قولي بس كلمة احبك واترك الباقي عليه= قولها بنظرة عيونك خذني ياعمري هديه
عشت انا عمري لوحدي انتظر لحظه هنيه= ارتجي لمسه حنونه وابتسامه لو خفيه
كان ميعادك حبيبي كيف تتغير عليه=جيت ابسال نبض قلبي انت لي والا عليه
المحبه جاوبتني المحبه الاوليه=جيت ابسال نبض قلبي .. الامل هل له بقيه ؟؟
المحبه جاوبتني المحبه الاوليه=انت اول حب عندي انت اخر شي ليه

يآجرح لو تلتهب مآهي على كيفك ..=الحآجه اللي تذل النفس مابيها ،!
ياجرح ! لو في خفوقي مآكنن سيفك ..=العزه اللي برآسي منت قآويها ،!

يا زين شوف النفود وجوه الماطر=في خايعٍ ما وطا به قبلنا واطي
ريح النفل والخزامى يشرح الخاطر=يسري بروحٍ عليلة همها ساطي
بيت الشعر والغنم والعد والفاطر=أحلى ولا جلسةٍ في جانب الشاطي
مع ربعي اللي تعين وتكرم الخاطر=سوالفٍ ما بها تكذيب وخراطي
كلٍ بنفسه لعزة ربعه إيخاطر=يحلا له الموت دون المركز الواطي
ما منهم اللي لحق أهل الوفى باطر=كلٍ يعد الحقايق دون الأغلاطي
والبن متزهلٍ به واحدٍ شاطر=بيطار يعرف مقاديره ويحتاطي
لا دار وقت الضحى فنجاله العاطر=يجلي عن الراس همٍ سبب إحباطي
والطير متحريٍ للهدة وناطر=يبغى الأشارة من القناص متباطي
دم الحباري من اسبابه غدا قاطر=والخرب عوَّد على ادنى هامته واطي