من عيوني هلت دموع العذاب =وصارت العبرات تنزل عالخدود
وابتدت دنياني من شفتك سراب =اتبعه وأظن له عندك حـــدود
وانتهت زفرات عمري بالغياب =من وفاتي قبلها الأيام ســود
اعتقد غيري لقى عندك رحاب=واعتقد وجدي صدق كل الوعود
أمنياتي عيشتك ويا السحاب =وأمنياتك كل مآبي للركــود
والله إني دنيتي بعدك خراب =والله إني شفت من قلبك جحود
اسهر الليل اللي معذبني وأهاب =لا رأت عيني على طيفك شهود
انتي عمري وانتي الأمر المجاب=قلتها مبروك يا عمر الوجود
ارحمي ورو في على منهو مصاب =من هواكم طار عقله من الوجود

الـقـدر مـالي عـليـه أي اعــتـراض =لـكن اطلـب لـطـف ربي بالـقــدر
صــار مـحـبوبي مـثل جـول الرياض=سـاعةِ صـافي وســاعــاتِ كـدر
كل مــازان الهوى صــار انتـقــاض =لا وفــا مــره يعــاوده الغــــدر
أقــضي أيــامي ظنونِ وافــتــراض=ولا تـصـيـب ظنـوني الاّ مـــانـدر
كل مـابـرق الامـل رفــرف وناض=هـل وبـل اليـاس يمي مـنحدر
السـوالف به طويـلات وعـــراض =ظالمِ وهـو لعدله مقـتـــدر
باشـتكي له يوم كــيل الجــور فاض =يا حبيبتي ضـاعـت سنيني هدر
عـبـرتي بين ارتــفــاعِِ وانخـفاض =تـوصل عـيوني وتـرجـع للصدر
لا ذكــرت اللي كـمـا زهر الـفيــاض =والحبـيـب اللي كما نـور البدر

اسمحيلي يالغـرام العف يالوجـه السموح =ان لزمت الصمـت او حتى لبست الاقنعـه
اعترف لك ما بقى من عالي الهمـه سفوح =انحـدر كلي كمـا طفلـن تحـدر مدمعـه
آه ياجور الحزن وياي وفي الفرحه شحوح =ضايعـن بهمـومي الغبرا بوسط المعمعه
اشتكي لوسادتي دنيـاي واسمعها تنـوح =كنها بعضي و بعضي ويـن هو منهو معه
مختلط في عبرتي حبر الشقا ودم الجروح =ومستوي في نظرتي غرب الوجود ومطلعه
عودي المبري بقابه من بقايا الوقت روح =وفصل خامس حايرن بين الفصول الاربعه
راس مالي ذكريات وحلم وآمـال وطموح =لا صديـق ولا رفيـق ولا طريقـن اتبعه
سامحيني دام عذري واضحن كل الوضوح =واسمحيـلي بالرحيـل بلا تذاكر وامتعـه

مـهما يقولون مهما صار مهما تم=أنـت البدايات وأخر ساحل ومينا
فـي هـرجة الناس بالعذال لاتهتم=لـو هم يحسون فينا ماحكوا فينا
ماعقب شرب الصبر والمر والعلقم=شـي عـلى طـاري الفرقا يودينا
حنا اجتمعنا وشمل العاشقين التم=خـضنا حروب الهوى فزنا وردينا
اهـواك مـاهي مواويل بها اترنم=تـرى الـمواويل هي اللي تغنينا
مـنا الـوفا يـاوفي الروح يتعلم=وكـل التعابير تبحر من شواطينا
حبيب عمري حياة القلب خل الهم=تـقسي الـليالى ولـكن ماتقسينا
وان كـان جـدت جدايد حبنا اقدم=ولاعـاش راسٍ على الدنيا يبكين