عتيبة تغزي مطير بديارها شجاعة مابعدها شجاعة . تفضلوا

[قلب الذئب]

اقرأو هذه المعركة الشرسه حسب مفهوم كاتبها الموقر باحد المتتديات سمعت فيها المملكة المتحدة وارسلت جواسيسها لترى شجاعة قوم كاتب الموضوع (( اللهم لك الحمد )) :

نزل الأمير مسلط بن ذعار بن مشاري بن ربيعان ومعه 50 رجال من ذوي ثبيت من قبيلة عتيبه على الوقبا المنهل المعروف شمال حفرالباطن وكان على هذا المنهل عربان ٍكثيره من قبيلة مطير
وهم ميمون وشيخهم ناصر بن شرار
والصعران وشيخهم قاعد بن نايف بن بصيص
وذوي عون وشيخهم أبن جبرين
والسقايين وشيخهم أبن سقيان
والصعبه وشيخهم نايف بن قطيم بن ضمنه وأخوه منيف
من مطير ووذوي بديروالحلف والعوارض والعفسه والجشوش وغيرهم

وكانوا ذوي ثبيت من قبيلة عتيبه يشربون من بير أسمها (الغديّر)وعليهامركز حلال ومطايا عبدالواحد أميرحفرالباطن والمسؤل عن الحلال والمطايا مطيري وقام المطيري بتوريد أبن عمه وحلاله على البير( الغديّر) ومنعوه أثنان عتبان من ذوي ثبيت وهم مذكربن مداد أبوحمرا الثبيتي وحميان بن عبيد السعساع الثبيتي ورفض المطيري الأمتناع فضربوه وذهب يصيح ويستفزع جماعته مطير وجوفزوع من كل الجهات وحصلت هوشه شرسه من العصر حتى غروب الشمس وأنتصروا فيها العتبان من ذوي ثبيت وبقوا يصولون ويجولون والمطران طرح ٍ على الارض وليس مع ذوي ثبيت من عتيبة ألا اثنان هم فهيد بن صليهم الدعجاني ونجا بن مبروك الغبيوي وبعد ما أنتهت الهوشة
قصد شاعر ٍمن مطير قصيده ما وراها ألا المهايط علي ماش

لوصملناياعشاشيـق حـشـاره
كان يمسي الجومن نزلكم خالي
تنطحـون مطيرومطيـرجـزاره
يردعون الجمع الاول على التالي


بنهاية الهـــرج ما يصح ألا الصحيح يا عتابه وأنهي هرجي بهالقصيده
أن جتني العوجا من الربع الأنجاس
لي وقفــة ٍماهيب وقفة بذومي
تلقح وتنجب غيض وتضيق الأ نفاس
ماهمني فالقيـــض لفح السمومي




منقوله بالحرف الواحد واكيد انها معركة شرسه ترى كم عدد القتلى اكيد ان عددهم تجاوز ال1000 شهيد الله يخلف على التاريخ بس . هذه المعركة الوحيدة !!!! التي حاربوا فيها مطير بديار مطير وتجرأو ونسوا ان الصعران ومطير تناوخ القبائل بديارها فالفرق واضح بين شجاعة الشجعان وهياط البزران . تكفون لاحد يضحك على اللي كتب الموضوع اعلاه تحمدوا الله على نعمة العقل .

طبعا لااحب اقلل من قبيلة بكاملها لاكن كاتب الموضوع مالقى الا هوشه وحطها معركة ومع العلم اني ماسمعت فيها الا لما كتبت الصعران وطلع لي الموضوع هذا.

[سطام العوض]

أخي الكريم قلب الذيب هذا ضرب من الهذيان لا ينطق به الا السفهاء ممن حرموا نعمة العقل , وكان الأجدر عدم الإلتفات له وإعادة نشره .

[راعي الوضحا]

لا وشرسه بعد
هههههههههههههه

كلام سفهاااااء

[بعيد الهقاوي]

قلب الذيب مشكور على نقلك لهذه الهوشة.
قلب الذيب يمكن يكون خنقو الثبيتي يابويا .

