رص المشاعر بالحبر ياقلم رص..=وبعد المشاعر باقي الحب رصه..
قلبي يعاني وانت بالحب مختص..=انت الذي عقلي بالافكار خصه ..
قصة غرام كانت اكبر من النص..=فيها حبيب ساكن القلب نصه ..
اخر كلامي اطلبك ياقلم وص..=خلّي على حبي بالاشواق وصه

لا هنتو

راجع حساباتك ابلحظة سكوتك =وخذها نصيحه يعل ربي يعافيك
مافيه اجمل من صديق يصونك =ولافيه اقسى من قريب يعاديك
اكبر خطا نسيان من يذكرونك =اعظم وفا غلا شخص يغليك
اكبر قهر لاصار ناس يبونك =وانته تبيهم بس حظك معاديك

حط السهر فوق السهر واذبح الشوق .... =واجرح كثر ما كنت تجرح و زيده ....
واعلن وفاتي وارفع بهامتك فوق ....=صدق وصلت وصار كل ما تريده ....
واكتب على نعش الغلا بدمعة الموق .... =غالي ذبح منهو يحبه بايده ....

صورتك في عيني وفي ~القلب~طاريك=تعال شوف بدنيتي (وش مكانك؟)
ان جيت كل دقات قلبي تحييك=وان (رحت) يكفيني بقايا حنانك
أعاهدك ما يوم ممكن (أخليك؟؟)=وماعاش من ياخذ بقلبي (مكانك)

يامرحبـا حيـت ياطيـب الـذات=ياللي على الهاتف بعثـت الرسايـل
يامرحبا يامرحبـا عشـر مـرات=واعداد مالاحـت بـروق المخايـل
دوك المثايل صغتها لك بالابيـات=ماهو بشعر فـي برامـج شمايـل
وصعب المعاني عند مثلي سهـالات=لاصرت بامدح متعبيـن الاصايـل
اهل الكرم والجود وهـل المـروات=حمر النواظر فيهـم الشـك زايـل
وان كانها بالفعل هيهـات هيهـات=عندي على ماقـول كـل الدلايـل
في قيادة الدوشان اخذنا البطـولات=اخوان جـوزى امزبنيـن الدخايـل
وعلوى هل الردات في كل الاوقات=مرفوع بيرقهـا ولاهـو متمايـل
فهود الزراق اهل الفعول الكبيـرات=ياكم شيـخ شـاف منـا الهوايـل
ياكم شيخ ضيع الـدرب ثـم مـات=بسيوف علوى ينعـدل كـل مايـل
لامن رقوا علوى ظهور الاصيلات=وطار الحيا من راعيـات الجدايـل
يردون حوض الموت ورد الضميات=ياكـم قومـا اهجدوهـا القـوايـل
واللي لفنه خيـل علـوى مغيـرات=اصبح عقب عزه يعيـش الذلايـل
لاجات علوى كل جمعا غدا شتـات=ياكم جمـع عـن طريقـه تمايـل
علوى رقت بالطيب سبع السمـوات=ماهو بهرجـا بيـن قيـل وقايـل
وختامها صلوا على سيـد البريـات=محمد اللي فيـه اطهـر خصايـل

الشاعر / نايف بن فهد الحبيني

سهيت وما دريت انك تجي في وقت سهواتي = الا ياليتني عايش على طول المدى ساهي ....

صح بدنك اختي اخت القمر وهذا من طيب اصلك
---------------------------
$
$$
$
لكل عاشق ..

يا الله لا تقطع رجـا كـل مشتـاق=بامرك يا رب الحلم يصبـح حقيقـه
وأنا أدري أن الوصل تاليـه لفـراق=ولولا الأمل .. ما تحمل النفس ضيقه