قصـــــة حياتي ,,,,,,,,,,

[دمعة ناقة]

الـــســــــلام عليكم والرحمـــــــــــه


صبحتم بالخير ياعضاء منتداي الغالي




خرجت اليوم من عالم النت الساعه الخامسه والنصف لاذهب الي عالمي الخاص والمفضل! وهو عالم الاحلام

وكالعاده دخلت في صراع طويل مع النوم دون جدوى

احاول النوم ولكن بدون جدوى
فخرجت هذي الابيات
التي اتمنى ان تحوز لو على القليل من رضاكم
واتمنى ان تبدون ملاحظاتكم فيها

هي فالاخير مجرد احاسيس ومشاعر اطلقت عنانها محاوله لئن اطير في سماء الشعر وقد تترجم واقعي,,,,,,,,









قــصــــة حياتي بهذي الدنيا عجيبـــه

------------------------------ محدن سمع فيها ولحدن بمثلي شاف

دمعة حزن دمعة غلا مني سكيبــه

------------------------------- دمعة رجا دمعة محبه بالاسراف

اجروح قلبي من زمانن عطيبــــه

------------------------------ داريتها بدموع عيني بدون اوقــاف

واشعلت في جوفي ضلوعن حطيبه

----------------------------- نيرانها صبرن حرق قلبي الجــاف

يالله يلي بقدرتك تقدر تجيبــــه

--------------------------- قدرتك ربي بين نونن وبين الكــاف

خليتني مابين خلق الله نصيبـــه

--------------------------- وارضيتني بقربه وحققت الاهداف

لكن شياطين البشر منا قريبــــه

----------------------------- دبرة حسودن من غضب ربه ماخاف

يالله انا من كيدهم مستصيبه

----------------------------- راح وتركني غصب لكنه ماعـاف

واشغلت انا بالي بهمن مشتقيـبه

--------------------------- طافن سنين عمري والهم ماطاف

يالله انا ارجيك ليا تجيــبـــــه

----------------------------- واحكم بعدلك في حياتي بالانصــاف

واجعــــل حياتي بقربهم تهتـنيـبـــه

[الملعبي]

ياسلام يادمعه


منتي هينه طلعتي شاعره


كلمات حلوه واحساس جميل


معنى رائع وتنسيق اروع


اسجل اعجابي


تقبل تحياتي

الملعبي

[* جمرة مطير *]

واشعلت في جوفي ضلوعن حطيبه

----------------------------- نيرانها صبرن حرق قلبي الجــاف


؟؟

دمعه
احسااسك طااغي
بجد
واعجبني جدااا جدااا
بووحك يالغلاا

ماني خبيره باموور الوزن
لمن
الاحسااااس وصل

اختي الغاليه

ربي يسعدك
ويكفيك شر النااااس
وينوووول قلبك مرااده

[ضوح]

دمعه ناقه
صح السانج ليه هالحزن من الصبح
الغالية....
,,,,احساسج حلوو ولكن حزين,,,,

[بعيد الهقاوي]

من أصدق وأمل وأروع النواع الشعر , هو النابع من الوجدان.

ففي هذه الأبيات التي كتبتها أختنا دمعة ناقة يتضح بأنها تحاكي واقعا تعيشة وإثباتا لمصداقية هذه الأبيات نجد الأاجادة بالوصف والتصوير والدقة بكل بيت.

صح لسانك أختنا دمعة ناقة, مع دعواتنا الصادقة والنابعة من القلب أن ييسر الله أمورك, وأن يحقق أمانيك ويسعدك.

[خلف بن سمدان]

الاخت ( دمعة ناقه )


بعيدا عن البحور الشعريه واوزانها


صح السان شاعريتج ونبض احساسج الصادق في هذه الابيات



مافيج حيله :)


تقبلي مروري المتواضع \ ابن سمدان

[وخيذة الضحى]

صح لسانك يادمعه

احساسك واتقانك شي ماعنه مصده

للامام يالشاعره

بن معرقب

[جاسم الديحاني]

