لا جيت ابختار غيرك ارجع "اختارك"= ولا جيت أخونك أزيدك عشق "وأصونك"
عــندي جــنتي هــي بالــهوى "نـارك" =بالضــبط فينــي جنــون يشـــــبه "جنونك"
اترك خطاياك واترك عنك "اعـذارك" =انســى عــذابي وقــلي انت "وشـــــــلونك" ؟

قبل لا تسئلين وقبل ارد الجواب=ودي اطلب طلب يازين والعمر فاني
انظري في عيوني وافتحي كل باب=للغلا والعتب والشوق واحلى الاماني
واسئليها وش اللي صار بعد الغياب=نظره اعيوني اصدق من فلان وفلاني
واسئليها عن احداث السهر والعذاب=ليه في كل يوم الدمع يخلف كياني
كيف طيفك عليها صار مثل الحجاب=لين ماعاد شافت توها شي ثاني
وان قريتي من اعيوني مالذ وطاب=وبغيابك عرفتي بعدها ويش جاني
حطي اذنك على صدري بدون ارتياب=واسمعي دقه الخفاق بين المحاني
وان سمعتي ضجيج الدم ودى وجاب=خلي القلب يحكي كيف هجرك كواني
واسمحي له يترجم لك حروف الخطاب=الخطاب اللذي معناه ماجا كفاني
ودي اصبر لكن الصبر مثل السحاب=هل وبله وقفت به هبايب زماني
جاك قلبي وعيني فاتحين الكتاب=ترجموا لك عن الاوجاع كل المعاني
وان نويتي بعّدها بالسفر والذهاب=وارتضيتي عشر حبي تعود ثماني
ارحلي مثل ما ترحل سنين الشباب=من عمر عاشقٍ فالوقت شاف الهواني
وافقديني مثل فقد العقل للصواب=في فكر عاقلٍ لجل الغضب صار جاني
واما انا دام وصلك مثل سود الثياب=والمحبه كفن والموت لجلك دعاني
احفري قبري وتلقين حسن الثواب=بعدها لا يهمك لو هجرك نعاني
وان خذاك الندم والحزن والاكتئاب=خفتي الرب لا يبلاك باللي بلاني
اكتبي من دموعك فوق حيد النصاب=ليت موته نساه وليت موتي خذاني

وادمعي الي كل ماقلت انا خف = تجيه من بعده مزون السحابه
حتى شفايف كتب الحرف به جف =شجاع في صحرى صكة عليه الذيابه

مآقلت لكْ لأ تطوٍل آلـهجر بنسأك = وٍ آلـيوم شفنـي في غيآبـك نسيـتك

يا حبيبي فيك ظني ما يخيب=لو حصل من بيننا صد وجفا
شمس حبك في عيوني ما تغيب=وفي حنانك يا بعد عمري وفاء
فيك معنى الحب يا روحي يطيب=صـادق شوقك وشوقي صفــا
لو تروح بعيد من قلبي قريب=في غرامك هام قلبي واكتفـاء
في غيابك مشتعل مثل اللهيب=ومن عرفتك شوق قلبي ما طفاء
صدق إني وافي يا أغلى حبيب=صـادق ما فيه مثلي بالوفــاء