|
لكن يا مـن معـك عقـل ووثاقـه=ابنصحـك كانـك للامثـال تشتـاق لا تنخـدع بأهـل العلـوم الرقاقـه=اللـي سوالفهـم توهـق تـوهـاق صـادق رجـال يعرفـون الصداقـه=يقفون صفك يوم يبسـات الاريـاق ومن رغب في فرقاك فارغب فراقـه=جاز الذي يجـزاك بفـراق بفـراق |
بدري عليك ان كان هذي نواياك
تبطي وانا من غيبتك ما تأذيت يا اغبي غبي , ماهمني وقت فرقاك انا مع الخاين ولا يوم حسيت لا تحسب اني بتبعك وآترجاك بتموت ماجيتك لو انك ترجيت ماهو بنا لامر طاريك ناداك انت الذي لامر طاريَ ناديت اللي رفعك ومنزلك بين ماطاك يقدر ينزل هامتك لو تعاليت بكره تذكر من عن الناس بداك ماينفعك في وقتها قول ياليت خسرت ذا من عقب هذا وهاذاك واكبر دليل انك بعدها تربيت هذا جزى منهو يسوي سوياك ياشين حظك يوم رحت وتهقويت شفني قدرت انسى خيانتك وانساك بس انت ماتنسى لو انك تناسيت |
طالت الغيبات يالغالي علينا
وان تحريتك فهذا من غلاك لو يطول البعد ماوالله سلينا المشاعر همها لحظة لقاك ياكريم النفس مثلك مالقينا لك معزه زادها عندي وفاك |
أموت من دونك ..و..اموت وياك
أفارقك..ولا.. افارق حياتي وان خيروني مابين موتي وفرقاك ولا ادري بالخيارين الموت آتي |
لو قلتـ انـــــا اغليكـــــ قالـــــ هــو انـا اكثــــر
يــــاما زعلنـــــا منــــ اكثـــــر يغلـــي الثـــانـي |
منهو حبيبك غايتي بس اهنيه ..
على حسن حظه عشانك حبيبه .. انا اشهد ان الله يحبه و يعطيه .. اللي هداك الرب تصبح نصيبه .. يا اللي خذيت من الحلا كل ما فيه .. و من الطبع كل الخصال الحبيبه .. تسحر بهمساتك عقل من تحاكيه .. مع خف الدم و ملح ما ينحكى به .. لك حق يوم تموق و تحس بالتيه .. الله وهبك اوصاف زين غريبه .. قبلك و انا بعض الجمال ألتفت فيه .. و عقبك ظهر في كل من شفت عيبه .. |
الدمع غالي كف دمعك كفايه ..
وش في دموعك فوق خدك جواري .. دمعي معك و ان هل دمعك عزايه .. ابكي لدمع من العيون الحواري .. يا منور دنياي لي يا منايه .. يا ريف حالي خل عنك الطواري .. تدري بقلبي ما لحبك نهايه .. و غلاك عندي مايبي له مواري |
كان لك عزه فأنا عندي كرامه ..
و ما على المقفي و لو غالي ندامه .. اني استجديك ترجع لا تهوجس .. لا تفارقني الى يوم القيامه .. و اعترف بأشواقي لشوفك و لكن .. عزتي للي هوى حبه مرامه .. و من يطيع القلب ينكر فضل عقله .. و من قوى رغبات نفسه في ملامه .. وش سعادتنا عشان اندم عليها .. يوم اوزانها بتشكيكك و ملامه .. ان تفارقنا العلم فيه خيره .. الغرام يفسده كثرة خصامه .. اكتشفنا كلنا مر الحقيقه .. ليش نخفي روسنا مثل النعامه .. خلنا نذكر بعضنا بالمحاسن .. و الله يمشيك في درب السلامه .. بيني و بينك وكاد الحب ولى .. بس لا احد يجرح الثاني كلامه .. ما يخلي قلبي اللي طال دربه .. عارض حبه لمن يملك زمانه |
قالوا تحبه قلت ماهو بالحيل ..
بس انه اغلى شوي من نور عيني .. يسوى جميع الجيل الاول و هالجيل .. احبابي الماضين و المقبليني .. شوقي له اعظم من ضمى الارض لسيل .. و اشفق عليه اكثر من ام الجنيني .. و احتاج له حاجة ثرى مصر للنيل .. و عليه اغار و لو من والديني .. اشتاق له شوق المحبين لليل .. و ارتاح له راحة دموع الحزيني .. لا صار جنبي لو سنه وقتي يخيل .. و لا غاب لو لحظه صارت سنيني .. قالوا يحبك قلت هذا هو الويل .. ما ودي انشد ثم رفضه يجيني .. و اهدم رجاي بدبرتي مثل ما قيل .. و الافضل احيا بالامل لو لحيني .. يا حبكم يا ناس للقال و القيل .. و الامر لو هو سهل يصبح مهيني .. خلوني احيا فالوهم يا عواذيل .. وش دخلكم و الامر بينه و بيني .. |
ما كلف الله نفس مالا تطيقه ..
البعد و الحرمان ماعاد ينطاق .. ماكنت افكر في فراقك دقيقه .. لولا ان عقلي من سبات الهوى فاق .. و شفت ان جمع الشمل ماله طريقه .. ولا صار لي قدره على قهر الاشواق .. تسري الليالي السود مثل الحريقه .. تحرق من ايام العمر خضر الاوراق .. و نور الامل في الوصل يفقد بريقه .. و دايم و حنا بالاسم بس عشاق .. ظهر لي الواقع و مر الحقيقه .. كل شي يقول فراق و فراق و فراق |
| الساعة الآن 07:34 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
