المساعد الشخصي الرقمي

مشاهدة النسخة كاملة : خنيفس ابوشيبه وكرمه


العيباني123
02-09-2008, 02:52 AM
السلام عليكم ورحمة الله وبركاته

خنيفس العبدالله ابوشيبه ولمتوفي سنة 1992 رحمة الله عليه واموات المسلمين

يسمونه الجبلان مصوت بعشاه
وخنيفس ماجابن البيض مثله
وخنيفس ماعمره زعل احد ولا احد طلبه شي ؤرده
وخنيفس جامعها دنيا ودين

كان كريم منذ صغره كل ماجا لبوه ضيف راح ؤجاب الذبيحه ؤذبحها من غير مايشاور ابوه ؤكان ابوه يقوله ياخنيفس افنيت حلالنا

ؤكانوا الجماعه اذا شافوا الشارع الي ساكن فيه خنيفس متروس قطاوه قالوا خنيفس بالديره (الكويت)وذا شافوا الشارع مافيه قطاوه قالوا خنيفس مسافر
لان القطاوه كانت تاكل من بقايا الذبايح الي يذبحها خنيفس

يقول فيه اخوه مزيد ابوشيبه من عرض قصيدته

اغلي الي ليامنه لفاها : مشبع للضيف مع نصف القطيني

وبغزوا الكويت راحت الديره ونقطعت المعاشات وخنيفس كان يومين يذبح ذبيحتين ؤثلاث ذبايح لمدة شهرين لين الحكومه وزعت المعاشات على المواطنين
هذا من غير الذبايح وخياش العيش الي كان يوزعها ويتعذر من الناس على القصور

ؤكانوا بعض الامراء من آل سعود يكشتون بالدبدبه ايام الربيع ؤكان خنيفس ياخذ الذبايح
وينزلها عندهم ؤيمشي من غير لايسلم عليهم
ونشد احد الامراء بن دبي امير الدبيه يوم زارهم قالوله يجينا رجال وينزل عندنا ذبايح ؤيمشي قال بن دبي وشنهي سيارته قالوله ونيت حمر قال بن دبي هذا خنيفس ابوشيبه

وقد اعطى احد شيوخ الكويت خنيفس شيك فيه مبلغ من المال ؤرفض خنيفس ياخذه قال للشيخ ماجيتك ادور الفلوس

اما عن جانبه الديني
فقد كان رجل متدين يصوت باعلى صوته لصلاة الفجر ويطق بيبان الناس يقعدهم لصلاة الفجر
وقد ذهب للجهاد في فلسطين مع مجموعه فلسطينيين وعندما كادوا يعبرون الحدود بين الاردن واسرائيل قبضت عليهم القوات الاردنيه وتركوا خنيفس يرجع للكويت

وقد تبرع خنيفس بخمسة بيوت صدقه لوجه الله وما خلاله الا بيته الي هوا ساكنه

يقول فيه محسن الحطاب ابو يوسف والله ؤنعم بعد وفاة خنيفس وفتقاده لمجلس ابو ناصر و مسندا قصيدته الى حمود الدبي ابو ثامر والله والنعم

ياحمود انا ونيت ونه باثر ويل : تشدي لونة من غداله جنيني
ياحمود مجلسنا بعد ختمة الليل : ماعاد اشوفه يابو ثامر بعيني
من عقب ابو ناصر غدا الجو به ميل : ؤلامن ردا يحمود بلحاضريني
ياحمود ماعينت سيد الرجاجيل؛الياحضر يكفي عن الغايبيني
شيال حمل هديب وليا صار ماشيل : ومكمله يحمود دنيا وديني
يفرح به الي هاجد تالي الليل : يبي العشى من كيس ذرب اليميني
ريف لربعه يوم قل المحاصيل؛يوم ان ربعه خاليين اليديني
ياحمود ماننساه جيل بعد جيل؛ؤلاينسى ياحمود طول السنيني
حلفت لو يحييه دفع الملايين : لااسوق فيه ماملكته يديني
ؤصلاة ربي عد وبل المخاييل : الشاهد الله والبشر شاهديني

ابو ناصر : خنيفس ابو شيبه

ويقول فيه المرحوم فيحان بن معيفين الميموني 1959
والله والنعم الله يرحمه واموات المسلمين

كان حاديك من غبر الايام حادي : لاتضايق وانت في وسط الاعنه
كاسب النوماس خنيفس لك ينادي : علمه بللي جرالك لاتكنه
ماهقينا في خنيفس جو كادي : عندنا ؤعند القبايل طال فنه

ؤسوالف واجد ماقلناها
عذرا على الاطاله

مطلق الحطاب
02-09-2008, 11:12 AM
الله يرحمه ويرحم أموات المسلمين ..... لا نوفيه حقه مهما كتبنا وقلنا لكن اللي ذكر قليل من كثير فالله يجزاك خير يالعيباني123 على أيراد سيره موجزه وعطره لرجل من رجالات الجبلان اللي كنا ولا زلنا نفخر بهم وندعوا لهم بالرحمه .. فالله يرحمهم جميعاً ويبارك ( في من خلفهم ) .... اللهم آمين

وخيذة الضحى
02-09-2008, 11:38 AM
الله يرحمه الله يرحمه

ويبيض هكالوجه يوم العرض على الله
والله يالعناني00خير من ذكرت00وقليل في حقه رحمة الله عليه
خنيفس ابوشيبه لهالحين ذكره عطر000ويصدى بالدواوين
ومعروف بالكرم والطيب والطناخه الله يجعلها بميزان اعماله

كل الشكر لك على هالايراد


وتقبل
تحياتي


بن معرقب

الــمــلــكــي
02-09-2008, 02:59 PM
الله يرحمه ويسكنه الجنه

ضوح
03-09-2008, 04:10 AM
خنيفس ابوشيبه
الله يرحمه ويجعل مثواه الجنهـ
والله لا صغير ولا كبيره ولا مرأه ولا رجال
يقدر ينسا موقف ابو ناصر ايام الغزوا مع بني عمه
وشهاده حق تقال فانا كم سمعت بسيرته العطره وكرمه الذي لا يضاه
والله ان اخواني ايام الغزوا كانوا جهال اعمارهم 8و9 سنين والي الان من يذكر اسمه
يبدون بسرد موقفه معاهم ايام الدبيه
وان شاء الله العوض بعياله وفي بوشيبه
وبوشيبه معروف عنهم دايم عون لبني عمهم الجبلان خاصه والمطران عامه
السموحه العيباني علي الاطاله لكن لمجرد قرأه الاسم بدء قلمي يكتب ما يعرف عن هذا الرجل الطيب
شكرا لك ,,,,,,,

التوم
03-09-2008, 08:21 AM
ماشـاء الله عـليه لحـيه غـانمه مـواقفه طيبه وماتـنسي

الله يرحمه ويجعل مثواه الجنه آمين ان شاء الله

وشكرا اخوي العيباني على مثل هالموضوع عن رجل تعجز الكلمات عن شكره :)

العيباني123
06-09-2008, 08:00 PM
يعطيكم العافيه يالربع

اخوي مطلق الحطاب جزاك الله خير وبارك الله فيك

اخوي بن معرقب جزاك الله خير ووجهك ابيض ان شاء الله
ولاشكر على واجب ماسوينا شي

اخوي الهارف جزاك الله خير

اختي المطيريه جزاج الله خير وماله داعي تتاسفين
سعيدين بمشاركتج

اخوي فهد التوم جزاك الله خير
وماسوينا شي هذا واجب

ونرجوا السموحه لتاخري بالرد لظروف خاصه

العيباني123
06-09-2008, 08:07 PM
يعطيكم العافيه يالربع

اخوي مطلق الحطاب جزاك الله خير وبارك الله فيك

اخوي بن معرقب جزاك الله خير ووجهك ابيض ان شاء الله
ولاشكر على واجب ماسوينا شي

اخوي الهارف جزاك الله خير

اختي المطيريه جزاج الله خير وماله داعي تتاسفين
سعيدين بمشاركتج

اخوي فهد التوم جزاك الله خير
وماسوينا شي هذا واجب

ونرجوا السموحه لتاخري بالرد لظروف خاصه

عبدالله العلاج
17-09-2008, 07:46 AM
ونعم ونعم ونعم ونعم والله يرحمة ويسكنة فسيح جناتة
لين الحين عماني يذكرونة بكل خير
وامطير كلها اترحم علية وتذكرة بالخير

العيباني123
19-09-2008, 01:43 PM
يعطيك العافيه

اخوي عبدالله العلاج ماعليك زود

ؤجزاك الله خير

قلب الذئب
20-09-2008, 12:58 AM
الله يرحمه وجميع موتى المسلمين .

وابوشيبة معروفين بالكرم والفزعة وفيه واحد اسمع فيه وانا صغير من اهلنا بالسعودية يمدحونه وهو كويتي يقال له صياح ابوشيبة ودنا نعرف عنه وهل هو حي او ميت .

وشكرا لك .

العيباني123
21-09-2008, 02:14 PM
يعطيك العافيه

اخوي قلب الذئب جزاك الله خير

صياح ابوشيبة موجود ؤمجلسه عامر ابو ناصر والله والنعم

وقد كان من عناصر المقاومه بلكويت ايام الغزوا
وكان ممثل الشعب الكويتي بلغزوا للمطالبه بالتحرير بالرياض
وقد كان عضو مجلس ؤمه سابق
وعضوا مجلس بلدي سابق
ورئيس الاتحاد الكويتي للمزارعين سابقا
ورئيس الاتحاد للمزارعين العرب سابقا

مرفوع الهامه
03-10-2008, 04:20 PM
الله يرحم خنيفس ابوشيبه ويدخله وسيع الجنات


ماشالله عليه سيرة عطره عسانا نكون مثله

قلب الذئب
05-10-2008, 11:45 PM
يعطيك العافيه

اخوي قلب الذئب جزاك الله خير

صياح ابوشيبة موجود ؤمجلسه عامر ابو ناصر والله والنعم

وقد كان من عناصر المقاومه بلكويت ايام الغزوا
وكان ممثل الشعب الكويتي بلغزوا للمطالبه بالتحرير بالرياض
وقد كان عضو مجلس ؤمه سابق
وعضوا مجلس بلدي سابق
ورئيس الاتحاد الكويتي للمزارعين سابقا
ورئيس الاتحاد للمزارعين العرب سابقا


والله والنعم بذاك الرجل ماقصرت اخوي العيباني على المعلومات والله يوفقك وويوفق صياح ابوشيبة شكرا لك .

فواز بن لامـي
06-10-2008, 01:17 AM
ونعم والله


وهو اسد وعياله اشبال بمواقفهم


وشكرا لك اخي وعساك علي القوه

العيباني123
06-10-2008, 02:04 AM
يعطيكم العافيه يالربع

اخوي مرفوع الهامه جزاك الله خير

وان شاء الله تكون مثله واطيب منه

اخوي قلب الذئب ماعليك زود
الله يوفقنا ويوفقك الى مايحب ويرضى ؤكل مسلم

اخوي فواز بن لامي ماعليك زود

ماسوينا شي والله يقويك

مهاجر
22-11-2008, 05:24 PM
ونعم والله وسبعة انعام والله يرحمة ويسكنة جنات النعيم

جالي اللوايم
24-11-2008, 09:19 PM
والنعم وسبعة انعام

خنيفس ابو شيبه الله يرحمه
وجعل مثواه الجنه

كلن يعرف طيبه وفعوله
ومدة يمناه ماتخفى إلا على الجاهل...

