المساعد الشخصي الرقمي

مشاهدة النسخة كاملة : سبعة بيارق في لبن صبحنا (كون لبن)

سعود بن لامي
21-04-2007, 11:57 PM
السلام عليكم ورحمة الله وبركاته



كون لبن 1321 هـ وهو من اشهر وقعات مطير ... ومن اطراف المعركه جيش ابن صباح

وجيش ابن سعود ومعهم 8 قبائل وهم :
1.. العجمان
2.. آل مرة
3.. سبيع
4.. السهول
5.. بني هاجر
6.. بني خالد
7..المنتفق
8..العوازم


وانتصرت قبيلة مطير في هذه الوقعه انتصار ساحق ورجعت هذه الجيوش تجر معاه اذيال الهزيمه .....

وهذا مصدر يتكلم عن الوقعه


قال فاسلييف في كتابه ( تاريخ المملكة العربية السعودية ) عن كون لبن ما نصه : ( قام ابن متعب الرشيد بغزوات جديدة وظل كالسابق يعتبر حاكم الكويت مبارك عدوه الرئيسي فقرر ان يسدد الضربة اليه . وفي هذه المرة هب عبدالعزيز مع عدة الآف من رجاله لنجدة الكويتين في كانون الثاني ـ شباط ( يناير ـ فبراير ) 1903 م . وهجم الكويتين بقيادة جابر والنجديون بقيادة ابن سعود ومن التحق بهما من قبائل العجمان وآل مرة وسبيع والسهول وبني هاجر وبني خالد والعوازم على بدو مطير الذين كانوا موالين لآل الرشيد . وقتل في المعارك احد زعماء مطير وهو عماش الدويش وابنه وكانت نتيجة المعركة غامضة وهذا ما يستفاد من تقرير قنصل روسيا في البصرة حيث كتب عن هزيمة الحلفاء الكويتين والسعوديين على ايدي مطير )


.....


وقال مداد الهبيدة عن هذا الكون

يالله يالله ياللـي تعـلـم الشـانـي.......تفرج لبدو مـن الحكـام مضهـوده
كون جرى في لبن ما جا بالاكواني.......الملح وسطه يقـل الخـد برعـوده
قومان ما طرت العارض لنجرانـي.......وابن صباح و ابن سعود و جنـوده
نعم بربعي نهـار الكـون جبلانـي.......كم طلقوا من هنوف قبـل ملـدوده
وردوا لخضر النمش بالكون دوشاني.......و خلو جنايز خلاف البوش مرجوده
و خلاّ على ساقة الخلفات عبطانـي.......لذيب ياكل ثنـاد الديـد و خـدوده
يحسب مغاتير علوى عير صلبانـي.......خلوه عقب التعيقـد ينقطـع فـوده



وتقول النيره بنت ابن لامي :


عبطان هذي سواة المـوت
ضرب المخابيط مـا يـاوي
خلوك علوى تجر الصـوت
عليك ذيـب الخـلا عـاوي
جنب عن الوضح يا طاغوت
ماهي قراريـش بصـراوي


وناصر بن عبيد ابو حواس يقول :


سبعة بيارق في لبن صبحنا
يبن كسب ديارنا والحلالي
كثر العشا للطير منهم ومنا
وحنا هل الردات واهملالي



ويقول فلاح العراك :


زمان مضى مـا احـد يطبـة بلعانـي
.وم البنـادق لاشقـر المـاص لفاضـة
حماه الدويش اللـي ينـوخ للأكوانـي
.عيما ليا ثور عجـاج الرمـك خاضـة
هاك الحين يوم الخيل تقضب بالارساني
.مى الشرف والصمان فيصل بمركاضه
وكسر له جموع جمعت عقب سلطاني
.حمى العطفة اللي لاشقر الراس نقاضة
هاك اليوم يشبع من لبن كـل جيعانـي
.أهل الفوز حنا واكثر الناس مغتاضـة
لنا معجزات عند روغـات الاذهانـي
.عوايد فعول مطيـر للـراس نهاضـه



وشكرآآ لختي بنت هايف . .

