لو كل عين تهل الدمع وتسبله
ما شفت بعض القلوب تموت في غيضها
من ياخذ الهم بالأحضان. ويقبله
ياريض روحه عن الأفراح.. ياريضها

علي كثر الجروح اللي لفتني انتهى الاحساس ...
بديت اجدد ايامي واعيش لنفسي مع روحي

لا فلّت الذكرى على الجرع الاحساس

وعن شانها النسيان يغنيه شانه

في ناعم الخصله سرى عطر الانفاس

والورد يكتال البرد من ثمانه

وألفاظها تسبح مع النور في الكاس

كن القمر يقطر عليها حنانه

غرقت ف رموشٍ على الخد نعّاس

ف اهدابها در (الخليج) وجمانه

آبشعل أحلام المساء أشموع واعراس

وكم ف السماء نجمه وف البحر دانه

يوم الهوى بالذاكره دق الاجراس

نوّر بها مسراي وأدمى بنانه

طفل الحرير المخملي قبلة الماس

في ريشة المحمل من أرض الكنانه

أقبل يباهي بالخطى تايه الراس

سلّم وقام له الترف من مكانه

هو عزوة أشعاري على كل نوماس

والقاف في وصفه شريدة خوانه

لا ناحت الورقاء على كل ميّاس

كل بكى حبه وعاتب زمانه

والكلمة اللي تنحصر بين الأقواس

أنا حزن. وانت اعتبرها ميانه

اليا ذكرتك لنّك البعد والياس

واليا نسيتك لا نت مثل الأمانه

ليتك مثل قلبي وأنا فيه هوجاس

ما صرت كف صرت له خيزرانه

أوليت يوم الله فرق ناس عن ناس

وأعطاني الحاجة عطاك الفطانه

مساء النور اخت القمررر منووره

يا عين نامي وخلي للزمن همي
خليني ارتاح واسلي باقي ايامي
متى على الله جروح الوقت تلتمي
لا نيب راضي ووقتي يرفض احكامي
يقلط علي الزمن جيعان ويسمي
يشبع ولا رفرفت من جوره أعلامي
أفز وانفض غبار خلفه غمي
اقصى خضوعي كتاب يشرب اقلامي
اضحك بعز العنا واظهر جلى جمي
لا من تحروا دموعي سالت انغامي
تجارب الوقت قلبي صمها صمي
اعاين الدرب قبل اطاه بقدامي
كم سال موقي وبلل بالمطر كمي
مع كل هذا صبور وموقفي سامي
ما اشكي على إنسان مهما كان حتى امي
اشكي على من وهبني نعمة إسلامي
ما خبرني قلت يا خالي ويا عمي
اشيل حملي على متن وانا ظامي
العز داخل وريدي دم من دمي
لو قل زادي وبين جلدي اعضامي
واللقمة الطيبة يتعب لها فمي
لو دونها تنتظرين لحظة اعدامي
واللي وقف له زمانه وانثنى يمي
والله لحقق لعينه صعب الاسلامي