العيبااني

تسلم يمناك سيره عطره
ويعطيك العاافيه

العيباني123
25-11-2008, 04:34 AM
ماعليك زود اخونا مهاجر
ؤجزاك الله خير

الله يرحمه ويرحم اموات المسلمين

ماعليك زود اخونا جالي

الله يسلمك من كل شر
ؤجزاك الله خير

for_305
07-12-2008, 06:22 AM
الله يرحم ويسكنه الجنه ويرحم المسلمين اجمعين

سلمت اخوي على العيباني123 على الموضوع


تقبل مروري

for_305

ابن غنيم الوسمي
10-12-2008, 06:37 PM
على الزين يابو ناصر جعل الله يبيحه ويسكنه الجنه

وحنا مالحقنا على خنيفس الله يرحمه

ولحقنا على عياله والله وسبعت انعام ولاهم بعيدين عن افعال ابوهم

يتسابقون الطيب طلقان اليماني

ولاهنت يالعيباني على السيره العطره لابو ناصر


احترامي

سعود فهد الغنيم

العيباني123
16-12-2008, 09:18 AM
ماعليك زود اخونا فور

جزاك الله خير

ماعليك زود اخونا سعود بن غنيم

جزاك الله خير

الله يرحمه ويرحم اموات المسلمين

الحيره
17-12-2008, 05:41 PM
اشوف الطيب بشيابين عاده ,, واثاريها من خنيفس وراثه

شكرا ,, لنقل الحقائق ,,

والله يرحم جميع اموات المسلمين ,,

دمت لنا

AZOOOZ الجبــلي
17-12-2008, 06:59 PM
لاهنـــــت اخــــــوووي/ العبيــاني


واللـــه يرحــــم ( خنيفـــس ) وعيــــالــه وسبعــــة انعــــااام


ويعطــــــيك الـــف عـــااافـــيه ع النقــــل والطــــرح الاكـــثر مــن رائعـــين


تقــــــــبل مــــــروري واحـــــتراااامــــي
أخـــوووك/ عــــ العنـــانــي ــــزوز

العيباني123
26-12-2008, 02:57 AM
صح السانك اخوي الحيره

والجبلان كلهم طيبين ؤسوالفهم انتنومس فيها

على قولة شايب عنزي خاوى الجبلان يقول والله ان الجبلان شيوخ من غير قصور فلباقين

جزاك الله خير

اخوي عزوز ماعليك زود والله يعافيك

جزاك الله خير

بعيد الهقاوي
26-12-2008, 03:09 AM
ونعم والله في خوالي
ولكن للأسف رغم ان هذه العائلة من خوالنا الا انني لم اتشرف بمعرفة احد منهم.
الله يعطيك العافية يالعيباني.
الله يرحمه ويغفر له ويوسع مدخلة بأعمالة الطيبة والله يقبل منه ان شاءالله.

العيباني123
28-12-2008, 05:34 PM
اخوي بعيد الهقاوي ماعليك زود

ايشرف مقدارك

جزاك الله خير

الله يرحمه ويرحم اموات المسلمين

الناس شهداء الله في الارض

شموخ انسان
30-01-2009, 01:32 AM
مشكور......

ابوسعيد
31-01-2009, 11:47 PM
العفو اخوي شموخ انسان

اقلط تقهو علامك مستعجل :)

العيباني123
12-12-2009, 10:44 PM
فيه سالفه لخنيفس ايام الغزو

خرجة عائلة باكملها من قبيلة الرشايدة من الكويت متوجهين للسعوديه عن طريق البر ايام الغزو

وبالقرعه الي فوق الدبدبه خلص بانزين سياراتهم

وواحد فيهم قال انا اعرفلي واحد ينقاله خنيفس ابوشيبه ابروحله يمكنه يسلفني حق بانزين سيارتي اروح الجماعتنا بالرياض اطلب منهم المساعده وارجعلكم انطروني

ويروح الرشيدي لبيت خنيفس بالدبيه ويقول حق خنيفس سالفتهم ونه يبي من خنيفس سلف فلوس مصاريف ذهابه للرياض عشان يرجع لافراد عايلته بالقرعه يساعدهم

وخنيفس يخلي اولده ناصر يروح مع الرشيدي لافراد عايلته الي بالقرعه ويترس سياراتهم بانزين ويشتريلهم اكل ؤفرش
ويعطيهم تكاليف ذهابهم لبني عمهم بالرياض