للآمانه الموضوع منقول . .
عود الليل
22-04-2007, 12:20 AM
بيض الله وجهك يا سعود

رائع دائما بما تنقله لنا

تسلم يمينك على النقل

مداد الهبيدة
نعم بربعي نهـار الكـون جبلانـي.......كم طلقوا من هنوف قبـل ملـدوده

يحسب مغاتير علوى عير صلبانـي.......خلوه عقب التعيقـد ينقطـع فـوده

النيره بنت ابن لامي
خلوك علوى تجر الصـوت...........عليك ذيـب الخـلا عـاوي
جنب عن الوضح يا طاغوت.........ماهي قراريـش بصـراوي

متنومس عقب هالسوالف والقصايد
الـقـعـيـمـي
22-04-2007, 06:19 PM
يعيطك العافيه ياسعود ويابنت هايف

بادره طيبه

وطاب منقولك
فهد السالم
22-04-2007, 11:27 PM
يعطيك العافيه اخوي سعود

ومشكور على نقلك و كذالك المصداقيه في نقلك للمواضيع,,

تقبل مروري,,,
الرحـــال
23-04-2007, 02:44 AM
ونعم بالجبلان ومطير

يعيك العافيه على التواريخ الصحيحه

تقبل مروري
عبدالله السالم
23-04-2007, 12:29 PM
الله لا يهينك يا سعود على نقلك لكون لبن المعروف
والله يعطيك العافية
سعود بن لامي
24-04-2007, 01:12 AM
عود الليل . .

لاهنت علي مرورك وتسلم وماقصرت يالغلا . .
سعود بن لامي
24-04-2007, 01:13 AM
القعيمي . . يعافيك يالغلا . .


لاهنت علي مرورك الكريم . . لاخلا ولاعدمـ
سعود بن لامي
24-04-2007, 01:13 AM
السالمي . . يعافيك يالغلاا

لاهنت علي مرورك الكريم . .

تحياتي لك يالغلا
سعود بن لامي
24-04-2007, 01:14 AM
الرحال . . يعافيك يالغلا . .

ماعليك زود . .

لاهنت علي مرورك
سعود بن لامي
24-04-2007, 01:15 AM
يعافيك يالنداوي . .


لاهنت علي مرورك الكريم . .


تحياتي لك
" فهد الجبلي "
24-04-2007, 01:53 AM
نعم بربعي نهـار الكـون جبلانـي.......كم طلقوا من هنوف قبـل ملـدوده

يحسب مغاتير علوى عير صلبانـي.......خلوه عقب التعيقـد ينقطـع فـوده



يا سلام عليك يا سعود ..


اختيار موفق يابن لامي .. الف شكر لك ..!
دمعة ناقة
24-04-2007, 05:59 AM
كون لبن اول مره اسمع فيها

يعطيك العافية ياسعود

وعسا دوم ياعود متنومس

وماهي غريبه على مطيررر
سعود بن لامي
25-04-2007, 03:12 AM
مقلدي . .

لاهنت علي مرورك الكريم . .

آختيارك انت بذات موفق علي هالموضوع
سعود بن لامي
25-04-2007, 03:13 AM
أول مره تسمعين بكون لبن ؟ ؟ ؟


^_^

يعافيتسـ يادمعه لاهنتي علي مرورتسـ بس كون لبن معروف
دمي جبلي
23-05-2007, 11:19 AM
السلام عليكم ورحمة الله وبركاته