دمعه




صح اللسانك




صدقيني يادمعه



فعلا القصيده قصيدة مبتدئ


ولكن تملكين احساس جميل


يعجبني انا كا متذوق





يالله انا ارجيك ليا تجيــبـــــه

----------------------------- وتحكم بعدلك في حياتي بالانصــاف






جميل يامبدعه





والله يوفق لك امورك ويرد لك كل غالي




اعيد وقول صح اللسانك



والى الامام دوما




ونحن معك الى ان تصلين





كنت هنا

[دمعة ناقة]

الملعبي , جمرة مطير, مطيريه ,بعيد الهقاوي, ابن سمدان, بن معرقب , وابن عمي البريهي جاسم المطيري :)

اشكر لكم مروركم الكريم وتعليقكم الي اسعدني



بجد اسعدني تواجدكم عساني ماخلا منكم

تحياتي للجميع

[فلاح الحصيني]

صح السانك قصيده مليئه بالمعاني

*** لي عوده مع هذه القصيده .............



فـــــــــــلاح الحـــصــــــــيـــنـــي

[دمعة ناقة]

صح بدنك اخوي العزيز فلاح الحصيني

ياهلا ومرحبا فيك

سعيده بتواجدك ومنتظره تعليقك الي اكيد راح استفيد منه

[شجاع الهيت]

دمعه

احساس جميل وكلمات عبرت عن مايجوش

داخل النفس


بعيدا عن الوزن والقافيه


الكلمات تحمل كومه من الاحساس الصادق


لا
هنتي

[دمعة ناقة]

تسلم شجاع عالكلام الي قلتـــه

وسعيده بمرورك الكريم في صفحتي


اما على طاري الوزن انا لحنتها على لحن اماراتي قديم وضبط معاي بالضبط عااااد مادري اذا صحيح او لأ

[دمعة ناقة]

تعليق بسيط مني لابن سمدان

توقيعك يأثر فيني كل ماشوفه عسى الله يرحمم فقيدكم

وانشالله يطلع طاطا مثل عمه بمأ انه سميـــــــه :)

[الجارح]

ابدعتي والله يا دمعه القصيده والله لها وقع خاص وانا اقراها
صح الله لسااانك
ولا هنتي

تقبلي مرور

اخووك

الجاااارح

[دمعة ناقة]

صح بدنك يالجارح ونورت الصفحه:)

[خلف بن سمدان]

الاخت ( دمعة ناقة )

الله يجزاج خير دعوة طيبه

ولا اقول الا اللهم آمين ويكتب لنا نصيب من هالدعوة

( دايما دعاوي العجز مستجابه افلحت يا طاطا ) :)

[دمعة ناقة]

<<<<< لو يدري طاطا انه انشهر وارتفع صيته في عالم النت هههههههههه




المهم حط لنا صورة طاطا ( جد السمادين ) :)


وشكرا لك اخوي بن سمدان عالمرور الثاني

[جزاع الجبلي]

أنهـمار جـميل
وأبداع يـفوق الـخيال
بعيـداً عـن الـوزن والـقافيه
لله درك
يـادمعة الـحاشي
وسـلمي على طاطا
:)

[دمعة ناقة]

ماتخلي العياره يابن كويعب تراي بناديك الشوارفسكي






يــــــــــبـــــــــــلغ :)

[غـ الصمان ـلا]

صح السانج ياددمعه

اليوم مادري شفيني قعدت احوس بالمنتدى ادور ابياتج دمعه احساااااااسج مقارب حيل لاحساسي واختياراتي بالقصايد يعطيج العافيه ولاهنتي

[human group]

طافن سنين عمري والهم ماطاف

يالله انا ارجيك ليا تجيــبـــــه



====الله يزيل الهم ويرجع الغايب
ااااااااااااااااااااامين
لاهنتي وصح لسانج

[دمعة ناقة]

هلا فيج ياغلا الصمان

اختي غلا والله هذا الشرف لي ان قصايدي تعجبج وانها فيها منج


وانا وياج احساسنا متقارب سبحان الله


الله لايفرقنا وانتي اخت عزيزه وغاليه علينا


ومن اجمل الاشياء في حياتي اني كسبت معرفتج


لي الشرف والله



صح الله بدنج ولاتحرمينا من تواجدج

[دمعة ناقة]

بن بويتل

وانا اقووول


اميـــــــــــــــــــــــــــــــــــــــــــــــ ــــــن





ماقصرت على هالدعوه الطيبه

وصح الله بدنك
ومرورك شرف لي والله