|
لـو سـوق الـمـراجــل فـيــه تـخـفـيـضــات لـلاسـعــار شـراهـا مـن قـصـر عـنـهــا وصــار الـطـيــب ورثٍ لــه لـكـن الـمـرجـلـه فـقـر الـبـخـيــل وسـلـعــة الاخـيــار نـجـومٍ بـالـسـمـاء يـرقــا لـهــا الـطـيــب مـاتـنـزلــه بـري مـنـهـا الـقـصـيـر الـلـي يـفـتـش فـي دروج الـجــار وخـويٍ لاغـفـل عـنــه الـخــوي يـدعــس عـلــى ظـلــه ونـمــامٍ لـسـانــه لـلـعــروض الـغـافــلــه مـنــشــار وسـمّــاعٍ سـكــت مـاسـكــتــه. والــلــي يـطـبــلــه وغـيـر وغـيـرهــا يـامــا نـشــوف ونـسـمــع الاخـبــار عـلـومٍ يـنـطـفـي مـنـهــا الـحـيــا وتـنـافــي الـمـلــه وانـا مـامـلـك زمــام الـمـعـرفــه لـلـمـعـرفــه تـجــار بـشـر ومـن الـبـشـر واخـطـى الـطـريـق الـسـنــع وادلــه لـكـن الا غـويـت ارجـع لـشــور اهــل الـعـقــل والـشــار نـصـيـحــة شـايــبٍ خــاوى عـصــاه تــداوي الـعــلــه اطـبـقـهــا واقـدمـهــا هــدو لـهــل الــوفــا والــكــار مـثـل قــول الـمـثــل دايــم طــراة الـشــي فــي حـلــه (*قمــــرهم*) |
الى ضاق صدرك سج وابعد عن الانظار ترى البر راحه للصدور الشقاويه تعبنا وملينا من جدار خلف جدار وضجيج الشوارع حط في ضامري كيه وزهقنا من التلفاز ومتابعه الاخبار وزحام المدينه هم ماهوب حريه ترى البر والمشراف للضايق المحتار علاج النفوس اللي من الوقت مبليه (*قمــــرهم*) |
هل الشعر وامطر الماطر والقاف يا زين ملعوبـه اللعب لعبي وانـا نـادر غنابه الطيـر مسحوبـه ياما حلا سجة الخاطـر في البر والضو مشبوبه (*قمــــرهم*) |
لاتَعَب " قلبِكْ " مِنْ الدِنيا وضَاقْ .. ! لاتبيّنْ / حتَى لو [ جَرْحِكْ ] عميقْ عِزْ نفَسِك حتى لو شِفتْ الفُراق مُوتْ شامخ يارفيِقي لا [ تضِيقْ ] (*قمــــرهم*) |
هبوب هبي نبي طـاروق يازين بعض الطواريقـي بغيت أقفّل على الصندوق ثارت ذخايـر صناديقـي ماجبت قاف الغلا مسروق جبته من اقصى معاليقـي نفسي لعذب القصيد اتّوق ومن الوله ناشفٍ ريقـي (*قمــــرهم*) |
اعرف تراني بنت عن سبعــة رجــال أن قمت قامت لأجل شفـي قبيلـه واعرف ترى لي قول تتليه الأفعــال ومسعاي في درب الشرف والفضيله شربت من عز الرجاجيـــل فنجـــال حتى جعلتــه فـي حياتـي وسيلـه ولي لابـــة ما عمرها ترد من سـال ضيـــانها منصـى مضيــــع دليلـــــه (*قمــــرهم*) |
ان كانك انته جبل تراي انا القمــــه صعب ن على النذل ياصلها ويرقاهــــا وانكانك انته عزيز النفس والــهمـــــه انا ترى العزه اللي انته تمــــنا هــــــا وكانك تهجاء الحروف بكسره وضمــه انا المعاني تجيني غصب واقرهــــــــا ياولد انا مهرة المهـرات ولي همـــــــــه لي عزتن فوق هام السحب مرقـــــاها شيخه وبنت شيخ لا نذل ولا رمــــــه ادور اصعب دروب المجد وارقـــــاها (*قمرهم*) |
اليوم ، بس اليوم ,, شفت وتيقنت : بـ إنك رمالً ، مستحيل / اتماسك ! كل ماجمعتك [ بين ايديني ] .. تمكنت : تفلت من ايدين .. الوله ، ياحمااسك ! بقفي فمان البهذلة ! وانت ,, لاهنت : .......... بعثّر غلانا .. مع .. رياح انتكاسك ! |
تقدم الدنيا لنا درس جديد بكل يوم والناس تسلم من غثى الدنيا بحفظ دروسها وعلى حسب حفظ المواجيب وتعاليم السلوم نعرف مقاسات البشر بالمرجله نقوسها صيت الرجال الوافيه بافعالها ولا الرخوم يمديك عنها قل نفعتها وشين نفوسها (*قمــــرهم*) |
أبشركـ للحين طيب وموجود عايش .. ولا عندي مشاكـل / ولا احزان بياض قلبي كل الايام في زود من جود ربي .. موب من كثر / الإحسان مايكفي اني رغم ايامي السود حولي : ذياب : وعايش لوحدي / انسان (*قمــــرهم*) |
| الساعة الآن 08:45 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
