|
شربت " فنجال " الحزن واللواهيـد ....................................والحظ الاقشر والندامه " قدوعـي " ! (*قمــــرهم*) |
هواجيس قلبي ما تجي والعرب واعين ..................................... لها حزت(ن) في تالي الليل تزعجني ..!! (*قمــــرهم*) |
اللي خذا هرج القفا عادتن له .. يمـوت ومايلقـى بوجهــي عذاريـب ... (*قمــــرهم*) |
صدري قفص ويطير لك منه عصفور يجيك .. لو انك بعيد المسافه ! ما جاك شايل معه احاسيس وشعور الا يبي ينهي بـ صدرك مطافه .. جا يسكنك من كثر ما لحقه قصور ما يرجي اكثر من حقوق الضيافه عزيمته ماتت .. وخاطره مكسور آخذه ..؟ اذا ماكان فيها كلافه ! ! ! ! (*قمــــرهم*) |
بضبط الدله وأصف الفناجيل ... وبسمعك بيت وأفهم دليله... لأغبت عني كن مابه رجاجيل... ولأصرت حولي كن عندي قبيله... (*قمــــرهم*) |
ياقبر أعز انسان غالي رقد فيك.. خفف عليه من التراب الثقيلي.. ياقبر ماني طيب عقب راعيك.. إلي راعاني صار عندك نزيلي.. أغليك أنا ياقبر من إلي نزل فيك.. مرحوم ياراعي الوفا والجميلي.. ياللي سكنت القبر صوتي يناديك.. موتك جرح قلبي وهد حيلي.. ما أنساك لين قبري يوازيك.. وأعلن من الدنيا العريضه رحيلي.. (*قمــــرهم*) |
يا وجودي وجد من تصفق يساره فـي يمينـه ما غمض له جفن طول الليل في مرقده واعـي ,,,,,, بيـن سنـدان السنيـن ومطرقتـه الله يعينـه خافقٍ بأقصاه شمعٍ من لهيـب الوجـد ماعـي ,,,,,, واهني اللـي مـن الأيـام مـا ضلـى رهينـه للقلـوب وللنفـوس اللـي مشاعرهـا تباعـي |
الله خلقني وهامتي فوق الأمزان وآخذ من الدنيا تجارب واخلي واصبر على مر الليالي والأحزان وارضى بما قدر من الله وحصل لي واللي أشوفه مرخص الود منان ما التفت له وامسحه من سجلي (*قمــــرهم*) |
إرم النعول لمغيزّل العين يا حسين وإلا أقطع لها من ردن ثوبك ليانه يا حسين والله مالها سبت رجليـن يا حسين شيّب بالضمير اهكعانـه جنّب حثاث القاع واضرب لها اللين واقصر خطاك شوي وامش مشيانه ان شلتها يا حسين ترا مابها شين ترى الخوي يا حسين مثل الامانـه ما يستشك يا حسين كود الردييـن وإلا ترى الطيّـب وسيـع بطانـه لابد ما حنا عـن الضِلـع مقفيـن ولابد مـا ناطـا النفـود وليانـه (*قمــــرهم*) |
الأجودي بمعاشر الناس محكوم.. ما يشتكي جور الزمن من عذابه .. وعينٍ تنام وعين ما ذاقت النوم.. وكفٍ نظيف وكف دمه خضابه.. كلن بطبعه يكسي الناس بهدوم.. وكلٍ تبيّـن غايته من جوابه.. (*قمــــرهم*) |
| الساعة الآن 12:20 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
