحشـر جامـع
يغني عن الأدنى والاقصى مدى البقا =وانت الذي لنـاس ترفـع وتاضـع
عن عازةٍ تقتادني صـوب مبغـض =وعـن ماينازعنـي رفيـق منـازع
اتمني بأني قدمت شي