عادل الضامي
15-12-2009, 07:57 AM
رحم الله الوالد خنيفس ابوشيبه
واسكنه فسيح جناته فقد عرف
عنه الكرم وحسن الجوار وكان صاحب
طاعه وفيه ميزه طيبه نادرآ ماتجدها في
احد هذه الايام فهو لايحب ان تتكلم في احد عنده
ولايحب اغتياب الناس
رحمه الله وجعله من عتقائه من النار
وشكرآ لك اخوي على هذه القصه

العيباني123
16-12-2009, 11:13 PM
الله يجزاك خير اخوي عادل الله يرحمه ويرحم اموات المسلمين

فعلا خنيفس كان على كثر ضيوفه ولي يعزمهم كان قليل الكلام

كان بلغزو يذبح ست ؤسبع ذبايح احيانا حسب ضيوفه خاصه في بداية الغزو

وكان الجميع يعاتبه ايام الغزو على كرمه خايفين عليه من الفقر

كان كل ماشافله رجال اجنبي مهو من اهل الديره جابه وغداه في بيته ولا عشاه
هذا طبعه طوال حياته

ؤفيه سالفه تدل ان خنيفس كان كثير الصمت

كان دائما يعزم اي اجنبي يشوفه وما كان يحب احد يعرف اسمه

لدرجة ان الناس الاجانب كانوا يضنونه امير هذه البلده الي يجونها

وقاموا يسولفون عن كرم امير هذه البلده ونتشر بين الناس كرم امير هذه البلده

وبعد سنين اكتشفوا بالصدفه ان خنيفس ماهو امير هذه البلده وانه من عائله اخرى

أبوعبدالله45
11-02-2010, 12:38 PM
الله يغفرلة ويرحمة كنا نذهب سواااااااااا معاة ومعا عمي الله يرحمة في الوينيت صدرين الاحمر للابل في القرعة وكان لاتفارقة الابتسامة وطول البال رحمة الله وغفر له

خيل الصبحى جبل
27-03-2010, 11:43 PM
الله يرحمه ويرحم ناصر اولده هو سنده لاكن الدنيا ماتخلي الطيب

نبض الغلا
04-04-2010, 10:02 PM
مواقف لاتنسى لهذا الرجل .. العظيم

قرأتها فـ بكيت ... واستشعرت فراقـه

و" مكانـك يابو ناصر مايسـده أحـد "

ومانقول إلآ ... الله يرحمك ويسكنك الجنه مع الصديقين والشهداء والصالحين


ويعطيك الف عافيـه يا العيباني

العيباني123
05-04-2010, 02:13 PM
هلا اخوي ابو عبدالله جزاك الله خير والله يرحمه ويرحم اموات المسلمين

هلا اخوي خيال صبحى جزاك الله خير والله يرحمه واموات المسلمين

هلا اختي داشه عرض جزاج الله خير والله يرحمه واموات المسلمين

ؤفيه سالفه لخنيفس يوم يجي واحد اجنبي يطلب واحد من الجبلان دين

اتى رجل اجنبي للدبيه يبحث عن احد الجبلان ليطلبه دين وكان الاجنبي مايدل بيت الجبلي فقط يعرف اسمه

وتصادف الاجنبي مع خنيفس في الطريق ونشد خنيفس عن بيت فلان الجبلي
قاله خنيفس فلان مسافر مهو بالديره بس علمني اشبغيت منه
قال الاجنبي ومنهو انت قال خنيفس انا اخوه
قال الاجنبي اطلبه دين
وخنيفس يسدد دين الجبلي والاجنبي يرجع لاهله
وبعد سنين تواجه الاجنبي مع الجبلي الي يطلبه دين
واخبره الاجنبي بانه اتى يبحث عنه في الدبيه ؤلقيت اخوك ؤسدد عنك المبلغ المطلوب
قال الجبلي منهوا الرجال الي سدد عني انا ماعندي اخوان بالديره وشسمه
قال الاجنبي ماقالي اسمه بس قالي انه اخوك ومواصفاته كذا وكذا
وعرف الجبلي انه خنيفس