الطايش اللي محتمينه .. ما ولوه = كل العيون اللي تحـبه .. باعـته
أكبر شهوده ساع مابيع .. جحدوه = وأغلا شموعه .. يوم قفا ماعـته
ياهل السخافة واللقافه جنبوه = خلوه يخطي دامني شماعـته
خلوه يجمد ويتبعثر كل ابوه = مادامني في حكمه وفي طاعـته
لانّه .. خليط من التغاضي والنّبوه = ومواقفه تبنى .. على قناعته
قاسي ولو اتضايقه ماقال (أوه) = وقساوته آخر دلع .. مياعته
مدلعن خلقه وناسه دلعوه = والنفس ماتشبع به اليا جاعته
يغيب .. ويدري ان المعاليق فقدوه = ويرجع بصـوتن جعلني ما ناعـته
لبيه ياكلماته .. ولا فضّ فوه = أموت في ضحكته واستمتاعته
لاتنشدوني ليه أحبه .. انشدوووه = حبّه .. محببني سبب .. ودّاعته
من كثر ماحبه احب امّه وابوه = بالمختصر .. أحبهم جماعته

كل ما اقفيت ناداني تعال=و كل ما اقبلت عزم بالرحيل
وكل ما اجنبت واعدني شمال=يا اهل الحب ضيعت الدليل
الحقيقة غدت مثل الخيال=هو عدوي وهو اوفى خليل

كل ما قلتله ياابن الحلال =المحبه عطا وانت بخيل
التفت يمي وهو عجلً وقال :=لذة الحب في الشئ القليل

تشيل همي دوم كني أنا إياك=صارت ظروفي مو ظروفي ظروفك
وشلون مااحبك وهـذي سواياك ؟=وشلون مااهديك عمري في كفوفك
ياقلب قلبي وش حياتي بلياك=تسلم عيوني دامها هي تشوفك

ياناس أحبه والمحبة مقادير =هذا هوى نفسي وهذا قدرها
الحب ماله يااهل الحب تفسير =قلبين والله بالمحبة امرها