صباح الخير والعشب الخضر والزعفران ونود=صباح الجوري المكنون والريحان وحضوري

لويصير البحر أحلى من الغدير=ولو تعتم صبحنا واصبح ظلام
ولو تبدل طبعنا واصبح ذميم=ولوغدى الشاهين زوج الحمام
ولويصير ولويصير ولويصير=لك معزه مايفسرها الكلام

صباحك نور ورضاء

يـا الله يـا والــي الأمــر= يا مودع النفس عشاقه
سهـل صخـيـف العـمـر=اللي حديثه لنـا شفاقـه
ذبحنـي صخيـف العمـر=وانـا بعـد حالـي رقـاقـه
لها ريق احلى من التمر=اللي غموسه لبن ناقـه

زيد بن غيام

ياويل قلبي منك ياكثر مغليك""=أغلى من الدنيا ثراها وسماها""
ياويل قلبي منك لا حل طاريك""=نفسي وهي نفسي تشك بغلاها""
أنسى اسامي الناس واغلط واناديك""=قلبي معك وكل الاسامي نساها""

انا الذي من بدة الناس اغليك""=وانا الذي عينة تراعي خيالك""
وانا الذي لو تهزمه ما يخليك""=ولو تطلبه في كل حزه عنالك ""
يالعنبو دنيا تهمك وتشقيك""=موتي ولا شي يكدر في بالك ""
هذا كلام اللي يعزك ويغليك""=ماهو كلام الي يدور بدالك""

يمه ... الغربة وفرقاك ملتمه =دمعة العين هذي ... مالها داعي
يابعد راسي انتي ليه مهتمه =الوجع لي سواة الناي للراعي
آخر أخباري ... الذمه هي الذمه =والوصايا هذيك تقدي شراعي
مابه الا السواد يحاود اليمه =ولا به الا البياض اللي ورا أضلاعي
وأشعل ما يفارق ليل حضن امه =وأخضر كل صبح من أول أتباعي
يتعب البرق ما أتعب النظر يمه =وانشديهن بعد ما قلت أطماعي
أنجبن لي عـــروسة حلم أضـــمه =أو بعد توها تشرب عطش قاعي
واذكري كيف كان العود ابو عمه =ايتعلى صهيله وأرخي أسماعي
امنياتي بــدرب ودي أتمــــه =آخره صعب .. وأصعب منه مرجاعي
يوم كلن فزع له خـاله وعـمه =يكفي اني وردت العد .. بذراعي
أرفع الراس بين الروس ما همه =وأتباهى وأنا الغرقان بأوجاعي
يمه.. الحر طبعه يعشق الـقمة =وأنتي اللي فطمتيني على أطباعي
الهواء دام راسي حي ويــشمه =والله اني لاسـوق هنـاك ذعـذاعي
غربة تلوي ذراع أشجع الخمه =لا تخافينها لو تقـلب أوضــاعي
يمكن تبعثر الرجـال وتـلمـه =بس !! بدري عليها تلوي ذراعي

قالو جماله كامل الحسن وافي"=" شوفه عسى تكتب قصيده جديده
شفته ووقلت الله يعين القوافي"=" وشلون ابكتب بالقصيده قصيده
كل الكلام الزين ماهو بكافي"=" والشعر لومانقصه مايزيده
شوفه يخلي برد الاشواق دافي "=" والعمر لوهو راح شوفه يعيده
شوفه اخذ قلبي ولاقال كافي "=" هذا الوحيد اللي خذا العقل بيده
لوكان دربه شوك بمشيه "=" حافي تحت امر عينه بس يأشر بايده
كب الشتا فوقي وشقق لحافي"=" علمني انه تا ج عصره وسيده
الشعر ضاع وقال رمشه عوافي"=" كنه يقول اسكت وفرصه سعيده