لا جيت ابختار غيرك ارجع "اختارك"= ولا جيت أخونك أزيدك عشق "وأصونك"
عــندي جــنتي هــي بالــهوى "نـارك"= بالضــبط فينــي جنــون يشـــــبه "جنونك"
اترك خطاياك واترك عنك "اعـذارك" =انســى عــذابي وقــلي انت "وشـــــــلونك" ؟

لو قسى هالعــــألم أدري بقلبك حنون...=بس لو قسى قلبك وين بهالعالم اكون

مالوم نفسي فيك لو كثر شوقي عليك= من عاش طيبت قلبك لازم يسال عليك

اصدق دموع اشوفها دمعة فراق=من الهدب للأ رض طاحت حزينه
قبل يتفارق بالهوى اثنين عشاق=في ساحة التوديع قبل السفينه
معاد تجمعهم مراسيل واوراق=وكلن بلا خله يكمل سنينه

يا ليتني شمس تداعب جبينك =اشرق على خدك وحضني يدفيك
يا ليتني قمر يضوي سنينك =امسي على نورك ونوري يمسيك
يا ليتني ما بين رمشك وعينك =اشوف لك دربك وانا تايه فيك

كل ما جيت ابضحك استحيت وبكيت =وكل ما جيت ابنهض اتعثر واطيح
وكل ما جيت ابرقد طال ليلي وسريت =وكل ما جيت ابسكن قام جرحي يصيح
وكل ما احاول اكتم راح دمعي يبيح =وكل ما جيت انهي طريقي والعذاب ابتديت