ادركت من كثر التجارب حقيقه= إن البشر مثل إختلاف الأصابع
به من يصد إليا شعر فيك ضيقه= لاصار حزنك في حناياك قابـع
وفيهم صديق ٍ مايجافي صديقه= وافي وقلبه بالوفـا دوم نابـع
ماكـل مايلمـع يغـرك بريقـه= جمع الجماعه غير جمع الطوابع

الطيبـه اللي تغـث القـلـب وتعـلـه .......=لا ماجنيــت إلا التــعـب من وراهــاااا

تبكينا ظروف الوقت وحنا في زمن أبكم =غموض لف عالمنا وكل اللي حوالينا
أنا ماابكي الوقــت أنا ابكي مرار الهــم = أنا مــدري هي الأيام أو فعل ايديـنا
أنا مقدر أقول ألا تكـفى يازمـــن أرحـم= تـــرانا نضــحك والألـــــم فــينــا

فى خاطري.. وش خاطري؟ خاطري ضاق = الكـون كلـه ضـاق مـاهـوبـقـدي
لوحة شعر تبكـي علـى بيـض الاوراق = بيًحـت فيهـا مـن ردى الحـظ سـدي

شفتك ولا حطيت عيني بعينك =خايف عيونك لا تنادي عيوني
وأخضع وأنا عندي خضوعي بيدينك= اكبر مصيبة في معالم جنوني
يا نور عيني لا تبين حنينك =كلن يهون إلا أنت لا ما تهوني
ودي بقربك بس ويني و وينك =جور الليالي صار دونك ودوني
أبعد في أمان الله والله يعينك =قلبي على عهدك حشا لا ما يخونك
ونين قلبي لا ما يعادل ونينك=همي كبير وغير الوقت لوني
أهين كل اللي يفكر يهينك =حبك يداعب خافقات الشجوني
هذي يميني حطها في يمينك=وهذي ديوني وأنت عطني ديونك

حاير وتايه في مدارات الايام =وسط الليالي ضايع الفكر خالي