ياصقر واهنيييك لك جناح تطيــــر
لا طرالك نزعت طرت يم الهــــوا
بين قلبي وبينك فرق والله كبيـــــر
لا كفخت انطلقت ولا كفخت التــوى
انت حايم وانا بالقاع دوبي اسييــــر
في صحاري زماني ذيب ليل عــوى
فوق جوك سحاب وحدر جوي هجير
القدم فوق رمضا والخفوق اكتــــوى

خذها نصيحه وإفهم القصد يا (فلان)
................... العمـر واحـد والمنـيّـه منـيّـه
نصيحتي لـك مـا تقّـدر بالأثمـان
.................. أوصيك وإحفظ مـا يجـي بالوصيّـه
ما أقولها غـاوي ولا طيـش شبّـان
.................. فـارس وأقـدّر مركبـي للمطـيّـه
شجاع إذاباقي مع النـاس شجعـان
.................. ما اخاف من عشره ولا اخـاف ميّـه
وأصون نفسي عن بلا كـل خـوّان
................... الحـر نفسـه بالمـواقـف أبـيّـه
أنت تخبر لا جا مـن أقصـاه ذيبـان
..................... وسود الليالـي فـي عيونـه سويّـه
إحذر حليم النفس لا جـاك زعـلان
................. يكفيـك شـرّه لا حضـر هالمسيّـه
متلبّسـه خمسـه وتسعيـن شيطـان
................... وجاها بعـزّة نفـس مـع عنجهيّـه
شيّدبـره لا جـاك جيّـة كحيـلان
.................... ومحضّـر براسـه جنـون الفضـيّـه
وإن جاك له حقٍ ولا جـاك غلطـان
................... بالله وشهـو موقـفـك بالقضـيّـه
كلما تبي ترفـع يزيـدون نقصـان
................... مخطي وكلك مـن أساسـك خطيّـه
لا كابرٍ قدرك ولا كان لـك شـان
.................... جنيّتـك يـا كبرهـا مـن جنـيّـه
هذا إذا لأهـل الخطـا فيـه ميـزان
.................... بـه كفـةٍ عليـا وكـفّـه دنـيّـه
يالعن أبو من خان يوم الزمـن خـان
................. ويالعن أبو من خـان عشـرة خويّـه
شف كيف صارت شي من شي لا كان
................ وش عاد لـو فـي شـي أو معمعيّـه
إفهم معاني المفـرده كانـك إنسـان
.................. جتـك المعانـي والمعـانـي قـويّـه
أنا علـى نيّـه مـن أول إلـى الآن
.................. وأنـت اتقلـب كـل يـومٍ بنيّـه

صباح الـ ..

إيش ؟!

مدري أي صباح اللي لقيت اليوم ؟!

؟؟؟
؟؟
؟

تصبحوون على خير

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني


أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني


أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني


أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني


أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني


أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني


أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني


أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني


أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني


أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني


إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني


أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني


أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني


أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني


أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني