يالله ياللي تسجـد النـاس لرضـاه=يا وامرٍ خلقـه علـى حـج بيتـه
تفرج لمن سدّه على الناس ما ابـداه=راضي على مقسومك اللي عطيتـه
من شي يسل الحال والجسم يبـراه=والناس ما يشفون ان مـا شفيتـه
قلـت آه واجرحـاه مـن خلتـي آه=وان حملونـي حمـل غـيٍ قويتـه
قالوا سفا بالحال ويش اللي اغـواه=قلت آه ويش المنكر اللـي وطيتـه
قالوا جهلت وبـان علمـك لمنهـاه=قلت آه علمي يا مـلا مـا كميتـه
قالوا طلبنـا لـك مـن الله معافـاه=قلـت آه وحدّْتـه وعفـوه رجيتـه
قالوا هله واحباب عينـه نصحنـاه=قلـت آه هـذا واردٍ مـا بغيـتـه
قالوا ندور لك مـن البيـض حليـاه=قلت آه لـو غيـره بكفـي رميتـه
قالوا نشاش العـود مالـك بلامـاه=قلت آه عود المـوز بيـدي لويتـه
قالوا تـزوج كـود تدلـه وتنسـاه=قلت آه لو اخذت اربعٍ مـا نسيتـه
قالوا من اقصى الناس وين انت واياه=قلت آه ما آنسى يوم جاني وجيتـه
قالوا نشوفـه عنـد هـذا وهـذاه=قلت آه عمره ما عقب حجـر بيتـه
قالـوا عليـلٍ نـاقـلٍ داه بــرداه=قلت آه باقرابـي وروحـي فديتـه
قالوا نشيـر ولا نفـع مـا حكينـاه=قلـت آه هـراج النمايـم عصيتـه
قالوا كثـر شيبـك وقلبـك بعميـاه=قلت آه لـو قلبـي غريـرٍ نهيتـه
مطـاوعٍ قلبـي بعجفـاه وقــداه=والى عطـى منهـاج دربٍ عطيتـه
يانـاس خلـوا كـل وادي ومجـراه=قلتـوا كثيـر وقولكـم مـا لقيتـه

زادت بي الأشواق وملت بعضها =وشمسي عن الإشراق صارت بعيدة
دنيا عقب فرقاك ضايع عمرها=وقلبي نسى نبضه ومجرى وريده
وينك فقيد الروح وينك أملها؟=وينك طعون الشوق والله شديدة

ابكتب احساسي على صفحة الياس=مأساة شاعر حطمته الليــــالي
الحبر دمعي والمناديل قرطــاس=كتبتها تعبير عن مــــا جرالي
الشعر يكتب من معناة وإحسـاس=جوابي المعهود أول وتــــالي
ياميم احبك حب من دون مقياس=حبك مخلد للأبد مــــا يزالي
انت الوحيد اللي اوده من الناس=وانت العزيز اللي على القلب غالي
لاغبت عني يومٍ أعلنت الأفـلاس =بعدك رصيدي يا منى النفس خالي
تمشي شرف ما دست في درب الأدناس=لك منزلٍ بين النجـــوم العوالي
يزها عليك من الذهب خاتم الماس=يزهـــا جمالك والدلع والدلالي
أبكتب احساسي على صفحة الياس =عساك تفهم ما يدور بخيــــالي

كل حــرِ اكـتـبــه وكل بيتِ يجـــيك =هي تـناهيت قـلـبِ هـايم في هواك
لاذكــرتك حـبـيـبي زاد وجـدي علـيك=لا حشى ما والله أقبل في المحبة سـواك
الرمــوش المظلّه تـرتعش تنتــخـيك=غرقت دموع عـيني تنتـحب في رجاك
لو شـربت المرارة لو سـقــتني يـديـك=أصـبح الـمر حالي فـيـه نسـمـة غلاك
دوك صدق المشاعر مغـرمة تـهـتـويك=وان جــرحها قـبـولك لا يهـمك فداك
جاك شـوقي قـصـايد بوحـهـا لك وفيـك=صـرخـةِ تشكي لك طامـعة في حماك

هذا زمان ٍ ماعرفنا الحسافه=انشهد انك شيخ كلك مزايا
ابرق على قلب ٍ يلوعه جفافه=وامطر مزون الطيب بيض النوايا

لا شــاري عــقـدِ ولا مـهـدي سـوار=لا تلحـقي نفـسك همـوم وحـسـايف
تريثيي يـا قــرة الـعـين مــقــدار=ما تشرب عـروق القصيـد الوصـايف
لا من قـدحت الشـعـر وشـبـيـت لك نار=نارِ على روس الـهضـاب الـنـوايف
يطرب لهــا السـاري ويسـري بها الطار =وتزهر بهـا عـقب المحول الشـفايف
باهديك أنا عمر ولاكل الأعمار =يـفنى القلم قبــله وتفنى الصـحـايف
قـصيــدة تـولـد ورى بـاب وجــدار =ســر الضلوع المرهفــات النحـايف
وإلى أصـبحت طارت على متن الأسـفـار =وغنت بهـا قـبل النفــود الصـحايف
غـيبي وشـيـبي وإتركي كل مـا صـار=يبقى جـمـالك في قـصـيـدي طرايف
وخـلي الكواكب من سـنا نـورك تغــار=ولا تلـحقي نفـسك همـوم وحـسـايف

النـاس ربـي مـن تـرابٍ خلقهـا=وإنت الذي من جوهر الماس مخلوق
الناس ساواهـا الولـي مـا فرقهـا=بس إنت عن كل البشر صايرٍ فـوق
إنت البحر فيـك البواخـر غرقهـا=وإنت السحاب اللي به أمطار وبروق