على هونك ياقصيدي لا تضيق = والله الا تارد العد القراح

ياليتني قبل اعرف اتعب عرفت استريح=من شان ماتوجــع دروبـي ثــقيـل الـخطـا

حنا الجبلان وفعلنا يرفع الراس= و الكل منا عاش مرفوع راسه
حنا صنعنا المجد في يوم اعماس= يوم العرب تشكي حروب و تعاسه
حنا ذهب صافي مرصع بالالماس= وكل على الزلة شديد احتراسه
حنا هل الفزعات في موقف الياس=نجلي عن المضيوم همه وباسه
حنا بخوتنا معزه نوماس = حنا الفخر.. ربعه واهله وناسه
حنا المزون السود صعبين الامراس =معاندين الموت نشرب بكاسه
حنا لها يوم ان الافكار تنحاس= وكل على ماقيل يلبس مقاسه
افعالنا عند العرب مالها قياس= واللي يعادينا تجيه انتكاسه
جبلان .. اي والله من العرق للساس=ثوب الفخر والطيب حنا لباسه

مافيه شكه لا ولا فيه وسواس= صغيرنا للطيب يدرس دراسه
عدونا بالحرب يبشر بالافلاس=و قصيرنا بالطيب نضوي عماسه
و دخيلنا بالضيق عليه حراس= نغطي عليه رجال عون وحراسه
يوم الكريهه يوم حبسات الانفاس=تلقى لنا صوله وعزه وفراسه
لو تجتمع كل القبايل فلا باس= كلن على الطولات معروف ساسه

وبي عبرةٍ منها المخاليق تهتال=ياعبرتي لا تفضحيني عشاني!!
ياعبرتي خلي لك الصدر منزال=لاهوب بك داري.. ولاهوب عاني

شفـتـك ولا حطـيـت عيـنـي بعـيـنـك=خـايـف عيـونـك لا تـنـادي عيـونـي
وأخضع وأنا عندي خضوعي بيدينك=اكـبـر مصيـبـة فــي معـالـم جـنـونـي
يــا نــور عيـنـي لا تـبـيـن حنـيـنـك=كلـن يهـون إلا أنــت لا مــا تهـونـي
ودي بقـربـك بــس ويـنـي و ويـنـك=جـور الليالـي صــار دونــك ودونــي
أبـعـد فـــي أمـــان الله والله يعـيـنـك=قلبي على عهدك حشا لا مـا يخونـك
ونـيـن قلـبـي لا مــا يـعـادل ونـيـنـك=هـمـي كبـيـر وغـيـر الـوقـت لـونــي
أهـيــن كـــل الـلــي يـفـكـر يهـيـنـك=حـبـك يـداعـب خافـقـات الشـجـونـي
هــذي يميـنـي حطـهـا فـــي يمـيـنـك=وهذي ديونـي وأنـت عطنـي ديونـك

شيوخنا بالعز والعز نبراس= اهل الكرم والطيب واهل الشراسه
حنا على الطولات مانعرف الياس= نرقى الطوال ونستحل الرئاسه
تشهد لنا كل المخاليق والناس= الكل منا عاش مرفوع راسه