يعطيك العافيه يبن لامي

واسباب كون لبن ان بن صباح وبن سعود اضهروا امتعاضهم
لان سلطان الدويش ماكان راضي عن غزواتهم على ابن رشيد
ولم يشارك بشكل فعال فقررو كسر شوكة الدويش بالصمان
وقد اشترط عبطان السعدون عليهم عندما طلبوا منه مشاركتهم بغزوا مطير
انه ياخذ نياق الدويش الشرف فوافقوا على طلبه
وقد قتل عماش الدويش بهالكون ؤقال لعياله تكفون ياعيالي ماخبر احد اخذ حلالنا
وعياله السبعه ينذبحون بهالكون
وقد حذر الفارس سطام ابا الخيل وقد كان قائد قوات الملك عبد العزيز الغازيه على مطير فقد وضعه الملك عبد العزيز بهاذا الموقف ليختبر مدى ولائه له
فحذر سطام قواته ؤقالهم ان جينا البل ؤهجت ترا فيه ناقة وضحى فيه رقعة بخشمها
ان هجة البل تراها ابترجع الولدها حروتها والده لحد يجيها
قالوله ليه محد يجيها
قال الي بيجيها بيلحقونه اهل صفروين عليهم جوخ حمر واحد فيهم يقول للثاني امسكه مسك لاتذبحه
فقال عقيد سبيعي من ضمن قواته والله ماخليها يقصد الناقه
قاله سطام تراي حذرتك
ؤيوم صبحو البل والنياق تهج لاوالله هاذي الناقه ارجعة الولدها ويقوم السبيعي ؤياخذ حوارها ويتحضنه على ظهر الفرس ؤهو يهج فيه والناقه بطبيعة الحال بتلحق ولدها ؤهو يلحقه الفارسين وطبان الدويش ومحمد ابوشيبه ومحمد يمد الشلفى على السبيعي بيذبحه قاله وطبان لاتذبحه امسكه مسك والسبيعي يوم شاف الشلفه ؤهو يحذف نفسه من الفرس يوم امسكوه لاوالله السبيعي يضحك قالوله وشفيك تضحك قال
سطام حذرني ؤكل الي قاله صارلي قال محمد دام الي قايلك سطام اجل تراك بوجه سطام لين تاصل لاهلك ؤيوم وصل السبيعي للملك عبد العزيز قاله والله ان سطام
ساحر قاله الملك وشلون قال حذرنا سطام ؤقالنا بتهج البل وبترجع ناقة وضحى وبيلحقونكم فارسين ....الخ قال الملك يومنه رجال يعرف ربعه
اما الفارس سطام ابا الخيل يومنه شاف جيشه يسلب بيوت الجبلان
والجبليات ينخنه تكفى ياسطام الذيب ماياكل لحم ذرعانه
ؤسطام يمد البندق عليهم ويامرهم بارجاع ماسلبوه وينظم للجبلان
ؤيوم سمع الملك عبدالعزيز بالسالفه قال شايل الخرج وثر بالخرج داب
وبعد انتهاء الكون الجبلان حذروا سطام لايروح للملك تراه بيذبحه ولكن سطام ماطاعهم ؤذهب ؤقال للملك والله لو انك قدامي يوم ينخني بنات عمي اني لاذبحك
قال الملك ؤهاذا الي عاجبني فيك ياسطام احميتك ؤفزعتك وعفا عنه

فمان الله
سعود بن لامي
30-05-2007, 12:08 AM
لاهنت يالغلا . .

علي ايراد القصه لسطام . .

لاخلا ولاعدم
دمي جبلي
30-05-2007, 10:33 PM
السلام عليكم ورحمة الله وبركاته

يعطيكم العافيه يالربع

لاهنت يبن لامي

حبيت اضيف للقصيده لان فيها بعض الاخطاء ولايضاح بعض الكلمات

والشاعر مداد الهبيده ابوشيبه

يالله يالله ياعالم الشاني : تفرج لبدو من الحكام مضهوده
قومان ماطرة لعارض ونجراني : وبن صباح وبن حثلين وجنوده
كون جرا في لبن ماجا بالاكواني : كون خلط مع عسام الجو بارروده
ؤردو لخضر النمش بالكون دوشاني : كم واحد عزبوبه عن نخل عوده
ؤنعم بربعي نهار الكون جبلاني : كم جادل طلقوها قبل ملدوده
لجة ولجوبها ذربين الايماني : دوك الجنايز خلاف البوش مرجوده
ؤخلي على ساقة القطعان عبطاني : الذيب ياكل ثناد الديد وخدوده
يحسب مغاتير علوى عير صلباني : خلوه عقب التعيقد ينقطع فوده