[طقها ولحقها]

اخي قلب الذيب اسعد الله اوقاتك بكل خير والحمد الله على نعمة الاسلام
الهوشة حصلت ولاكن ماتستحق الذكر وكلها ماتعدت نصف ساعه وغلب
الي كانو في الهوشة على قيد الحياه منهم سويلم الثبيتي وهوالان بالمجمعه امام
مسجد وهو الي بدا بالقصيده ومبدها يقول الثبيتي

امتلا المعطان لعيون حشارة = من ايدين امطوعت كل عيالي
ياعبادل مابكم لون جزاره = طيبين وطيبنا فوقكم عالي

وصارة الهزيمة على العتبان علمن نه ماصارفيها اطلاق نار ولاطعن بسكين
تشابك باليدين وبعصا وحذفي ونصاب كم واحد من الطرفين اصابات خفيفه
وبعد ابيات الثبيتي ردعليه احد المطران قال

لوصملنا ياعشاشيق حشاره = كان يمس الجومن نزلكم خالي
تنطحون امطير ومطيرجزاره = يردوعون الجمع الاول على التالي

هذا ماحبيت ان وضحه للقرا الكرام = وعتيبه والنعم وامطير وانعم وكل القبايل والنعم

وهذا وتقبلوا تحياتي وتقديري

[التوم]

ان خاطبكم السفهاء فقولو سلاما

هذي مجرد اقاويل اخوي قلب الذئب ماعليكم من الهرج

وعتيبه قبيلة معروفه وعزيزه علينا

[قلب الذئب]

مشكورين على مروركم الرائع والمشرف واضافاتكم الطيبة .

الاخ سلطان الجبلي قبيلة عتيبة ونعم فيهم لاكن كاتب الموضوع مالقى درب على مطير الا انه ينزل موضوع هابط وكذلك بعض الصغار الان بوقتنا الحالي هذا يكتبون مواضيع سيئه تمس فيصل الدويش خاصة ومطير عامه لو مااوقفوا عضويتي كان رديت عليهم في منتداهم وانتهى الموضوع مايحتاج انزل مواضيع تمسهم وهي ردة فعل طبيعيه مني ، اذا تبون تحذفون الموضوع احذفوه ولا عندي اي مشكلة بالعكس يهمني منتدى الجبلان واني لاأسيء الى هذا المنتدى الرائع ابدا . وتحياتي لكم

[دمعة ناقة]

اصلا لاقيل تراحيب ابن بصيص هذاااااااااا يكفي


فما بالك لو قيل اسماء شجعان مطــــــير لاتعد ولاتحصى
من الدوشان
الي السقايين
الي العوارض
الا العبيات
الي البراعصة
الي الجبلان

وكافة امطير بدون استثناء

[جالي اللوايم]

السلام عليكم ورحمة الله


أمطير والنعم والعتبان والنعم

لاكن لايحرف التاريخ لأغراض عنصرية ...

هاذي كانت هوشة وما حصل فيها قتل الله وكبر الولايات المتحده طرشت جواسيس ...


أستغرالله وأتوب إليه ..

تقبل
م
ر
و
ر
ي

جالي اللوايم

[عود الليل]

ههههههههههههههههههههههههههه

الحمد لله والشكر أجل أرسلوا جواسيسهم يشوفون شجاعت بعض القبائل

أخوي والله إن بعض الناس عار وعاله على قبلته وأهله
ولا وش السالفه هذي هوشه صارت معركة

ياخوي ربعه وقبيلته ماهي محتاجه السوالف هذي
ربعه طيبين ونعم وألف ونعم فيهم
وقبيله ماهي هينه لها صولات وجولات
ماهي محتاجه مثل السوالف هذي

لكن مثل ماقلت لك والله عار على ربعه وأهله
تقبل تقديري وودي ...

[مهاجر]

الواضح ان اللي كتب الموضوع شخص سقيم يحاول ان يمجد قبيلتة على حساب

الاخرين.اول شي قبيلتة معروفه وتاريخها معروف ولا تحتاج لواحد مثله يلفق

سوالف. ثاني شي اذا يبي يتكلم عن فعل لاينسى شي واحد بس ان 26 امير

من امراء عتيبة ذبحتهم مطير وهذا غير الفريس..


قلب الذئب تقبل مروري

[الجشي]

السلام عليكم ورحمة الله وبركاته

القصة المذكورة فيها مغالطات كبيرة

فهي هوشة مشاعيب على ماء الوقباء المعروف والقصة طويلة .

