أذن المـذن ونـادى طـول صوتـه بالمـنـاره= وقمت طولـي للسفينـة ثـم فليـت الشراعـي
لو يزيد المـوج مانـي فالبحـر سـواق طـاره= عارفٍ مجرى السفينـة فـي نـزولٍ ورتفاعـي
كـل رجـال ٍ هواجيسـه علـى قـد اقـتـداره=والحظيظ اللي مع العربـان عاقـل واجتماعـي

ليت العمـر ينبـاع والله لشريـه=وأروح للطيّـب وأزوّد سنيـنـه
وإلا الردي لعـل تقصـر لياليـ=ما من وجـوده فايـده خابرينـه
أفزع مع الطيّب عسى الله يخليـه=اللي لفعل الطيـب تبـذل يمينـه
خل الـردي لعـل تكثـر بلاويـه=ثقيل دم وفـوق ذا ثقـل طينـه
ياللي عبيده تطلبـه ثـم ترجيـه=أعطف على عبدك وقـوّه بدينـه
وإلا الردي ما همني وش يجي فيه=لو غاب ما همب العرب فاقدينـه
لا واحسافه كيف يصبح مساويـه=النذل والطيّب سـوى بالسفينـه
مواقـف الطيّـب تعـزه وتغليـه=وإلا الـردي لعـل ربـي يهينـه

ألا يا ونتاه اللي مـن الفرقـى بـرت حالـي =كما بري الدبا الغصن الوريق اللي على حلّه
على اللي من ثلاث إسنين هو همي وغربالي =ولكن ماحصل لي منه ساعه تبـري العلـه
إلى مني بغيته فـي محلـه مـا تهيـا لـي =والى منه بغى ياصل محلي صار بـه ذلـه
وإلى مني بغيت انساه وادّلَه عن هوى بالـي =بلاي النفس ماهي عن صخيف الروح منحله

يامل عين الـى جـا الليـل عيـت لاتنـام =تكثر عليها الروابـع يامعيـن الصابريـن
من عقب ما استبشرت بالنور وانجال الظلام =شافت من الغيظ مايملـي نظرهـا مرتيـن
لا وهنـي المعـافـى مايـلـوم ولا يــلام =مستانس لـو يزيـن الوقـت ولا مايزيـن