لعارض: بلده بالسعوديه
نجراني : بلده بالسعوديه
عسام : غبار المعركه
خضر النمش : الشلفا او الرمح
عبطان : شيخ قبيلة المنتفق
بن صباح : الشيخ مبارك آل صباح
بن حثلين : الشيخ راكان بن حثلين
ثناد الديد وخدوده : كناية عن كثرة القتلى بالمعركه وان الذيب يختار اللحم الترف لياكله

فمان لله
الشاعر
31-05-2007, 01:18 AM
يمال العافيه على النقل الطيب


وماقصرت
سعود بن لامي
31-05-2007, 05:52 AM
دمي جبلي

لاهنت


ماقصرت يالغلا
سعود بن لامي
31-05-2007, 05:53 AM
الشاعر

لاهنت
بـنـت هـايـف
09-06-2007, 10:07 AM
سعود ابن لامي ..

اشكرك على الموضوع الطيب ..


دمي جبلي ..

راكان بن حثلين مات قبل كون لبن بسنين ..

والبيت الصحيح كما اورده اخونا ابن لامي ..


ولكم تحياتي ..



اختكم / بنت هايف ..
دمي جبلي
09-06-2007, 11:35 AM
السلام عليكم ورحمة الله وبركاته

يعطيكم العافيه جميعا

اختي بنت هايف بعد التحيه

كون لبن كان على وقت سلطان الدويش وراكان بن حثلين كان معاصرا لسلطان
يوم يقول راكان مخاطبا سلطان :
وليا وصلته خبر الشيخ سلطان : زيزوم علوى مبعدين المناحي

وكون لبن حدث مباشرة بعد معركة الصريف بين الشيخ مبارك وبن رشيد
يوم يقول سلطان الدويش :
نبا نطارد مكرمين الضيف :شمر هل البوش العفر

ورد عليه بن رشيد وقال :
نعطيك ماجوبك بحكم الضيف : شلفا يفجن النحر

اما هذا البيت :

قومان ماطرة لعارض ونجراني : وبن صباح وبن حثلين وجنوده

جيش الملك عبد العزيز كان بقيادة سطام ابا الخيل

فا مايصير يقولون وبن سعود وجنوده

هاذا معناتها ان الملك عبد العزيز كان على راس الجيش المحارب
وهاذا غير صحيح
الملك ارسل سطام لمحاربة علوى لاختبار مدى ولائه له

الملك عبد العزيز ايضا كان يرسل جيشه بقيادة سطام لمحاربة بن رشيد

انا ماعلي من القصايد المكتوبه بالكتب وتقرونها انا ماخذ القصيدة من مصدرها

فمان الله
خـيـ صبحا ــال
11-06-2007, 05:28 PM
يعطيك العافيه ونثمل منك الجديد
WLD_ALJBLAN
13-07-2007, 11:18 AM
مشكور على التوضيح الجيد وماقصرت

ومطير لاجتمعو بمعركه وحده عزالله راحوفيه العدوان لو مية قبيله

والقوه والشهامه معروفه عن مطير من الجاهليه

وعصر الجاهليه كان هناك مطران ولا وعتيبه

بس القابهم غير عن اسم عتيبه وعن مطير

وهاذا الكلام ماجبته من هواي هاذا كلام مشهود عنه

والله العالم
سعود بن لامي
18-07-2007, 03:48 AM
لاهنتي بنت هايف . .


ولاهنت يادمي جبلي . . .


حنا مانقول الشيخ راكان مهو معاصر الشيخ سلطان الدويش . .


نقولك مات قبل المعركه بسنتين . .


