|
تبي الصراحه وش تبي بالصراحه =اكذب عليك لا قلت عايش بخير قلبي من جروحه تشيله جراحه=وش حيلت ابن آدم وجه المقادير ان قلت راحه ما ورى الناس راحه=بس انت وافي وما يجي منك تقصير مير السعد بيديك اجبر جناحه =السالفه ما عاد فيها معاذير لاجابو اسمي كلن اطلق رماحه=ما كنهم قبل امس عندي مسايير ابسط مثال لا بغيت الصراحه =اقول طيب بس انا ماني بخير |
آاآاه من قلب ٍ تعـذب بـالمواااجـع والجـروح
والمصيبـه خِلّـه اللـي بـالمواااجـع جارحـه وإن سألتـه ليـه ودك يـا بعـد روحـي تـروح قال ظـرف !! ولا هقيت إني لقلبك شارحه قمت أداري قلبي اللي من غلا خلّه ينـوح بس أشوف إن المشاعر من قراره سارحه دون حكي ولا جداال ودون تفسير وشـروح مـا أظن الـروح تقبـل راأايـه اللـي طـارحـه قمت أضيع بين جده بين ضحكه والـمـزوح قمت أجامل والبنادق في ضميري قارحـه يا حبيبي نجمك اللي في سما قلبي يلوح بـالأمـانـه لا تـجـيـه وبـالعـذاااب اتطـارحـه دام قلبي من طريقك حالف إنه ما يشوح ليه قلبك ما يجيه وفي الخفوق ايمارحـه وداآام قـلبي لك تعهّد بـالصراحه والوضوح ليـه قـلبـك مـا تعهّـد بـالوضوح ايصـارحــه ودام قلبي في وصالك يا بعد عمري لحوح ليـه قـلبـك والجـوااارح بـالمفـارق فارحـه ودام قلبي حالف إنه ما يفكّر في النزوح ليـه قـلبـك صاب قلبي بالوداااع البارحـه |
يقول كني ماشفت شي ..
أبك انا لاشفت خلي حط غيري في مكانه=والله أني لتركه وانت صد لعشق سيد سيده
|
سخرت لك شعري وشعري تمناك=و أصبحت أنا اكتب كل شعري عشانك وش فايدة شعري بلا ذكر طرياك=أنا اشهد إن الشعر يحلا بشانك أعاهدك باللي خلقني وسواك=ويعاهدك قلب إذا غبت صانك والله ما خونك ولا أفكر بفرقاك=وملعون قلبي كأنه يوم خانك |
لا تكثر بحكيك ترى دربك اشواك
ياحفي الرجلين ثمن كلامك لايلفت لسانك على شخص رباك انا بنيتك وماني عاجز اهدمك |
بكيـتـك مــن الفـرقـا وأنــا دمــع عيـنـي حــار
سلامٍ على الشرهه .. والاخـر علـى المنقـود يقـولـون مــن طيـنـة محـنّـه !! وقـلـبـك بـــار لا والله مـن طينـة عــذاب.. وجـفـا .. وصــدود يــادوب أتحـمّـل جـمـرةٍ مـــن جـحـيـم الـنــار تلـحّـق علـيّـه بأختـهـا الـلـي بـــراس الـعــود خذيت الهوى طيش .. وعبث حب .. وأستهتار على قولة العربان ( عيـب وعليـه شهـود ) !! تـبـريـت مـنّــي والـوفــا فـيــك طـيــر وطــــار عسـاك آخـر العنقـود .. مـنـت أوّل العنـقـود ! مخلينـي أعجوبـة زمــن فــي طـريـق الـمـار مضحـك بـي العاقـل .. مشمـت بـي المقـرود لانــي داخـــل الـصــوره ولا خـــارج الايـطــار عــدوّك وأنــا غـايـب .. حبيـبـك وأنــا مـوجـود ورغـم ماتسـوّي بـي مسامـح عـلـى مـاصـار وخـيـرك كثـيـر ومـوقـفـك مـاعـنـه مـنـشـود مـعـك مابـعـد عـديـت عـمـري مــن الاعـمـار مخلـيـه ريـشـه بـيـن أصـابـع هـبــوب الـنــود . . تذكّـر ولــك بالـذكـر ( مـالـك مــن الاسـفـار ) تذكّـر وخــــل الــذاكــره بـالـزمــان تــعـــود تـذكّـر يــوم أن حــدود وصـلـك ثـــلاث أمـتــار تخطيـتـهـا مـاكــنّ .. ذيـــك الـحــدود حـــدود وصلـتـك وقـمـت بواجـبـك قـبـل سـابـع جــار أخفّـي عليـك سـدود .. وأبـدي عليـك سـدود ســدودٍ تـبـي تبـنـا .. والاخــرى تـبـي تـنـهـار مـــن أبـــدع تـصـاويـر الله الـخـالـق المـعـبـود أحــس أنّــي أبـحـر فالسفيـنـه مـــع الـبـحـار وأنـا أقـول .. يااااااالبّـا هـذيـك الـوسـاع الـسـود أغــازل حـورهـا ..وأنـصـب لرمـشـهـا تـذكــار وأثـمــن عطـايـاهـا وهـــي مــاوراهــا فــــود . . تـذكّــر وأنـــا ويّــــاك فــــي لــمّــة الـسـمــار تـقـول الـبـرا مــردود .. أقـــول الـبــرا مـــردود تحـديـت فـيـك الشـاعـر الـلّـي مــن الـشـعـار بعـد ماتقـول أسمـه تذكـر علامـة ( قـووود ) تــوارت نـجـومـه يـــوم لـــدّت لـــي الانـظــار طلـع فـي عـيـون الـنـاس مـهـوب ذاك الــزود . . |
