يلعن ابو الحب.. واللي فيه يتعلّـق=دام الخيانه فحكم الناس مشروعـه
صدري من الهم.. كنّه ثوب وتشقق=يامن يخيّط جروح انسان.. مقطوعه

ماعاد يغريني القمر ليلة النصف = عادي طلع ولا تحجبه سحابه
من يوم راح اللي ماشفت له وصف=صارت معي كل الليالي تشابه
مثل البليد اللي جلس بأخر الصف = ماشال هم الاسئله والاجابه

ياصهيل الهم دكت في ضلوعي لك خيول=واستوت فيني مواجع تقتل ورودن نديه
الغلا طفلن يتيم وابتدى عمره ذبول=لو تبتته المشاعر نظرته تبقى شقيه

تعبت اقول لضيقتي سهود ومهود =إليا متى هالعذر بيكون عذري
البارحه يوم اكثر العالم ارقود =عادت علي اللي تجيني منين مدري
الضيقه اللي كل ماراحت تعود = مكانها مابين قلبي وصدري
ناس تنام مدهنه في دهن عود =وناس تنام مدهنه بزيت مقري

كنسلت الحب وعشت دنياي مرتاح=حتى الهوى غيرت فيه اتجاهي
لاحزن لادمعه ولاذل وجراح=لاالقلب مشغول ولا الفكر ساهي
من جا يجي وان راح ماقول وين راح=صحيح طبعي تغير بس استراحي