لاهنتم
azizmt
18-07-2007, 05:42 AM
دمي جبلي و الله اني ارفعلك القبعة و أضربلك تحية شرح وافي و معلومات دقيقة خاصه سالفة السبيعي التي اردت ان اجد بها شيء يختلف عن ماسمعت ولم اجد عزالله انك مكسب حقيقي للمنتدي و لاهان جميع الربع
بن مسلّم
18-07-2007, 09:32 AM
سعود بن لامي

ماقصرت على النقل الطيب

ولاهنت يالامير على هالموضوع


تحياتي لك
دمي جبلي
18-07-2007, 03:42 PM
السلام عليكم ورحمة الله وبركاته

يعطيكم العافيه يالربع

مادري انا اذكر اني قرية عن كون لبن باحد الكتب انه راكان بن حثلين
على العموم ان كان راكان او غيره الله اعلم العجمان ادرى منا بهالشي
انا علي من البيت انه الصحيح هو

قومان ماطرة لعارض ونجراني : وبن صباح وبن حثلين وجنودة

وليس :
قومان ماطرة لعارض ونجراني : وبن صباح وبن سعود وجنودة
لان الي شارك جيش الملك عبد العزيز فقط بقيادة سطام ابا الخيل
اما الملك عبد العزيز شخصيا لم يشارك

بن قريان الضاهر نفس المصادر :)

ولي بالمنتدى والله والنعم فيهم الخير ولبركه مو مقصرين كفو ووفو


فمان الله
سعود بن لامي
19-07-2007, 05:54 AM
لاهنتم . .


ولاهنت يادمي جبلي


لاخلا ولاعدم
azizmt
20-07-2007, 03:03 AM
وعصر الجاهليه كان هناك مطران ولا وعتيبه

بس القابهم غير عن اسم عتيبه وعن مطير
ولد الجبلان تحياتي لك كلامك سليم مطير ترجع لقبيلة غطفان و عتيبة لقبيلة هوازن و حرب لقبيلة مزينة وعنزة لوائل ..............الخ
هواوي
26-03-2010, 12:37 AM
اقتباس:
المشاركة الأصلية كتبت بواسطة سعود بن لامي http://www.aljblan.net/vb/dc.net.sa-aljblan/buttons/viewpost.gif (http://www.aljblan.net/vb/showthread.php?p=7757#post7757)

وقال مداد الهبيدة عن هذا الكون

يالله يالله ياللـي تعـلـم الشـانـي.......تفرج لبدو مـن الحكـام مضهـوده
كون جرى في لبن ما جا بالاكواني.......الملح وسطه يقـل الخـد برعـوده
قومان ما طرت العارض لنجرانـي.......وابن صباح و ابن سعود و جنـوده
نعم بربعي نهـار الكـون جبلانـي.......كم طلقوا من هنوف قبـل ملـدوده
وردوا لخضر النمش بالكون دوشاني.......و خلو جنايز خلاف البوش مرجوده
و خلاّ على ساقة الخلفات عبطانـي.......لذيب ياكل ثنـاد الديـد و خـدوده
يحسب مغاتير علوى عير صلبانـي.......خلوه عقب التعيقـد ينقطـع فـوده.

تصحيح القصبده اخي سعود

قال الشاعر مداد الهبيده بوشيبه

يالله يالله يالي تقضي الشاني ... تفرج لبدون من الحكام مضهوده
بدوان ماطرت العارض النجراني ... وبن صباح وبن حثلين وجنوده
كونن جرى بلبن ما بالاكواني ... كونن خلط اعسام الجو باروده
ردو خضر النمش بالكون دوشاني ... كم واحدن عزبوبه عن نخل عوده
ونعمن بربعي نهار الكون جبلاني ... كم جادلن طلقوها قبل ملدوده
لجت ولجوبها ذربين الايماني ... دوك الجنايز خلاف البوش مرجوده
يحسب مغاتير علوى عير صلباني ... خلوه عقب الشجاعه ينقطع فوده
خلوه على ساقت القطعان عبطاني ... والذيب ياكل ثناد العفن وخدوده
العنصري
15-07-2010, 03:49 PM
مشكور اخوي بس حبيت اسال مداد الهبيدة هو مداد الهبيدة من بوشيبه اللي قصد بمحمد بوشيبه