والله لخلي عزتك تحت ماطاي
تمشي وعينك ماتعدا مواطيك ابيك درس لكل خاين وناسي وافهمك قدرك وقيمت مباديك والله لهينك لين تبكي تبي رضاي ذليل تكسر عين منهو يراعيك |
من عز نومي صحيت وشفت فـي عينـــــــــي
دمـع تـهـادى عـلـى جفني وانـا غـافـــــــي سـتـرت دمـعي بكـمي قـبـل يغرينتــــــــــي واخـذت هـذا الـجـسـد مـن بـاقـي لحافـــــي وسـريـت تـايـه ورى خـطوات رجلينــــــــــي لاالوجه وجهي ولاأوصافي هي أوصافــــي أمشـي واقـول لـطـريقـي لاتوديـنـــــــــــي لـعـيـون نـاس تـبـي تـدري عـن الـخافـــــي أمـانـتـك...خـلـهـا مـابـيـنـك وبينــــــــــــي خـابـرك يـالـدرب خـوة عـمـر واسـنـافـــــي مـاودي الـنـاس تـدري وش يـبـكـينــــــــــي كـرامـة الـنـفـس ورث ابـــوي واسـلافــــــي أمـشـي واحس الخناجر في شرايينـــــــــي والـبـرد يـمـشـي وراي ويـنـهـش اطرافـــي وحـيـد واللـيـل بـردونـه يغـطـيـنـــــــــــــي تـقـول كـن الـبـلـد روح بـهـا الـســافـــــي إلـيـن مـاأوحـيـت صـوت يـنـاديـنـــــــــــي صـوت أعـرفـه مـثـل مـاأجهل وش خـلافي قـمت أتـلـفـت وانـادي لاتـخـلـيـنـــــــــــي مـاغـيـره...الـصـوت هـذا صـوته الـدافــــي ولمحت زوله من أقصى الدرب لافينــــــــي مـدري وش اقـول لـكـن حـي هـاالـلافـــي تعال...شف غيبتك كيف أثرت فينــــــــــي تـعـال...شـفـنـي وانا أغرق عقب مجدافي تـعـال...خذني ورحبي من عناوينــــــــــي تـعـبـت أعـدي عـلـى جـمـرك وانـا حـافي تـعال واقطف بصوتك زهرة سنينــــــــــــي كـل الـمـواعـيـد عـقـبـك شـمـعـهـا طـافــي تعال وشفيك خايف؟ أنت ناسينــــــــــــــي؟ قـطـعـت صـوتـي عـليـك وطـال مـيقـافــــي حتى بديت أشعر ان الحب معمينــــــــــــــي وأن أنـت حـلـم عـثـى فـيـنـي وانـا غـافـي لكن أمانه ترى اللي فيني كافينـــــــــــــي إن رحـت مـنـك كــــذا مـارحـت مـتـعـافــــي بـصـدق الـحـلم واحـذر لاتصـحيـنــــــــــــــي فـي خـاطـري كـلـمـتـيـن إن قـلتـهـا كافي أمانة الله عليك ان غبت عــــــــــــن عينــــي لايـكـون قـلـبـك مـثـل قـلـب الـزمـن جـافــي مـع كـل دمـعه تذكر رعشــــــــة يدينــــــــي ومـع كـل ضـحـكـه تـذكـر قـلـبـي الوااااافي |
تحسب اني بجي عندك حبيبي وانحني لرضاك
ورب الكون ذا بعدك ولا يمكن اسويها انا طبعي عزيز النفس مهما دارت الافلاك بمشي نفسي بكيفي ابد مااحد يمشيها محبة ماابي منك محبة لو تجي برضاك ابهجرها وبهجر كل شخص لي يطريها |
يعلـم الله أحبّـك و أذكـركْ في كــل الأوقــات ..
و عسـاك دايم بقربـي يابعـد راس مغليــك .. جـات القصايد ترا في ذكرك اليـوم جــات .. يحيا شعري على ذكره وصـوُفك مثل ذيك .. الورود اللـي لا خلت سطعـة الشمس مات .. و تحرقني الأشواق لامن جيت كلّي باحاكيك .. مثـل الصغير اللي لا بقـا أُمـه ولا جــات .. و اطلب طلبك اللي تودّه و أنـا اجيك .. من شان أوفي ذاك الطلـبْ دون اثبات .. افهم حبيبي يا بعد هـذا على ذيـــكْ .. تموت دقّـاتي و تحيا على صوتك الدقّـات .. و خذ ما تشتهي يالغلا ترانـي أفديـكْ .. تـأكد كل الأمور اللي تبيهـا ترا جات .. أحبك و أحبك أنا أشهد اني ذايبٍ فيك .. هيهات ترا ألقـى مثلك وصوف هيهـات .. على راسي وصوفكْ يا بعد روحي أبيكْ .. فيكْ عن كومة الناسْ يا زيـن اختـلافات .. شامخ و المبادي ؟ والله ما تغير مباديك .. أصلك و فصلك فوق فوق ما يحتاج لشهادات .. حمران النواظر ورب الأرباب انها متشرفه فيك .. :: :: |
| الساعة الآن 01:27 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