مختصر القول ان الهوشة في بدايتها بين بني عبداللة ( ميمون ، والصعبة )والروقة

وذبحوا فيها الروقة والشاهد القصايد اللي نبي نذكرها الان وللمعلومية انا ماخذها

قبل 8 سنوات من الشاعر سويلم بن نعيسان العتيبي بنفسة والدليل على ذبحتهم

ان اللجنة اللي ارسلها الملك عبدالعزيز طيب الله ثراه حكمت على المطران دفع

غرامة مالية لعتيبة ثمن الصواب اللي فيهم وبعد ذلك انفهقو الروقة من الماء دون

امر من الحكومة مثل ماهي شارحة القصيدة.

ولم تحضر سلسلة الشيوخ اللي هم اذكروها بل بالعكس تركي بن ربيعان شيخ الروقة

اللي على الماء فجر راسة محمد جحنة الجش وشيل من الهوشة منصرع .


اما الصعران فما اشتركوا اتوا بعد انتهاء المعركة وايرادهم في قصيدة العتيبي نوع

من المبالغة كما هي عادتهم.

والقصة تقريبا حصلت 1949م لغزو ولاهم يحزنون.
سويلم بن نعيسان يقول في قصيدته


ياعبادل مابكم جزارة = طيبين وطيبنا فوقكم عالي

امتلا المعطان لعيون حشارة = من يمين مطوعت كل عيالي

الخليوي ماتهنا بمسيارة = مالقا في فيت العصر شيالي (1)

والصعيري فزعته ماتطرح الشاره = مثل دلون يوم تصفق على الجالي


فرد عليه عيسى بن وقيان الجش (عريج )


يوم جينا ياعشاشيق حشارة = اصبح المعطان من نزلكم خالي

زود دمك حطه اليوم بتجارة = لبدالك حاجتن منه تكتالي (3)

الله اللي رمابك بين مطير ومطير جبارة = يدحمون الجمع الاول على التالي

1- الخليوي ميمون اضرب وهو مسير على ابوحشارة العتيبية اللي في القصيدة

وهو مايدري بالهوشة وتقاضوله بتركي بن ربيعان الجشوش

2- يشير الشاعر للغرامة اللي دفعوها المطران لعتيبة لن اللجنة ثمنة الصواب

بالعتبان اكثر .

القصة نقلا عن سويلم بن نعيسان العتيبي وكثير من شيبان الجماعه اللي حضرو

الهوشة حيين .

[سيف بريه]

الكلام الفاضي مايوكل عيش

اتحدا عتيبه كلها ان كان لهم غزوه علي مطير داخل اديارها

واقصد هنا علوا وبريه من حفر العتش لغاية الكويت

اتحدا اي واحد يقول عتيبه غزت مطير في عقر دارها

مافي غير المجمعه وهو كون للامام عبدالعزيز امّا مبيحيص سوالف ليل

[سلطان]

http://www.aljblan.com/vb/images/Quotes_Normal/quot-top-left.gifاقتباس:http://www.aljblan.com/vb/images/Quotes_Normal/quot-top-right.gifhttp://www.aljblan.com/vb/images/Quotes_Normal/quot-by-left.gifالمشاركة الأصلية كتبت بواسطة ؟ http://www.aljblan.com/vb/uae4host/buttons/viewpost.gif (http://www.aljblan.com/vb/showthread.php?p=146416#post146416) http://www.aljblan.com/vb/images/Quotes_Normal/quot-by-right.gifhttp://www.aljblan.com/vb/images/Quotes_Normal/quot-top-right-10.gif اصلا لاقيل تراحيب ابن بصيص هذاااااااااا يكفي


فما بالك لو قيل اسماء شجعان مطــــــير لاتعد ولاتحصى
من الدوشان
الي السقايين
الي العوارض
الا العبيات
الي البراعصة
الي الجبلان

وكافة امطير بدون استثناء
http://www.aljblan.com/vb/images/Quotes_Normal/quot-bot-left.gifhttp://www.aljblan.com/vb/images/Quotes_Normal/quot-bot-right.gifولا ننسى كذالك الدياحين

هل تعلم انه عتيبه تدعي على بعضها بالدياحين

من فعلهم بعتيبه

ولا انسى الصعران مجندلين عتيبه

ولا انسى الدوشان منزحين عتيبه