سؤال ياشرابه الهوى [الأرشيف] - ::منتدى الجبلان الرسمي::

مشاهدة النسخة كاملة : سؤال ياشرابه الهوى

المردد

03-04-2008, 02:59 AM

اسعد الله مساكم ياشرابه الهوى

كل ماسالت احد ماعطاني جواب مقنع

عندي سؤال جعيلان ابن سويط وش سالفته مع الجبلان وخاصه مع عقاب ابن شبلان

عندي معلومات ولكن ودي اتاكد منكم يالربع

اذا احد عنده اي معلومه لايخبل علينا

وعساكم في الوجود دائما

ام ســــــديره

08-04-2008, 05:10 AM

ولد علوى

09-04-2008, 01:23 AM

قله جعيلان لا ينسا نهاره ===يوم حول من عطيبات الاهاوي

حوله به غصب ماهو بختياره===بين قور صخيل وضليع الصداوي

المردد

11-04-2008, 10:37 PM

ام سديرة لاهنتي ع مرورك

المردد

11-04-2008, 10:37 PM

ولد علوى بيض الله وجهك

لكن ياخوك ماتعرف القصيدة كامله او من صاحبها

ولاهنت

جزاع الجبلي

11-04-2008, 11:23 PM

اخوي المردد جعيلان بن سويط اللي حول فيه الفارس ذياب بن خضران وقصته معروفه
وقد تغنى في هذه الحادثه شعراء كثيرون ومنهم الشاعر الكبير فهد بن جبرين
عندما قال

وذياب حول بالعقيد الفارس=شيخ الغزيه واسمه جعيلاني

وابيات كثيره اجيبها لك عن قريب ان شاء الله

ولد علوى

12-04-2008, 12:04 AM

القصيده لغضيان الجبلي

راكب الي تايره يفرا الزباره ==مرتفع من قدم وخلاف متساوي

لا عطيته راحته ولحقت ناره==جاء لجلد المرو من خلفه تعاوي

الا اخر القصيده

المردد

16-04-2008, 10:51 PM

الله يبيض وجيهكم يالربع

بس قصتها ويش

ولد علوى اشكرك على القصيدة طال عمرك بس لو انها كامله كان زين

على العموم لا خلا ولا عدم

العيباني123

17-04-2008, 01:03 AM

راكب الي تايره يفرا الزباره ==مرتفع من قدم وخلاف متساوي
لا عطيته راحته ولحقت ناره==جاء لجلد المرو من خلفه تعاوي

يا اخوان هاذي قصيده قيلة بالعصر الحديث قالها الشاعر بن غضيان من الاعنه
فزعة ل جمعان الديحاني لان صارة فيه مشكله بين بن سويط والظفير من طرف
وبين بريه من مطير بالطرف الآخر لخلاف على امارة حفر الباطن
ؤقال بن سويط لبريه اطلعولنا فبر الحفر عشان ايتهاوشون
ؤقام انت يا جمعان الديحاني وينخى الدويش ؤينخى علوى
ؤقال بن غضيان قصيدة موجها الى بن سويط يذكره بالحروب الي صارة بين الجبلان فقط والظفير

راكب الي تايره يفرا الزباره ==مرتفع من قدم وخلاف متساوي
لا عطيته راحته ولحقت ناره==جاء لجلد المرو من خلفه تعاوي
قله جعيلان لاينسى مغاره _ يوم حول من عطيبات الهداوي
حولوبه غصب ماهو بختياره _ بين قور صخيل وضليع الصداوي
ؤذكره حمدان ................ _ جنب المركي وراحتبه خلاوي
ؤيوم نبعه جمعة المسوي وزاره _ ماتسد البدو عن ذبح الشواوي
والقصيده اطول من ذالك
النقط ناسيها

ؤرد الشاعر محمد الخس فازع لجمعان الديحاني وموجها قصيدته لابن سويط
ويذكره بلحروب الي صارة بين مطير عموما والظفير

مسير بن سويط توانساح بالي _ يوم جا جمعان ينخا بالحميه
مابكم هرج على الدنيا يقالي _ يالطيور الي مخالبها قويه
الله الي حطكم مثل الجبالي _ ؤحنا عليكم مثل ليل خرمسيه
ساتر بن خويط من شلفاه مالي _ جادعينه من ظهر بنت العبيه

والقصيدة طويله ومشهوره

فا القصيدتين قالوهن شعراء معاصرين

الحمد لله الذي اعزنا بالاسلام وجعلنا اخوان

سوالفكم اتسود الوجه يالاعراب يوم القيامه الله ينجينا منها ؤيرحم اموات المسلمين

المردد

19-04-2008, 02:20 PM

العيباني بيض الله وجهك ياطويل العمر

علومك كلها طيبة

azizmt

19-04-2008, 02:47 PM

سوالفكم اتسود الوجه يالاعراب يوم القيامه الله ينجينا منها ؤيرحم اموات المسلمين

الله يسامحك يا العيباني هذي حياتهم و شتبيهم يسوون يروحون محكمة العدل

الدولية وسط شعبان لاهاي

العيباني123

21-04-2008, 07:31 AM

عفوا اخوي فهمتني غلط

اقصد ان قبل كنا نقول ان الحروب القبليه بسبب الجهل وماكانوا يعرفون امور دينهم
ؤقبل كانوا يتحاربون عشان لايموتون من الجوع على المياه والمراعي

ولكن سالفة مطير والظفير الي صارة بحفر الباطن توها صايره بالسبعينات

يعني الناس متعلمه وعارفه امور دينها ؤشبعانه يالله لك الحمد

يعني السالفه مهي سالفة جهل او جوع السالفه سالفة نعرات قبليه

قال رسول الله صلى الله عليه وسلم لهدم الكعبه اهون عند الله من قتل نفس مؤمنه

نعم نلجا للمحكمه ولتاخذ العدالة مجراها
المظلوم بياخذ حقه
والظالم يعاقب على فعلته