كب السهر ياجفني الخادر و نـم=لك كم يوم ماحضنـت الوسـاده
تصبح على هم و تمسي على هم=أثر السهر لمولع القلـب عـاده

تــمــوت المراجل عند غيرك وتحيا فيك


وتبقى المراجل ميزتك وانت راعيها



((للجبلان))

تعبت أضم البحر وأهدي أمواجه=تعبت أجامل وأشوف الوقت يسرقني
شكواي للي عليه الضيق وإفراجه=اللي إذا شاء يرحمني ويرزقني
الناس كل (ن) على دربه ومنهاجه=وأنا عن الناس مابه شي يفرقني
إلا أني دايم أحب الصدق وأواجه=مخلوق والله على هالوضع خالقني

ياوجد حالي وجد من نام ثم قام=على صياح امه وهو دون رجلين
عويق وامه تنعته والنعت سام=وهو خابر انه يقسم الصف صفين
حبا وصاح بصيحة تاصل الشام=منها تقطع في خفوقه شرايين
على وليف قسم اظنوني اقسام=واقفى وانا ما اعرف طرد المقفين
راح وترك في صدري ووسووم واعلام=وصى علي طيفه وقفى بقلبين